സിനിമാലോകത്തും സോഷ്യല്‍ മീഡിയയിലും ഏറെ ആരാധകരുള്ള താരമാണ് മലയാളത്തിന്‍റെ സ്വന്തം ലേഡി സൂപ്പര്‍ സ്റ്റാര്‍ എന്നറിയപ്പെടുന്ന മഞ്ജു വാര്യര്‍.
ലുക്കിന്‍റെ കാര്യത്തില്‍ ഒരു രക്ഷയില്ലെന്നാണ് താരം അടുത്തിടെയായി സോഷ്യല്‍മീഡിയയിലുള്‍പ്പെടെ പങ്കുവച്ച ചിത്രങ്ങള്‍ കണ്ട് ആരാധകര്‍ പറഞ്ഞിട്ടുള്ളത്.
ഉണ്ണിമായ, അഞ്ജലി, മായ, ശ്രീബാല ഐ.പി.എസ്, നിരുപമ തുടങ്ങി ചതുര്‍മുഖത്തിലെ തേജസ്വിനി വരെ എത്തി നില്‍ക്കുന്നു മഞ്ജു മലയാളത്തിന് സമ്മാനിച്ച കഥാപാത്രങ്ങളുടെ നീണ്ട നിര.
ഇപ്പോഴിതാ സോഷ്യല്‍മീഡിയയില്‍ മഞ്ജു പങ്കുവച്ചിരിക്കുന്ന പുതിയ ചിത്രത്തിന് താഴെ കമന്‍റുകളുടെ പൊടിപൂരമാണ്.
“ബി യുവര്‍ ഓണ്‍ വണ്ടര്‍ വുമണ്‍’ എന്ന് കുറിച്ചാണ് മഞ്ജു ചിത്രം പങ്കുവച്ചിരിക്കുന്നത്, കില്ലര്‍ ബ്യൂട്ടി എന്നുള്‍പ്പെടെ പലരും ചിത്രത്തിന് താഴെ കമന്‍റുകള്‍ പങ്കുവച്ചിട്ടുമുണ്ട്.
മഞ്ജു സോഷ്യല്‍ മീഡിയയില്‍ പോസ്റ്റ് ചെയ്യുന്ന ചിത്രങ്ങളെല്ലാം നിമിഷ നേരം കൊണ്ടാണ് ആരാധകര്‍ ഏറ്റെടുക്കാറുള്ളത്.
കുറച്ച് ദിവസങ്ങള്‍ക്ക് മുമ്പ് കറുത്ത ഹാഫ് പാവാടയും വെളുത്ത ഷര്‍ട്ടും ധരിച്ചുള്ള മഞ്ജുവിന്‍റെ ചിത്രത്തിന് സോഷ്യല്‍മീഡിയയില്‍ വലിയ സ്വീകാര്യത ലഭിച്ചിരുന്നു. പ്രായഭേദമെന്യേ ഏവരും ഈ ചിത്രം ആഘോഷമാക്കുകയുണ്ടായി.
അതിന് പിന്നാലെയാണിപ്പോള്‍ ഈ പുതിയ ചിത്രം. ഹോളിവുഡ് സ്റ്റൈലിലുള്ള ഈ ചിത്രത്തിന് ആരാധകരും താരങ്ങളും ഉള്‍പ്പെടെയുള്ളവര്‍ കമന്‍റുമായി എത്തിയിട്ടുണ്ട്.
അന്പോ… എന്നാണ് സംവിധായികയും നടിയുമായ ഗീതു മോഹന്‍ദാസിന്‍റെ കമന്‍റ്. പൊളി… എന്ന് കുഞ്ചാക്കോ ബോബനും ദൈവമേ ഇതെങ്ങനെ… എന്ന് ദീപ്തി സതിയും അടിപൊളി…എന്ന് സൗബിനും അരേ വാ… എന്ന് ഗായത്രി സുരേഷും ഉള്‍പ്പെടെ പലരും കമന്‍റ്് ചെയ്തിട്ടുണ്ട്. കില്ലിംഗ് ലുക്ക്…എന്നാണ് നിരവധി ആരാധകര്‍ കമന്‍റിട്ടിരിക്കുന്നത്.
ഒറ്റനോട്ടത്തില്‍ മമ്മൂട്ടി ചിത്രമായ പ്രീസ്റ്റിന്‍റെ പോസ്റ്ററുമായി ചെറിയ സാമ്യമുണ്ടെന്ന് മഞ്ജുവിന്‍റെ ചിത്രം കണ്ടിട്ട് പ്രേക്ഷകര്‍ പറയുന്നു.
ലേഡി സൂപ്പര്‍ സ്റ്റാറിന്‍റെ ചിത്രം കാണുമ്പോള്‍ ആദ്യം പ്രീസ്റ്റിലെ മെഗാസ്റ്റര്‍ ലുക്ക് ഓര്‍മ വരുന്നുണ്ടെന്നും ആരാധകര്‍ പറയുന്നുണ്ട്. ചിത്രത്തില്‍ മമ്മൂട്ടിക്കൊപ്പം മഞ്ജു വാര്യരും ഒരു പ്രധാകഥാപാത്രത്തെ അവതരിപ്പിച്ചിരുന്നു.
മമ്മൂട്ടിയും മഞ്ജുവും ആദ്യമായി ഒന്നിച്ച് അഭിനയിച്ച ചിത്രമാണ് പ്രീസ്റ്റ്. തിയറ്റര്‍ റിലീസായ എത്തിയ ചി ത്രം സൂപ്പര്‍ ഹി റ്റായിരുന്നു.
