തിരുവനന്തപുരം: കേരളത്തിൽ പെട്രോൾ വില നൂറു കടന്നു. സംസ്ഥാനത്ത് വിവിധയിടങ്ങളിലാണ് പെട്രോൾ വില നൂറു കടന്നത്. പാറശാലയിൽ പെട്രോൾ ലിറ്ററിന് 100.04 രൂപയാണ് ഇന്നത്തെ വില. പെട്രോളിന് 26 പൈസയും ഡീസലിന് എട്ട് പൈസയുമാണ് ഇന്ന് കൂട്ടിയത്.
തിരുവനന്തപുരം നഗരത്തിൽ പെട്രോളിന് ഒരു ലിറ്ററിന് 99.80 രൂപയും ഡീസലിന് 95.62 രൂപയുമാണ് ഇന്നത്തെ വില. കൊച്ചിയിൽ പെട്രോളിന് 97.86 രൂപയും ഡീസലിന് 94.79 രൂപയുമാണ് വില. കോഴിക്കോട്ട് പെട്രോൾ 98.23 രൂപയും ഡീസലിന് 93.43 രൂപയുമാണ് വില.
132 ദിവസം കൊണ്ടാണ് പെട്രോൾ ലിറ്ററിന് 90 രൂപയിൽ നിന്ന് നൂറിലെത്തിയത്. 22 ദിവസത്തിനുള്ളിൽ 12 തവണയാണ് ഇന്ധന വില കൂട്ടിയത്.
