യുഎസ് സൈന്യം അഫ്ഗാനിസ്ഥാനിൽനിന്ന് ക​ള​മൊ​ഴി​ഞ്ഞു;​ ജന്മദേശം പിടിച്ചെടുത്ത് താലിബാൻ; ഇനി ലക്ഷ്യം കാബൂൾ?

കാബൂൾ: യുഎസ് സൈന്യം അഫ്ഗാനിസ്ഥാനിൽനിന്ന് ക​ള​മൊ​ഴി​ഞ്ഞ​തോ​ടെ താ​ലി​ബാ​ൻ ഭീ​ക​ര​ർ രാജ്യം പിടിച്ചെടുക്കൽ തുടരുന്നു.

അഫ്ഗാൻ സൈന്യവുമായുള്ള ശ​ക്ത​മാ​യ ഏ​റ്റു​മു​ട്ട​ലി​നൊ​ടു​വി​ൽ രാ​ജ്യ​ത്തെ ര​ണ്ടാ​മ​ത്തെ വ​ലി​യ ന​ഗ​ര​മാ​യ കാ​ണ്ഡ​ഹാ​ർ തങ്ങൾ പിടിച്ചെടുത്തതായി താലിബാൻ അവകാശപ്പെട്ടു.

ഒ​രു കാ​ല​ത്ത് താ​ലി​ബാ​ന്‍റെ ശ​ക്തി​കേ​ന്ദ്ര​മാ​യി​രു​ന്നു ഈ ​ന​ഗ​ര​ത്തി​ന് വ്യാ​പാ​ര കേ​ന്ദ്ര​മെ​ന്ന നി​ല​യി​ൽ ത​ന്ത്ര​പ​ര​മാ​യ പ്രാ​ധാ​ന്യ​മു​ണ്ട്. താ​ലി​ബാ​ന്‍റെ ജന്മദേ​ശ​മെ​ന്നാ​ണ് കാ​ണ്ഡ​ഹാ​ർ അ​റി​യ​പ്പെ​ടു​ന്ന​ത്.

കാബൂളിന് അടുത്തേക്ക്
കാബൂൾ പിടിച്ചെടുക്കുക എന്നതാവും ഇനി താലിബാന്‍റെ പ്രധാന നോട്ടും. ഏ​താ​നും ആ​ഴ്ച​ക​ൾ മു​ൻ​പ് ത​ന്നെ കാ​ണ്ഡ​ഹാ​റി​ന്‍റെ പ്രാ​ന്ത​പ്ര​ദേ​ശ​ങ്ങ​ളെ​ല്ലാം താ​ലി​ബാ​ൻ പി​ടി​ച്ചെ​ടു​ത്തി​രു​ന്നു. ബു​ധ​നാ​ഴ്ച കാ​ണ്ഡ​ഹാ​റി​ലെ സെ​ൻ​ട്ര​ൽ ജ​യി​ൽ ത​ക​ർ​ത്ത ഭീ​ക​ര​ർ വ്യാ​ഴാ​ഴ്ച ന​ഗ​ര​മ​ധ്യ​ത്തി​ൽ പ്ര​വേ​ശി​ച്ചു.

അ​ഫ്ഗാ​നി​സ്ഥാ​ന്‍റെ ത​ന്ത്ര​പ്ര​ധാ​ന​മാ​യ ന​ഗ​ര​മാ​ണ് കാ​ണ്ഡ​ഹാ​ർ. വി​മാ​ന​ത്താ​വ​ളം, കാ​ർ​ഷി​ക വ്യാ​വ​സാ​യി​ക കേ​ന്ദ്ര​ങ്ങ​ൾ, വ്യാ​പാ​ര​കേ​ന്ദ്രം തു​ട​ങ്ങി​യ ഇ​വി​ടെ സ്ഥി​തി​ചെ​യ്യു​ന്നു.

ക​ഴി​ഞ്ഞ ദി​വ​സം ഗ​സ്നി പ്ര​വി​ശ്യ​യു​ടെ ത​ല​സ്ഥാ​ന​മാ​യ ഗ​സ്നി ന​ഗ​രം താ​ലി​ബാ​ൻ ഭീ​ക​ര​ർ പി​ടി​ച്ചെ​ടു​ത്തി​രു​ന്നു. രാ​ജ്യ​ത​ല​സ്ഥാ​ന​മാ​യ കാ​ബൂ​ളി​ൽ​നി​ന്ന് 150 കി​ലോ​മീ​റ്റ​ർ മാ​ത്രം അ​ക​ല​ത്തി​ലാ​ണു ഗ​സ്നി. ഇ​വി​ട​ത്തെ വി​ജ​യം താ​ലി​ബാ​നു ത​ന്ത്ര​പ​ര​മാ​യി ഏ​റെ മു​ൻ​തൂ​ക്കം ന​ല്കു​ന്ന​താ​ണ്.

കി​ഴ​ക്ക് കാ​ബൂ​ളി​നെ​യും തെ​ക്ക് കാ​ണ്ഡ​ഹാ​റി​നെ​യും ബ​ന്ധി​പ്പി​ക്കു​ന്ന ഒ​ന്നാം ന​ന്പ​ർ ഹൈ​വേ ക​ട​ന്നു​പോ​കു​ന്ന​തും ഗ​സ്നി​യി​ലൂ​ടെ​യാ​ണ്.

മൂന്നിൽ രണ്ടു പ്രദേശങ്ങളും
പ​രാ​ജ​യ​ത്തി​നു പി​ന്നാ​ലെ പ​ലാ​യ​നം ചെ​യ്ത ഗ​സ്നി ഗ​വ​ർ​ണ​റെ​യും ഡെ​പ്യൂ​ട്ടി​യെ​യും അ​ഫ്ഗാ​ൻ സു​ര​ക്ഷാ​സേ​ന അ​റ​സ്റ്റ് ചെ​യ്തു. സ​ർ​ക്കാ​ർ സൈ​ന്യ​ത്തെ അതി​വേ​ഗം കീ​ഴ​ട​ക്കി മു​ന്നേ​റു​ന്ന താ​ലി​ബാ​ൻ ഭീ​ക​ര​ർ രാ​ജ്യ​ത്തി​ന്‍റെ മൂ​ന്നി​ൽ ര​ണ്ടു പ്ര​ദേ​ശ​ങ്ങ​ളും അ​ധീ​ന​ത​യി​ലാ​ക്കി​ക്ക​ഴി​ഞ്ഞു.

വ​ട​ക്കു​കി​ഴ​ക്ക​ൻ അ​ഫ്ഗാ​നി​സ്ഥാ​നി​ൽ ബാ​ൾ​ക്ക് പ്ര​വി​ശ്യ ഒ​ഴി​കെ​യു​ള്ള സ്ഥ​ല​ങ്ങ​ൾ താ​ലി​ബാ​ന്‍റെ നി​യ​ന്ത്ര​ണ​ത്തി​ലാ​ണ്. ഒ​രു മാ​സ​ത്തി​നി​ടെ അ​ഫ്ഗാ​നി​സ്ഥാ​നി​ൽ ആ​യി​ര​ത്തി​ല​ധി​കം സി​വി​ലി​യന്മാ​ർ കൊ​ല്ല​പ്പെ​ട്ട​താ​യി ഐ​ക്യ​രാ​ഷ്ട്ര​സ​ഭ അ​റി​യി​ച്ചു.

താ​ലി​ബാ​ൻ നി​യ​ന്ത്രി​ത പ്ര​ദേ​ശ​ങ്ങളി​ലെ ജ​ന​ങ്ങ​ൾ കാ​ബൂ​ളി​ലേ​ക്കു പ​ലാ​യ​നം ചെ​യ്യു​ന്ന​തു തു​ട​രു​ന്നു. കൈ​യി​ൽ കി​ട്ടി​യ​തു​മെ​ടു​ത്ത് കു​ടും​ബ​ത്തോ​ടൊ​പ്പം ഓ​ടി​പ്പോ​യ​വ​ർ താ​ത്കാ​ലി​ക കൂ​ടാ​ര​ങ്ങ​ളി​ൽ ദു​രി​തം നി​റ​ഞ്ഞ സ്ഥി​തി​യി​ലാ​ണ്.