!
കടുത്തുരുത്തി: ഓടിക്കൊണ്ടിരുന്ന ഓട്ടോറിക്ഷയുടെ മുകളിലേക്ക് ചക്ക വീഴുന്ന ശബ്ദം കേട്ട് ബോധരഹിതനായി വീണ ഡ്രൈവർക്ക് പരിക്കേറ്റു. കപികാട് ചെളളൂകുന്നത്ത് സുദർശനൻ (55) നാണ് പരിക്കേറ്റത്.
മധുരവേലി – കുറുപ്പന്തറ റോഡിൽ പ്ലാമൂട് ജംഗ്ഷന് സമീപം ഞായറാഴ്ച ഉച്ചയ്ക്ക് 1.15 നാണ് അപകടം ഉണ്ടായത്. കുറുപ്പന്തറയിൽ ഓട്ടം പോയി തിരിച്ച് മധുരവേലി ഭാഗത്തേക്ക് പോവുകയായിരുന്ന ഓട്ടോറിക്ഷയുടെ ഡ്രൈവർ സീറ്റിന് മുകളിലേക്കാണ് സമീപ സ്ഥലത്തെ പ്ലാവിൽ നിന്നു ചക്ക തെറിച്ചുവീണത്.
വീണ്ടും മുന്നോട്ടു നീങ്ങിയ ഓട്ടോറിക്ഷയിൽ നിന്നു ബോധരഹിതനായി റോഡിലേക്കു വീണ സുദർശനനെ ഓടിയെത്തിയ നാട്ടുകാർ കോട്ടയം മെഡിക്കൽ ആശുപത്രി എത്തിച്ചു. പരിശോധനയ്ക്കു ശേഷം വീട്ടിലെത്തിച്ചു.
