കോയന്പത്തൂർ: കൊറോണ രോഗിയിൽ നിന്നും ഈടാക്കിയ അമിത ഫീസ് ജില്ലാ കളക്ടർ ഇടപ്പെട്ട് രോഗിക്കു തന്നെ തിരിച്ചുനൽകി.
ഉക്കടം ജിഎം നഗർ ജാഫറിനാണ് ഉക്കടത്തു പ്രവർത്തിക്കുന്ന സ്വകാര്യ ആശുപത്രി അധികൃതർ അമിതമായി ഈടാക്കിയ നാലര ലക്ഷത്തോളം രൂപ തിരിച്ചുനൽകിയത്.
കൊറോണ ബാധിച്ച് ചികിത്സയിൽ കഴിഞ്ഞ സമയത്ത് ഫീസിനത്തിൽ ആശുപത്രി അധികൃതർ അമിത തുക ഈടാക്കിയിരുന്നു.
ഇതേ തുടർന്ന് ജാഫർ നൽകിയ പരാതിയെ തുടർന്ന് കളക്ടർ ജി.എസ്.സമീരൻ ഇടപെട്ട് അമിത ഫീസിൽ നിന്നും 4,47,900 രൂപ ജാഫറിനു തന്നെ തിരികെ നൽകുകയായിരുന്നു. ജാഫറും കുടുംബാംഗങ്ങളും കളക്ടർക്കു നന്ദി അറിയിച്ചു.
