ന്യൂഡൽഹി: ലഖിംപുർ ഖേരിൽ കർഷകർക്ക് നേരെയുണ്ടായ അതിക്രമത്തിൽ കേന്ദ്ര സർക്കാരിനും യോഗി സർക്കാരിനും മുന്നറിയിപ്പുമായി ബിജെപി എംപി വരുൺ ഗാന്ധി.
കൊലപാതകത്തിലൂടെ കർഷക പ്രതിഷേധം നിശബ്ദമാക്കാനാകില്ലെന്ന് വരുൺ ട്വിറ്ററിൽ കുറിച്ചു. കർഷകർക്ക് നേരെ മന്ത്രിപുത്രന്‍റെ വാഹനം ഇടിച്ചു കയറ്റുന്ന വീഡിയോയും വരുൺ ട്വീറ്റ് ചെയ്തിട്ടുണ്ട്.
ക്രൂരതയും അഹങ്കാരവും പ്രതിഫലിക്കുന്ന ഈ ദൃശ്യങ്ങള്‍ ഓരോ കര്‍ഷകന്‍റെ മനസിലേക്കും വ്യാപിക്കുന്നതിന് മുമ്പ് നിരപരാധികളായ കര്‍ഷകരുടെ ചോര വീഴ്ത്തിയവര്‍ ഉത്തരവാദിത്വം ഏൽ‌ക്കണമെന്ന് വരുൺ പറയുന്നു.
