രാ​ഷ്ട്രീ​യം, മ​തം, ജാ​തി എ​ന്നീ വ്യ​ത്യാ​സം ഇ​ല്ല, കൊ​ടി ഇ​ല്ല, യൂ​ണി​ഫോം ഇ​ല്ല! കോ​വി​ഡ് കാ​ല​ത്തെ അ​തി​ജീ​വി​ക്കാ​ൻ സ്വ​യം ത​യാ​റെ​ടു​ത്ത് ഒ​രു നാ​ട്

പൊ​ൻ​കു​ന്നം: കോ​വി​ഡ് ദു​രി​ത​ങ്ങ​ൾ​ക്കി​ട​യി​ൽ അ​തി​ജീ​വ​ന​ത്തി​ന്‍റെ പാ​ത സ്വ​യം വെ​ട്ടി​ത്തു​റ​ന്ന് ചേ​ന​പ്പാ​ടി ഗ്രാ​മം.

പ​ര​സ്പ​രം താ​ങ്ങും ത​ണ​ലു​മാ​യി അ​വ​ർ നി​ൽ​ക്കു​മ്പോ​ൾ ഇ​ന്നാ​ട്ടി​ൽ ആ​രും ദു​രി​ത​ബാ​ധി​ത​രാ​കി​ല്ല.

എ​രു​മേ​ലി പ​ഞ്ചാ​യ​ത്തി​ലെ ഒ​ന്ന്, ര​ണ്ട്, മൂ​ന്ന് വാ​ർ​ഡു​ക​ൾ ഉ​ൾ​ക്കൊ​ള്ളു​ന്ന ചേ​ന​പ്പാ​ടി എ​ന്ന ഗ്രാ​മ​മാ​ണ് സേ​വ​ന​രം​ഗ​ത്ത് മാ​തൃ​ക​യാ​വു​ന്ന​ത്.

എ​ല്ലാ​റ്റി​നും നേ​തൃ​ത്വം ന​ൽ​കു​ന്ന​ത് ‘ചേ​ലു​ള്ള ഗ്രാ​മം ചേ​ന​പ്പാ​ടി’ എ​ന്ന ഫേ​സ്ബു​ക്ക് ഗ്രൂ​പ്പും ചേ​ന​പ്പാ​ടി വി​ക​സ​ന സ​മി​തി എ​ന്ന സം​ഘ​ട​ന​യും അ​തി​ന്‍റെ വാ​ട്‌​സ് ആ​പ്പ് കൂ​ട്ടാ​യ്മ​യും.

രാ​ഷ്ട്രീ​യം, മ​തം, ജാ​തി എ​ന്നീ വ്യ​ത്യാ​സം ഇ​ല്ലാ​തെ, കൊ​ടി ഇ​ല്ലാ​തെ, യൂ​ണി​ഫോം ഇ​ല്ലാ​തെ ചേ​ന​പ്പാ​ടി​യി​ലെ എ​ല്ലാ വീ​ടു​ക​ളി​ലും സേ​വ​നം തു​ട​രു​ക​യാ​ണി​വ​ർ.

ചേ​ന​പ്പാ​ടി ഗ്രാ​മ​ത്തി​ൽ സി​എ​ഫ്എ​ൽ​ടി​സി ആ​രം​ഭി​ക്ക​ണ​മെ​ന്നും അ​നു​വ​ദി​ച്ചാ​ൽ എ​ല്ലാ ചി​ല​വു​ക​ളും ഏ​റ്റെ​ടു​ക്കാ​മെ​ന്നും അ​റി​യി​ക്കാ​ൻ ധൈ​ര്യം കാ​ട്ടി​യ കൂ​ട്ടാ​യ്മ​യാ​ണി​ത്.

അ​തി​നാ​യി ഗൂ​ഗി​ൾ മീ​റ്റിം​ഗ് കൂ​ടി തീ​രു​മാ​നം എ​ടു​ക്കു​ക​യും ചെ​യ്തു. കോ​വി​ഡ് രോ​ഗി​ക​ളു​ടെ അ​ട​ക്കം എ​ല്ലാ വീ​ടു​ക​ളി​ലും 1400 രൂ​പ വി​ല​യു​ള്ള ഭ​ക്ഷ്യ കി​റ്റു​ക​ളാ​ണി​വ​ർ എ​ത്തി​ച്ച​ത്.

എ​ല്ലാ വീ​ടു​ക​ളി​ലും കു​ട്ടി​ക​ൾ​ക്ക് ബ്ര​ഡും ബി​സ്‌​ക്ക​റ്റും വി​ത​ര​ണം ചെ​യ്യു​ന്നു​ണ്ട്. ആ​ശ വ​ർ​ക്ക​ർ​മാ​ർ​ക്ക് പി​പി​ഇ കി​റ്റു​ക​ൾ, പ​ൾ​സ് ഓ​ക്‌​സി മീ​റ്റ​ർ എ​ന്നി​വ സൗ​ജ​ന്യ​മാ​യി ന​ൽ​കി.

സ​ന്ന​ദ്ധ സം​ഘ​ട​ന​ക​ളി​ലെ വോ​ള​ണ്ടി​യ​ർ​മാ​ർ​ക്കും പി​പി​ഇ കി​റ്റു​ക​ൾ ന​ൽ​കി. ഒ​പ്പം അ​വ​രു​ടെ ആ​രോ​ഗ്യം സം​ര​ക്ഷി​ക്കാ​ൻ എ​ല്ലാ ദി​വ​സ​വും മു​ട്ട​യും പാ​ലും വി​റ്റാ​മി​ൻ ഗു​ളി​ക​ക​ളും ന​ൽ​കി വ​രു​ന്നു.

പ​ഞ്ചാ​യ​ത്തി​ന്‍റെ സ​മൂ​ഹ അ​ടു​ക്ക​ള​യി​ലേ​ക്ക് ഒ​രാ​ഴ്ച വേ​ണ്ട വി​ഭ​വ​ങ്ങ​ൾ സ്ഥി​ര​മാ​യി ന​ൽ​കു​ന്ന​തും ഈ ​കൂ​ട്ടാ​യ്മ​യാ​ണ്.

കു​ട്ടി​ക​ൾ​ക്കു​ള്ള പാ​ൽ​പ്പൊ​ടി വി​ത​ര​ണം, രോ​ഗി​ക​ൾ​ക്കു​ള്ള വാ​ഹ​ന സ​ർ​വീ​സ് ഇ​ങ്ങ​നെ തു​ട​രു​ക​യാ​ണ് സേ​വ​ന​ങ്ങ​ൾ.

ഇ​പ്പോ​ൾ നാ​ട്ടു​കാ​ർ പി​റ​ന്നാ​ൾ, വി​വാ​ഹ​വാ​ർ​ഷി​കം, വി​വാ​ഹം ഇ​വ​യു​ടെ ചി​ല​വി​നു​ള്ള തു​ക ബ്ര​ഡും ബി​സ്‌​ക്ക​റ്റും വാ​ങ്ങാ​നു​ള്ള ചേ​ന​പ്പാ​ടി വി​ക​സ​ന സ​മി​തി​യു​ടെ പ​ദ്ധ​തി​യി​ലേ​ക്ക് ന​ൽ​കു​ന്നു​ണ്ട്.

ഇ​തി​നി​ട​യി​ൽ ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ന്ന ഒ​രു യു​വാ​വി​ന് അ​ടി​യ​ന്ത​ര ചി​കി​ത്സ​ക്ക് പ​ണം ന​ൽ​കു​ന്നു​മു​ണ്ട്. ചേ​ന​പ്പാ​ടി മു​മ്പും ഒ​ന്നി​ച്ചി​ട്ടു​ണ്ട്.

കാ​ൻ​സ​ർ ബാ​ധി​ത​നാ​യ ഒ​രു വ്യ​ക്തി​യു​ടെ ചി​കി​ത്സ​യ്ക്കാ​യി ര​ക്തം ന​ൽ​കാ​ൻ ബ​സ് പി​ടി​ച്ച് ജ​ന​ങ്ങ​ൾ മൊ​ത്തം ആ​ശു​പ​ത്രി​യി​ലേ​ക്ക് പോ​യ ഗ്രാ​മ​മാ​ണ് ചേ​ന​പ്പാ​ടി.