അ​ധോ​ലോ​ക​ത്തെ മ​ല​യാ​ളി​പ്പോ​ര് അ​ങ്ങ​നെ അ​വ​സാ​നി​ച്ചു! അ​ധോ​ലോ​ക​ത്തെ രീ​തി​ക​ളും ത​ന്ത്ര​ങ്ങ​ളു​മൊ​ന്നും അറിയാത്ത ​ഓട്ടോ ഡ്രൈ​വ​ർ ക​ബ​ളി​പ്പി​ക്ക​പ്പെ​ട്ടു; ഒടുവില്‍…

1985ലെ ​ഒ​രു സാ​യാ​ഹ്ന​ത്തി​ൽ ചെ​ന്പൂ​രി​ലെ ഒ​രു മൈ​താ​ന​ത്തു​ന​ട​ന്ന പ്രാ​ദേ​ശി​ക ക്രി​ക്ക​റ്റ് മ​ത്സ​ര​ത്തി​ൽ ക​ളി​ക്കാ​ര​നാ​യി ഇ​റ​ങ്ങി​യ​താ​യി​രു​ന്നു അ​ബ്ദു​ൾ കു​ഞ്ഞ്.

ക​ളി കാ​ണാ​നെ​ത്തി​യ​വ​രു​ടെ കൂ​ട്ട​ത്തി​ൽ ഷോ​ർ​ട്സും ടീ​ഷ​ർ​ട്ടും സ്പോ​ർ​ട്സ് ഷൂ​സും ധ​രി​ച്ചെ​ത്തി​യ ഛോട്ടാ ​രാ​ജ​നും കൂ​ട്ടാ​ളി​ക​ളാ​യ സ​ഞ്ജ​യ് റ​ഗ്ഗാ​ദും സാ​ധു വി​ജ​യും ഉ​ണ്ടാ​യി​രു​ന്നു. കാ​ണി​ക​ളു​ടെ ആ​വേ​ശ​ത്തി​മി​ർ​പ്പി​നി​ട​യി​ൽ അ​ബ്ദു​ൽ കു​ഞ്ഞു​വി​ന്‍റെ ബാ​റ്റി​ൽ​നി​ന്നും ബൗ​ണ്ട​റി​ക​ളും സി​ക്സ​റു​ക​ളും പ​റ​ന്നു.

ബൗ​ണ്ട​റി ലൈ​ൻ ക​ട​ന്നെ​ത്തി​യ പ​ന്ത് എ​ടു​ത്തു കൊ​ടു​ക്കാ​നാ​യി ഛോട്ടാ ​രാ​ജ​നും മ​റ്റു ര​ണ്ടു​പേ​രും മൈ​താ​ന​ത്തി​ലേ​ക്കു ക​യ​റി​ച്ചെ​ന്നു. കു​ഞ്ഞു​വി​ന്‍റെ അ​ടു​ത്തെ​ത്തി​യ ഉ​ട​ൻ പോ​ക്ക​റ്റി​ൽ​നി​ന്നു കൈ​ത്തോ​ക്കെ​ടു​ത്തു പോ​യി​ന്‍റ് ബ്ലാ​ങ്കി​ൽ നി​റ​യൊ​ഴി​ച്ചു.

തു​രു​തു​രാ വെ​ടി​യു​ണ്ട​ക​ളേ​റ്റു ക്രി​ക്ക​റ്റ് പി​ച്ചി​ൽ​ത്ത​ന്നെ കു​ഞ്ഞു മ​രി​ച്ചു​വീ​ണു. അ​ധോ​ലോ​ക​ത്തെ മ​ല​യാ​ളി​പ്പോ​ര് അ​ങ്ങ​നെ അ​വ​സാ​നി​ച്ചു.

കൊ​ല​യ്ക്കു കൂ​ലി

ബ​ഡാ രാ​ജ​നെ കൊ​ല​പ്പെ​ടു​ത്തു​ന്ന​തി​നു പ്ര​തി​ഫ​ല​മാ​യി വാ​ഗ്ദാ​നം ചെ​യ്യ​പ്പെ​ട്ട ഭീ​മ​മാ​യ തു​ക​യ്ക്കാ​യി അ​ബ്ദു​ൾ കു​ഞ്ഞി​നും മ​ഹേ​ഷ് ധൊ​ലാ​ക്കി​യ​യ്ക്കും പി​ന്നാ​ലെ ന​ട​ക്കു​ക​യാ​യി​രു​ന്നു വാ​ട​ക​ക്കൊ​ല​യാ​ളി​യാ​യ ച​ന്ദ്ര​ശേ​ഖ​ർ സ​ഫാ​ലി​ക.

അ​ധോ​ലോ​ക​ത്തെ രീ​തി​ക​ളും ത​ന്ത്ര​ങ്ങ​ളു​മൊ​ന്നും വ​ശ​മ​ലി​ല്ലാ​തി​രു​ന്ന ഈ ​ഒാ​ട്ടോ ഡ്രൈ​വ​ർ സ​മ​ർ​ഥ​മാ​യി ക​ബ​ളി​പ്പി​ക്ക​പ്പെ​ട്ടു. എ​ന്നു മാ​ത്ര​മ​ല്ല, ബ​ഡാ രാ​ജ​ൻ എ​ന്ന അ​ധോ​ല​ക നേ​താ​വി​നെ കൊ​ല​പ്പെ​ടു​ത്തു​ക വ​ഴി സ്വ​ന്തം ജീ​വ​നും അ​പ​ക​ട​ത്തി​ലാ​ക്കി.

ക്വ​ട്ടേ​ഷ​ൻ ന​ൽ​കി​യ​വ​രോ വാ​ക്കു പ​റ​ഞ്ഞ​വ​രോ ആ​രും ഇ​യാ​ളെ സ​ഹാ​യി​ക്കാ​നും എ​ത്തി​യി​ല്ല. ആ​ദ്യം ന​ൽ​കി​യ ഒ​രു ല​ക്ഷം രൂ​പ​യു​ടെ അ​ഡ്വാ​ൻ​സ​ല്ലാ​തെ കാ​ര്യ​മാ​യി മ​റ്റൊ​ന്നും ര​ണ്ടു വ​ർ​ഷ​ത്തോ​ള​മാ​യി​ട്ടും സ​ഫാ​ലി​ക​യ്ക്കു ല​ഭി​ച്ചി​രു​ന്നി​ല്ല.

അ​തി​നി​ട​യി​ൽ ഛോട്ടാ ​രാ​ജ​ന്‍റെ സം​ഘാം​ഗ​ങ്ങ​ളെ പേ​ടി​ച്ച് ഒ​ളി​ത്താ​വ​ള​ങ്ങ​ൾ മാ​റി​മാ​റി ജീ​വി​ക്കേ​ണ്ട അ​വ​സ്ഥ​യി​ലു​മാ​യി​രു​ന്നു.

വീ​ണ്ടും ച​തി​യി​ൽ

അ​ബ്ദു​ൾ കു​ഞ്ഞി​ന്‍റെ കാ​ര്യം തീ​രു​മാ​ന​മാ​യ​തോ​ടെ സ​ഫാ​ലി​ക​യു​ടെ ഭ​യം ഇ​ര​ട്ടി​ച്ചു. കു​റ​ച്ചെ​ങ്കി​ലും പ​ണം കി​ട്ടി​യാ​ൽ നാ​ടു​വി​ട്ട് എ​ങ്ങോ​ട്ടെ​ങ്കി​ലും പോ​കാ​മെ​ന്നാ​യി അ​യാ​ളു​ടെ ചി​ന്ത. അ​തി​നാ​യി ഒ​രി​ക്ക​ൽ​കൂ​ടി മ​ഹേ​ഷ് ധൊ​ലാ​ക്കി​യ​യെ സ​മീ​പി​ച്ചു.

എ​ന്നാ​ൽ, വാ​ഗ്ദാ​നം​ത​ന്ന അ​ബ്ദു​ൾ കു​ഞ്ഞ് മ​രി​ച്ച​തോ​ടെ ഇ​നി ആ ​പ​ണ​ത്തെ​ക്കു​റി​ച്ചു ചി​ന്തി​ക്കേ​ണ്ട​തി​ല്ലെ​ന്ന മ​റു​പ​ടി​യാ​ണ് ധൊ​ലാ​ക്കി​യ​യി​ൽ​നി​ന്നു ല​ഭി​ച്ച​ത്.

ഇ​തോ​ടെ സ​ഫാ​ലി​ക ആ​കെ നി​രാ​ശ​നാ​യി. പ​ണം കി​ട്ടാ​നു​ള്ള എ​ല്ലാ വ​ഴി​ക​ളും ത​നി​ക്കു മു​ന്നി​ൽ അ​ട​ഞ്ഞെ​ന്ന് അ​യാ​ൾ​ക്കു മ​ന​സി​ലാ​യി.

ഇ​തോ​ടെ സ​ഫാ​ലി​ക താ​നെ കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന അ​ബ്ദു​ൾ മ​ജീ​ദ് എ​ന്ന ഗു​ണ്ട​യു​ടെ സ​ഹാ​യം തേ​ടി. എ​ന്നാ​ൽ, ഈ ​ഗു​ണ്ട​യ്ക്കു ഛോട്ടാ​രാ​ജ​ൻ സം​ഘ​വു​മാ​യി അ​ടു​ത്ത ബ​ന്ധ​മു​ണ്ടെ​ന്നു സ​ഫാ​ലി​ക അ​റി​ഞ്ഞി​രു​ന്നി​ല്ല.

മ​ജീ​ദ് സ​ഫാ​ലി​ക​യെ താ​നെ​യി​ലെ ഒ​രു ബാ​റി​ലേ​ക്കു ക്ഷ​ണി​ച്ചു​വ​രു​ത്തി. അ​ബ്ദു​ൾ കു​ഞ്ഞി​നെ കൊ​ല​പ്പെ​ടു​ത്തി​യ സം​ഘ​ത്തി​ലെ അം​ഗ​മാ​യി​രു​ന്ന സാ​ധു​വി​ന്‍റെ ഉ​ട​മ​സ്ഥ​ത​യി​ലു​ള്ള ബാ​റി​ലേ​ക്കാ​ണ് മ​ജീ​ദ് സ​ഫാ​ലി​ക​യെ ക്ഷ​ണി​ച്ച​ത്.

അ​വി​ടെ​വ​ച്ച് ഇ​ഷ്ടം​പോ​ലെ മ​ദ്യം ന​ൽ​കി അ​വ​ശ​നി​ല​യി​ലാ​ക്കി. രാ​ത്രി​യി​ൽ അ​വി​ടെ ത​ങ്ങാ​ൻ നി​ർ​ബ​ന്ധി​ത​നാ​ക്കി.

(തു​ട​രും).