ലണ്ടൻ: ക്രിക്കറ്റിൽനിന്ന് അനിശ്ചിത കാലത്തേയ്ക്ക് അവധിയെടുത്ത് ഇംഗ്ലണ്ട് താരം ബെൻ സ്റ്റോക്സ്. തൽക്കാലം ക്രിക്കറ്റിലേക്കില്ല. ക്രിക്കറ്റിന്‍റെ എല്ലാ ഫോർമാറ്റിൽനിന്നും അനിശ്ചിത കാലത്തേയ്ക്ക് വിട്ടുനിൽക്കുകയാണെന്നും സ്റ്റോക്സ് അറിയിച്ചു.
ഇന്ത്യയ്ക്കെതിരെ ടെസ്റ്റ് പരന്പരയ്ക്ക് തൊട്ടുമുൻപാണ് താരത്തിന്‍റെ പിൻമാറ്റം. മാനസിക സമ്മർദവും കൈയിലെ പരിക്കും കാരണമാണ് സ്റ്റോക്സ് പിൻമാറിയതെന്ന് ഇംഗ്ലണ്ട് ക്രിക്കറ്റ് ബോർഡ് അറിയിച്ചു. താരത്തിന്‍റെ സ്വകാര്യത മാനിക്കണമെന്നും ഇസിബി ആവശ്യപ്പെട്ടു.
