ഒടുവിൽ ഗു​രു​സ്വാ​മി​യു​ടെ നി​ര​പ​രാ​ധി​ത്വം തെ​ളി​ഞ്ഞു! ചേ​ര​ക്കോ​ഴി​ക്കു തു​ണ​യാ​യ ഗു​രു​സ്വാ​മിയെ പക്ഷി സ്നേഹികളിൽനിന്നു പോലീസ് രക്ഷിച്ചു; സംഭവം ഇങ്ങനെ…

കോ​ട്ട​യം: ന​ഗ​ര​ത്തി​ൽ കൂ​ടു​ങ്ങി​യ ചേ​ര​ക്കോ​ഴി​ക്ക് തു​ണ​യാ​യി ഗു​രു​സ്വാ​മി. ഇ​ന്ന​ലെ രാ​വി​ലെ 11.15 ഓ​ടെ​യാ​ണ് ന​ഗ​ര​ത്തി​ൽ ഗ​താ​ഗ​ത​ക്കു​രു​ക്കി​നു​വ​രെ ഇ​ട​യാ​ക്കി ഗു​രു​സ്വാ​മി​യും പ​ക്ഷി​യും എ​ത്തു​ന്ന​ത്.

ഹെ​ഡ്പോ​സ്റ്റ് ഓ​ഫീ​സി​ന് മു​ന്നി​ൽ ഇ​ന്ധ​ന​വി​ല​വ​ർ​ധ​ന​വി​നെ​തി​രെ യൂ​ത്ത് ഫ്ര​ണ്ടി​ന്‍റെ സ​മ​രം ന​ട​ക്കു​ന്ന​തി​നി​ടെ​യാ​ണ് ഇ​വ​ർ​ക്ക് മു​ന്നി​ലൂ​ടെ ചേ​ര​ക്കോ​ഴി​യു​മാ​യി ഗു​രു​സ്വാ​മി ക​ട​ന്നു​പോ​കു​ന്ന​ത്.

ഇ​തു ക​ണ്ടു സ​മ​രം ചി​ത്രീ​ക​രി​ക്കാ​ൻ കൂ​ടി​യ കാ​മ​റ​ക​ൾ ഗു​രു​സ്വാ​മി​ക്കൊ​പ്പ​മാ​യി. ഇ​തി​നി​ടെ പ​ക്ഷി​യെ ഇ​യാ​ൾ ക​ട​ത്തി​ക്കൊ​ണ്ടു​പോ​കു​ക​യാ​ണെ​ന്നാ​രോ​പി​ച്ച് പ​ക്ഷിസ്നേ​ഹി​ക​ൾ രം​ഗത്തെത്തി.

ആ​കാ​ശ​പാ​തയ്​ക്ക് സ​മീ​പ​ത്താ​യി ചെ​രി​പ്പുകു​ത്തി ജീ​വി​ക്കു​ന്ന​യാ​ളാ​ണെ​ന്നും തി​രു​ന​ക്ക​ര ബ​സ്‌​സ്റ്റാ​ൻഡ് എ​യ്ഡ് പോ​സ്റ്റി​ലെ ബാ​ത്ത്റൂ​മി​നു​ള്ളി​ൽ കു​ടു​ങ്ങി​യ പ​ക്ഷി​യെ താ​ൻ ര​ക്ഷ​പ്പെ​ടു​ത്തി മൃ​ഗാ​ശു​പ​ത്രി​യി​ലേ​ക്കു കൊ​ണ്ടു പോകു​ക​യാ​ണെ​ന്നും ഗു​രു​സ്വാ​മി പ​ല​ത​വ​ണ പ​റ​ഞ്ഞെ​ങ്കി​ലും ആ​രും കേ​ൾ​ക്കാ​ൻ കൂ​ട്ടാ​ക്കി​യി​ല്ല.

എ​യ്ഡ് പോ​സ്റ്റി​ലെ പോ​ലീ​സു​കാ​രാ​ണ് മൃ​ഗാ​ശു​പ​ത്രി​യി​ലേ​ക്ക് കൊ​ണ്ടു​പോ​കാ​ൻ പ​റ​ഞ്ഞ​തെ​ന്നും ഇ​യാ​ൾ പ​റ​ഞ്ഞെ​ങ്കി​ലും ആ​രും അംഗീകരി ച്ചില്ല.

ഒടുവിൽ എ​യ്ഡ് പോ​സ്റ്റി​ലെ പോ​ലീ​സു​കാ​ർ സ്ഥ​ല​ത്ത് എ​ത്തി ത​ങ്ങ​ളു​ടെ നി​ർ​ദേ​ശ​പ്ര​കാ​ര​മാ​ണ് പ​ക്ഷി​യെ കൊ​ണ്ടു​പോ​കു​ന്ന​തെ​ന്നു വ്യ​ക്ത​മാ​ക്കി​യ​തോ​ടെ ഗു​രു​സ്വാ​മി​യു​ടെ നി​ര​പ​രാ​ധി​ത്വം തെ​ളി​ഞ്ഞു.

പി​ന്നീ​ട് പാ​റ​ന്പുഴ​യി​ൽ​നി​ന്ന് വ​നം​വ​കു​പ്പ് അ​ധി​കൃ​ത​രെ​ത്തി പ​ക്ഷി​യെ കൂ​ട്ടി​ലാ​ക്കി കൊ​ണ്ടു​പോ​കു​ക​യും പ​രി​ക്കു​ക​ൾ ഒ​ന്നും ഇ​ല്ലെ​ന്നു ക​ണ്ട​തോ​ടെ തു​റ​ന്നു വി​ടു​ക​യും ചെ​യ്തു.