പ​രീ​ക്ഷാർഥിക​ൾ​ക്ക് അ​നു​ഗ്ര​ഹം ചൊ​രി​ഞ്ഞ് ജ​ക്രാ​ന്ത​പ്പൂ​ക്ക​ൾ വി​രി​ഞ്ഞു! ഇ​വ​യെ എ​ക്സാം ട്രീ ​എന്നും വിളിക്കുന്നു; വിശ്വാസം ഇങ്ങനെ…

മ​റ​യൂ​ർ: ലോ​കം കൊ​റോ​ണ എ​ന്ന ഭീ​ക​ര വൈ​റ​സി​നു​മു​ന്നി​ൽ പേ​ടി​ച്ചു​നി​ൽ​ക്കു​ന്പോ​ൾ പ​രീ​ക്ഷാ​പൂ​ക്ക​ൾ എ​ന്ന​റ​ിയപ്പെ​ടു​ന്ന ജ​ക്രാ​ന്ത നീ​ല​ക്കു​ട വി​രി​ച്ചി​രി​ക്കു​ക​യാ​ണ്.

എ​ത്ര ന​ല്ല രീ​തി​യി​ൽ ഗൃ​ഹ​പാ​ഠം ചെ​യ്താ​ലും എ​ത്ര മി​ടു​ക്ക​രാ​യ കു​ട്ടി​ക​ളി​ലും വാ​ർ​ഷി​ക പ​രീ​ക്ഷ എ​ന്ന​ത് പേ​ടി ത​ന്നെ​യാ​ണ്. ഈ ​പ​രീ​ക്ഷാ പേ​ടി​യ​ക​റ്റു​ന്ന പൂ​ക്ക​ളാ​ണ് മ​റ​യൂ​ർ മ​ല​നി​ര​ക​ളി​ൽ പൂ​വ​ണി​ഞ്ഞി​രി​ക്കു​ന്ന​ത്.

സം​സ്ഥാ​ന​ത്ത് ജാ​ഗ്ര​ത​യു​ടെ ഭാ​ഗ​മാ​യി ഒ​ന്പ​താം ക്ലാ​സ് വ​രെ​യു​ള്ള പ​രീ​ക്ഷ​ക​ൾ ഇ​ല്ലാ​താ​യെ​ങ്കി​ലും ഹൈ​സ്കൂ​ൾ, ഹ​യ​ർ സെ​ക്ക​ൻ​ഡ​റി, ബി​രു​ദ പ​രീ​ക്ഷ എ​ഴു​തു​ന്ന വി​ദ്യാ​ർ​ഥി​ക​ൾ​ക്ക് അ​നു​ഗ്ര​ഹ​വും ആ​ശ്വാ​സ​വു​മാ​ണ് നീ​ലപ്പൂ​ക്ക​ൾ.

മ​റ​യൂ​രി​നൂം മൂ​ന്നാ​റി​നും ഇ​ട​യി​ൽ സ​മു​ദ്ര​തീ​ര​ത്തു​നി​ന്നും എ​ണ്ണാ​യി​രം അ​ടി ഉ​യ​ര​ത്തി​ലു​ള്ള ഉ​മി​യാം​മ​ല എ​ന്ന പാ​റ​ക്കെ​ട്ടി​ന്‍റെ താ​ഴ്ഭാ​ഗ​ത്തു​ള്ള വാ​ഗ​വ​രൈ​യി​ലാ​ണ് ജ​ക്രാ​ന്ത മ​ര​ങ്ങ​ൾ പൂ​വി​ട്ടി​രി​ക്കു​ന്ന​ത്.

തേ​യി​ലത്തോ​ട്ട​ങ്ങ​ൾ​ക്കി​ട​യി​ലും പാ​ത​യോ​ര​ങ്ങ​ളി​ലും ഇ​ല​ക​ൾ പൂ​ർ​ണ​മാ​യും കൊ​ഴി​ഞ്ഞ ഉ​യ​രം​കൂ​ടി​യ മ​ര​ച്ചി​ല്ല​ക​ൾ നി​റ​യെ നീ​ല​നി​റ​ത്തി​ലു​ള്ള പൂ​ക്ക​ളു​മാ​യി മാ​ർ​ച്ച് -ഏ​പ്രി​ൽ മാ​സ​ങ്ങ​ളി​ൽ നി​ൽ​ക്കു​ന്ന മ​ര​ങ്ങ​ൾ​നി​റ​ഞ്ഞ നാ​ട് എ​ന്ന അ​ർ​ഥം ഉ​ൾ​ക്കൊ​ണ്ടാ​ണ് വാ​ഗ​വ​രൈ എ​ന്ന ദേ​ശ​പ്പേ​ര് ഉ​ണ്ടാ​യ​തെ​ന്ന് മു​തി​ർ​ന്ന തോ​ട്ടം തൊ​ഴി​ലാ​ളി​ക​ൾ പ​റ​യു​ന്നു.

ജ​ക്രാ​ന്ത​മ​ര​ങ്ങ​ൾ​ക്ക് വാ​ക എ​ന്നും വ​രൈ എ​ന്ന ത​മി​ഴ് വാ​ക്കി​ന​ർ​ഥം പാ​റ​ക്കെ​ട്ട് എ​ന്നു​മാ​ണ്.

ഇ​വ കൂ​ടി​ച്ചേ​ർ​ന്നാ​ണ് ഈ ​പ്ര​ദേ​ശ​ത്തി​ന് വാ​ക​വ​രൈ എ​ന്ന വി​ളി​പ്പേ​രു​ണ്ടാ​യ​ത്. അ​ൻ​പ​ത് അ​ടി​യി​ലേ​റെ ഉ​യ​ര​ത്തി​ൽ വ​ള​രു​ന്ന വൃ​ക്ഷം വി​ദേശ​രാ​ജ്യ​ങ്ങ​ളി​ൽ അ​ല​ങ്കാ​ര വൃ​ക്ഷ​മാ​യാ​ണ് ഉ​പ​യോ​ഗി​ക്കു​ന്ന​ത്.

ജ​ക്രാ​ന്ത പൂ​ക്ക​ൾ​ക്ക് ദൈ​വി​ക​ത​യും വി​ശ്വാ​സ​പ​ര​വു​മാ​യ പ​രി​വേ​ഷ​വു​മു​ള്ള​ത് ആ​ഫ്രി​ക്ക​ൻ ഭൂ​ഖ​ണ്ഡ​ത്തിലെ ദ​ക്ഷി​ണാ​ഫ്രി​ക്ക​യി​ലും സൗ​ത്ത് അ​മേ​രി​ക്ക​യി​ലു​മാ​ണ്.

സൗ​ത്ത് ആ​ഫ്രി​ക്ക​യി​ലെ പ്രി​ട്ടോ​റി​യ യൂ​ണി​വേ​ഴ്സി​റ്റി​യി​ലേ​ക്ക് വ​ർ​ഷാ​വ​സാ​ന പ​രീ​ക്ഷ​യ്ക്കാ​യി പോ​കു​ന്ന വി​ദ്യാ​ർ​ഥി​ക​ളു​ടെ ത​ല​യി​ലോ ശ​രീ​ര​ത്തി​ലോ ജ​ക്രാ​ന്ത​പ്പൂ​ക്ക​ൾ കൊ​ഴി​ഞ്ഞു​വീ​ണാ​ൽ അ​വ​ർ എ​ല്ലാ വി​ഷ​യ​ങ്ങ​ൾ​ക്കും മി​ക​ച്ച മാ​ർ​ക്ക് ല​ഭി​ക്കു​മെ​ന്ന​താ​ണ് വി​ശ്വാ​സം.

പാ​ത​യോ​ര​ങ്ങ​ൾ നി​റ​യെ നീ​ല​പ്പൂ​ക്ക​ളാ​യ​തി​നാ​ൽ ഇ​വ കൊ​ഴി​ഞ്ഞു​വീ​ഴു​ന്പോ​ൾ ഈ ​വി​ശ്വാ​സം കാ​ര​ണം വി​ദ്യാ​ർ​ഥി​ക​ളു​ടെ മാ​ന​സി​ക സം​ഘ​ർ​ഷം കു​റ​യാ​ൻ കാ​ര​ണ​മാ​കു​മെ​ന്ന പോ​സി​റ്റീ​വ് വ​ശ​വും ഈ ​വി​ശ്വാ​സ​ത്തി​ലു​ണ്ട്.

മാ​ർ​ച്ചി​ലെ വ​ർ​ഷാ​വ​സാ​ന പ​രീ​ക്ഷ എ​ഴു​തു​വാ​നാ​യി വാ​ഗ​വ​രൈ സ​ർ​ക്കാ​ർ ഹ​യ​ർ​സെ​ക്ക​ൻ​ഡ​റി സ്കൂ​ളി​ലേ​ക്കു​ള്ള പാ​ത​യി​ൽ വീ​ണു​കി​ട​ക്കു​ന്ന ജ​ക്രാ​ന്തപ്പൂ​ക്ക​ളു​ടെ പ​ര​വ​താ​നി​യി​ലൂ​ടെ ക​ട​ന്നു​പോ​കു​ന്ന കു​ട്ടി​ക​ൾ​ വി​ദേ​ശ​ത്തെ പ്രി​ട്ടോ​റി​യ​ൻ വി​ദ്യാ​ർ​ഥി​ക​ൾ​ക്കി​ട​യി​ലു​ള്ള വി​ശ്വാ​സം ഒ​രു​പ​ക്ഷേ അ​റി​യാ​ൻ വ​ഴി​യി​ല്ല.

ജ​ക്രാ​ന്ത മ​ര​ങ്ങ​ൾ ഡി​സം​ബ​റി​ലെ ശി​ശി​ര​ത്തി​ൽ ഇ​ല​കൊ​ഴി​ഞ്ഞ​ശേ​ഷം ക​ണി​ക്കൊ​ന്ന ക​ണ​ക്കെ മ​ര​ച്ചി​ല്ല​ക​ൾ നി​റ​യെ പൂ​വി​ടു​ന്ന​ത് മാ​ർ​ച്ച് മാ​സ​മാ​യ​തി​നാ​ലാ​വാം ഇ​വ​യെ എ​ക്സാം ട്രീ ​എ​ന്നു വി​ളി​ക്കു​ന്ന​ത്.