യൂണിയനുകൾ വഴങ്ങുമോ? സിം​ഗി​ൾ ഡ്യൂ​ട്ടി 12 മ​ണി​ക്കൂ​ർ; യൂ​ണി​യ​നു​ക​ളു​മാ​യി മാ​നേ​ജ്മെ​ന്‍റ് ച​ർ​ച്ച ഇ​ന്ന്

പ്ര​ദീ​പ് ചാ​ത്ത​ന്നൂ​ർ
ചാ​ത്ത​ന്നൂ​ർ: കെഎ​സ്ആ​ർടിസി​യി​ലെ ഓ​പ്പ​റേ​റ്റിം​ഗ് സ്റ്റാ​ഫി​ന്‍റെ​ സിം​ഗി​ൾ ഡ്യൂ​ട്ടി 12 മ​ണി​ക്കൂ​റാ​യി (സ്പ്രെ​ഡ് ഓ​വ​ർ) വ​ർ​ധിപ്പി​ക്കു​ന്ന​ത് ഉ​ൾ​പ്പെ​ടെ​യു​ള്ള വി​ഷ​യ​ങ്ങ​ൾ അം​ഗീ​കൃ​ത യൂ​ണി​യ​നു​ക​ളു​മാ​യി മാ​നേ​ജ്മെ​ന്‍റ് ഇ​ന്ന് ച​ർ​ച്ച ചെ​യ്യും.​ ചെ​യ​ർ​മാ​നും മാ​നേ​ജിം​ഗ് ഡ​യ​റ​ക്ട​റു​മാ​യ ബി​ജു പ്ര​ഭാ​ക​ര​ന്‍റെ അ​ധ്യ​ക്ഷ​ത​യി​ൽ ഉ​ച്ച​ക​ഴി​ഞ്ഞ് ട്രാ​ൻ​സ്പോ​ർ​ട്ട് ഭ​വ​നി​ലാ​ണ് ച​ർ​ച്ച.

അം​ഗീ​കൃ​ത യൂ​ണി​യ​നു​ക​ളാ​യ സി ​ഐ ടി ​യു, ടിഡിഎ​ഫ്, ബി​എം​എ​സ് എ​ന്നി​വ​യി​ൽ നി​ന്നും മൂ​ന്നുപേ​ർ​ക്കു​വീ​തം ച​ർ​ച്ച​യി​ൽ പ​ങ്കെ​ടു​ക്കാ​മെ​ന്നാ​ണ് ഭ​ര​ണ വി​ഭാ​ഗം എ​ക്സി​ക്യൂ​ട്ടീ​വ് ഡ​യ​റ​ക്ട​ർ മു​ഹ​മ്മ​ദ് അ​ൻ​സാ​രി​യു​ടെ അ​റി​യി​പ്പ്. അ​ജ​ണ്ട​യും അ​റി​യി​പ്പി​ൽ വ്യ​ക്ത​മാ​ക്കി​യി​ട്ടു​ണ്ട്.

ഓ​ണം ഫെ​സ്റ്റി​വ​ൽ അ​ല​വ​ൻ​സും അ​ഡ്വാ​ൻ​സു​മാ​ണ് ഒ​ന്നാ​മ​ത്തെ അ​ജ​ണ്ട. സിം​ഗി​ൾ ഡ്യൂ​ട്ടി 12 മ​ണി​ക്കൂ​റാ​യി വ​ർ​ധിപ്പി​ക്കു​ന്ന ( സ്പ്രെ​ഡ് ഓ​വ​ർ) ര​ണ്ടാ​മ​ത്തെ അ​ജ​ണ്ട​യാ​യാ​ണ് ചേ​ർ​ത്തി​രി​ക്കു​ന്ന​ത്.

കെ ​എ​സ്ആ​ർടിസി ജീ​വ​ന​ക്കാ​ർ ഒ​ന്ന​ട​ങ്കം എ​തി​ർ​ക്കു​ന്ന ഈ ​വി​ഷ​യ​ത്തി​ൽ രൂ​ക്ഷ​മാ​യ ച​ർ​ച്ച ഉ​ണ്ടാ​കാ​നാ​ണ് സാ​ധ്യ​ത. യൂ​ണി​യ​നു​ക​ൾ ഇ​തി​ന് വ​ഴ​ങ്ങി​യാ​ൽ വ​ലി​യ വി​ല ന​ല്കേ​ണ്ടി വ​രു​മെ​ന്ന ഭ​യം യൂ​ണി​യ​നു​ക​ൾ​ക്കു​ണ്ട്.

കെഎ​സ്ആ​ർടിസി ബ​സ് സ​ർ​വീ​സു​ക​ളെ വ​രു​മാ​ന​ത്തി​ന്‍റെ അ​ടി​സ്ഥാ​ന​ത്തി​ൽ എ, ​ബി, സി, ​ഡി, എ​ന്നീ വി​ഭാ​ഗ​ങ്ങ​ളാ​യി തി​രി​ക്കു​ന്ന​തും, തി​രു​വ​ന​ന്ത​പു​ര​ത്ത് സി​റ്റി സ​ർ​ക്കു​ല​ർ സ​ർ​വീ​സ് ആ​രം​ഭി​ക്കു​ന്ന​തും, ഈ​ഞ്ച​ക്ക​ൽ – ക​ഴ​ക്കൂ​ട്ടം ​ബൈ​പാസ് റൈ​ഡ​ർ ആ​രം​ഭി​ക്കു​ന്ന​തും, കെഎ​സ്ആ​ർടിസി ദീ​ർ​ഘ​ദൂ​ര സ​ർ​വീ​സു​ക​ളി​ലെ യാ​ത്ര​ക്കാ​ർ​ക്ക് ഹോ​ട്ട​ലു​ക​ളു​മാ​യി ബ​ന്ധ​പ്പെ​ട്ട് റി​ഫ്ര​ഷ്മെ​ൻ​റ് സൗ​ക​ര്യ​മൊ​രു​ക്കു​ന്ന​തും മൂ​ന്നാ​റി​ലെ ബ​സുക​ളി​ലെ ഹോ​ളി​ഡേ ഹോം ​പ​ദ്ധ​തി​യും അ​ജ​ൻ​ഡ​യി​ൽ ഉ​ൾ​പ്പെ​ടു​ത്തി​യി​ട്ടു​ണ്ട്.