ര​ണ്ടാം ഡോ​സു​കാ​ർ​ക്കു​ള്ള കൂ​പ്പ​ണി​ന്‍റെ മ​റ​വി​ൽ ത​ദ്ദേ​ശ സ്ഥാ​പ​ന​ങ്ങ​ളി​ലെ ജ​ന​പ്ര​തി​നി​ധി​ക​ൾ മു​ഖേ​ന ‘പി​ൻ​വാ​തി​ൽ വാ​ക്സി​നേ​ഷ​ൻ’; സംഭവത്തെക്കുറിച്ച് പറയുന്നത് ഇങ്ങനെ…

മു​ക്കം: കോ​വി​ഡ് വ്യാ​പ​നം രൂ​ക്ഷ​മാ​യി തു​ട​രു​ന്ന പ​ഞ്ചാ​ത്ത​ല​ത്തി​ൽ സെ​ക്ക​ൻ​ഡ് ഡോ​സു​കാ​ർ​ക്ക് വാ​ക്സി​ൻ ല​ഭി​ക്കു​ന്നി​ല്ല​ന്ന പ​രാ​തി പ​രി​ഹ​രി​ക്കാ​നാ​യി ആ​രം​ഭി​ച്ച കൂ​പ്പ​ൺ സി​സ്റ്റ​വും ദു​രു​പ​യോ​ഗം ചെ​യ്യു​ന്നു.

നി​ത്യ രോ​ഗി​ക​ളും വ​യോ​ധി​ക​രും കോ​വി​ഡ് പ്ര​തി​രോ​ധ കു​ത്തിവയ്പ്പി​ന് ഓ​ൺ​ലൈ​ൻ ര​ജി​സ്ട്രേ​ഷ​നാ​യി കാ​ത്തി​രി​ക്കു​മ്പോ​ഴാ​ണ് ത​ദ്ദേ​ശ സ്ഥാ​പ​ന​ങ്ങ​ളി​ലെ ജ​ന​പ്ര​തി​നി​ധി​ക​ൾ മു​ഖേ​ന “പി​ൻ​വാ​തി​ൽ വാ​ക്സി​നേ​ഷ​ൻ’ ന​ട​ക്കു​ന്ന​ത്.

ത​ദ്ദേ​ശ സ്ഥാ​പ​ന​ങ്ങ​ളു​ടെ കീ​ഴി​ലു​ള്ള അ​ഡീ​ഷ​ണ​ൽ വാ​ക്സി​നേ​ഷ​ൻ ക്യാ​മ്പി​ലാ​ണ് അ​ർ​ഹ​ത​പ്പെ​ട്ട​വ​രെ ത​ഴ​ഞ്ഞ്, സ്വ​ന്തം പാ​ർ​ട്ടി​ക്കാ​ർ​ക്കും ബ​ന്ധു​ക്ക​ൾ​ക്കും സു​ഹൃ​ത്തു​ക്ക​ൾ​ക്കും കോ​വി​ഡ് പ്ര​തി​രോ​ധ കു​ത്തി​വെ​പ്പ് ന​ൽ​കു​ന്ന​ത്.

ര​ണ്ടാം ഡോ​സ് വാ​ക്സി​നേ​ഷ​ന് ര​ജി​സ്റ്റ​ർ ചെ​യ്യാ​ൻ സാ​ധി​ക്കാ​ത്ത​വ​ർ​ക്ക് വി​ത​ര​ണം ചെ​യ്യാ​ൻ ജ​ന​പ്ര​തി​നി​ധി​ക​ൾ​ക്ക് ന​ൽ​കു​ന്ന കൂ​പ്പ​ണു​ക​ളാ​ണ് ഇ​ത്ത​ര​ത്തി​ൽ ദു​രൂ​പ​യോ​ഗ​പ്പെ​ടു​ത്തു​ന്ന​ത്.

ര​ണ്ടാം ഡോ​സ് വാ​ക്സി​ൻ സ്വീ​ക​രി​ക്കേ​ണ്ട സ​മ​യം പി​ന്നി​ട്ടി​ട്ടും ര​ജി​സ്റ്റ​ർ ചെ​യ്യാ​ൻ സാ​ധി​ക്കു​ന്നി​ല്ലെ​ന്ന് വ്യാ​പ​ക പ​രാ​തി ഉ​യ​ർ​ന്ന പ​ശ്ചാ​ത്ത​ല​ത്തി​ലാ​ണ് ജി​ല്ലാ ക​ള​ക്ട​റു​ടെ നേ​തൃ​ത്വ​ത്തി​ൽ ചേ​ർ​ന്ന യോ​ഗ​ത്തി​ൽ ജ​ന​പ്ര​തി​നി​ധി​ക​ൾ​ക്ക് പ്ര​ത്യേ​ക കൂ​പ്പ​ൺ ന​ൽ​കാ​ൻ തീ​രു​മാ​നി​ച്ച​ത്.

ഓ​രോ ത​ദ്ദേ​ശ സ്ഥാ​പ​ന​ങ്ങ​ളി​ലേ​ക്കും ല​ഭ്യ​മാ​കു​ന്ന ആ​കെ ഡോ​സ് വാ​ക്സി​ന്‍റെ നി​ശ്ചി​ത ശ​ത​മാ​ന​മാ​ണ് ഇ​ത്ത​ര​ത്തി​ൽ ജ​ന​പ്ര​തി​നി​ധി​ക​ൾ മു​ഖാ​ന്ത​രം വി​ത​ര​ണം ചെ​യ്യു​ന്ന​ത്.

ര​ണ്ടാം ഡോ​സി​ന് ആ​ളു​ക​ൾ ഇ​ല്ലെ​ങ്കി​ൽ ഈ ​കൂ​പ്പ​ണു​ക​ൾ മു​തി​ർ​ന്ന പൗ​ര​ന്മാ​ർ​ക്കോ മ​റ്റു മു​ൻ​ഗ​ണ​ന പ​ട്ടി​ക​യി​ൽ​പ്പെ​ട്ട​വ​ർ​ക്കോ കൊ​ടു​ക്ക​ണ​മെ​ന്നാ​ണ് നി​ർ​ദ്ദേ​ശം.

എ​ന്നാ​ൽ മ​ല​യോ​ര മേ​ഖ​ല​യി​ലെ ചി​ല ത​ദ്ദേ​ശ സ്ഥാ​പ​ന​ങ്ങ​ളി​ൽ ജ​ന​പ്ര​തി​നി​ധി​ക​ൾ ഈ ​ടോ​ക്ക​ണു​ക​ൾ കൈ​പ്പ​റ്റി പാ​ർ​ട്ടി​ക്കാ​ർ​ക്കും സ്വ​ന്ത​ക്കാ​ർ​ക്കും വാ​ക്സി​നേ​ഷ​ന് സൗ​ക​ര്യ​മൊ​രു​ക്കു​ന്ന​താ​യാ​ണ് ആ​രോ​പ​ണം.