കൊട്ടാരക്കര: പോലീസ് ആസ്ഥാനത്ത് പ്രവര്‍ത്തിക്കുന്ന വനിതാസെല്ലില്‍ സ്ത്രീകള്‍ക്കും കുട്ടികള്‍ക്കും ഇനി വീട്ടിനുള്ളില്‍ ഇരുന്ന് തന്നെ അവരുടെ പരാതികള്‍ വിളിച്ച് അിറയിക്കാം.
പരിഹാരവും ഉടനെ ഉണ്ടാകും. 9497931113 ആണ് വിളിക്കേണ്ടുന്ന നമ്പർ. 2020 മുതല്‍ ഗാര്‍ഹിക അതിക്രമങ്ങള്‍ തടയുന്നതിനായി വനിതാസെല്ലില്‍ ഡൊമസ്റ്റിക് കോണ്‍ഫ്‌ളിക്ട് റസല്യൂഷന്‍ സെന്‍റര്‍ പ്രവര്‍ത്തിച്ച് വരുന്നു.
രാവിലെ ഒന്പതു മുതല്‍ വൈകുന്നേരം ആറു വരെ ഗാര്‍ഹിക അതിക്രമവുമായി ബന്ധപ്പെട്ട പരാതികള്‍ വിളിച്ചറിയിക്കാം.
കുട്ടികളില്‍ വര്‍ധിച്ച് വരുന്ന ആത്മഹത്യാ പ്രവണത തടയുന്നതിനും അവരുടെ മാനസിക സംഘര്‍ഷം ലഘൂകരിക്കുന്നതിനും പ്രശ്‌നങ്ങള്‍ തുറന്ന് സംസാരിക്കുന്നതിനുമായി കേരളാ പോലീസ് ആവിഷ്‌കരിച്ച് നടപ്പാക്കി വരുന്ന പദ്ധതിയാണ് ചിരി.
സൈക്കോളജിസ്റ്റ്, സൈക്ക്യാട്രിസ്റ്റ് വിദ്യാഭ്യാസരംഗത്ത് പ്രവര്‍ത്തിക്കുന്ന വിദഗ്ധരുടെ സേവനവും കൗണ്‍സിലിംഗും സൗജന്യമായി ലഭിക്കും. വിളിക്കേണ്ട നമ്പര്‍ 9497900200.
