ജംഗിള്‍ സഫാരിയുടെ മറവില്‍ ബംഗളുരുവില്‍ നിശാ ലഹരിപ്പാര്‍ട്ടി നടത്തിയ വന്‍സംഘം പിടിയില്‍. സംഘത്തില്‍ മലയാളികളും ഉള്‍പ്പെട്ടിട്ടുണ്ടെന്നാണ് വിവരം.
ശനിയാഴ്ച രാത്രിയില്‍ രഹസ്യവിവരത്തെത്തുടര്‍ന്ന് അനേക്കലിലെ റിസോര്‍ട്ടില്‍ പോലീസ് നടത്തിയ പരിശോധനയിലാണ് 28 പേരടങ്ങുന്ന സംഘം പിടിയിലായത്.
മലയാളികള്‍ ഉള്‍പ്പെടെ വിവിധ സംസ്ഥാനങ്ങളില്‍ ഉള്‍പ്പടെയുള്ളവര്‍ കേസില്‍ പ്രതികളാണ്. കൊക്കെയ്ന്‍, മരിജ്വാന എന്നീ നിരോധിത ലഹരി വസ്തുക്കളും ഇവരില്‍ നിന്ന് പോലീസ് കണ്ടെടുത്തു.
ബംഗളുരൂവില്‍ കര്‍ഫ്യൂ നിലനല്‍ക്കുന്ന സാഹചര്യത്തിലാണ് ഇത്തരത്തിലൊരു നിശാപാര്‍ട്ടി സംഘടിപ്പിച്ചത്. കോവിഡ് പ്രോട്ടോകോള്‍ ലംഘിച്ചും വിദേശത്തുനിന്ന് മോഡലുകളെ എത്തിച്ചായിരുന്നു പരിപാടി.
കൂടുതല്‍ മോഡലുകളും റഷ്യയില്‍ നിന്നുള്ളവരാണെന്നാണ് വിവരം. പരിപാടിയില്‍ പങ്കെടുത്തവരെല്ലാം ലഹരി ഉപയോഗിച്ചതായി പോലീസ് കണ്ടെത്തി. ഇവരുടെ വാഹനങ്ങളും പോലീസ് കണ്ടെടുത്തു
