വെള്ളറട : കുടുംബവഴക്കിനെ തുടര്‍ന്ന് ഭാര്യാ മാതാവിനെ വെട്ടിപ്പരിക്കേല്‍പിച്ച കേസിൽ മരുമകനെതിരെ പോലീസ് കേസെടുത്തു.
ഒറ്റശേഖരമംഗലം വാളിക്കോട് പുല്ലന്‍ വിളാകത്ത് മേലേപുത്തന്‍വീട്ടില്‍ ബിജുവിന്‍റെ ഭാര്യ ലേഖയെ ആക്രമിച്ച കേസിൽ മരുമകന്‍ ഉല്ലാസിനെതിരെയാണ് ആര്യന്‍കോട് പോലീസ് കേസെടുത്തത്.
സംഭവത്തില്‍ യുവാവിനൂം പരിക്കേറ്റു. അമ്പൂരി സ്വദേശി ഉല്ലാസ് ഭാര്യ വര്‍ഷയുമായി പിണങ്ങി അമ്പൂരിയിലെ വീട്ടിലായിരുന്നു താമസിച്ചിരുന്നത്.
വര്‍ഷയുടെ വീട്ടുകാര്‍ കഴിഞ്ഞദിവസം ഉല്ലാസിനെതിരെ വെള്ളറട പോലീസ് സ്റ്റേഷനില്‍ പരാതി നല്‍കിയിരുന്നു. ഇതില്‍ പ്രകോപിതനായി വര്‍ഷയുടെ വീട്ടിലെത്തിയ ഉല്ലാസ് വര്‍ഷയെ മര്‍ദിക്കുന്നതിനിടെ തടയാന്‍ ശ്രമിച്ച വര്‍ഷയുടെ അമ്മ ലേഖയെ ഉല്ലാസ് വെട്ടുകയായിരുന്നു.
ഭാര്യയെ മര്‍ദിക്കുന്നത് കണ്ട ലേഖയുടെ ഭര്‍ത്താവ് ബിജു ഉല്ലാസിന്‍റെ തലയ്ക്ക് മണ്‍വെട്ടി കൊണ്ട് അടിച്ചു.പരിക്കേറ്റ ഇരുവരും മെഡിക്കല്‍ കോളജ് ആശുപത്രിയില്‍ ചികിത്സയിലാണ്.
സംഭവത്തെക്കുറിച്ച് കേസെടുത്ത് അന്വേഷണം ആരുഭിച്ചതായി ആര്യന്‍കോട് പോലീസ് പറഞ്ഞു.
