കൊല്ലങ്കോട് : ചപ്പക്കാട്ടിൽ കാണാതായ യുവാക്കൾക്ക് വേണ്ടി കൊല്ലങ്കോട് പോലീസ് മണ്ണുമാന്തിയന്ത്രം ഉപയോഗിച്ചും തെരച്ചിൽ തുടങ്ങി.
കൊല്ലങ്കോട് എസ്എച്ച്ഒ ഇൻസ്പെക്ടർ എ. വിപിൻ ദാസിന്‍റെ നേതൃത്വത്തിൽ പ്രദേശത്തെ തോപ്പുകളിൽ 26 സ്ഥലങ്ങളിൽ ജെസിബി ഉപയോഗിച്ച് സംശയമുള്ള സ്ഥലങ്ങളിൽ കുഴിയെടുത്തു.
പരിശോധിച്ചെങ്കിലും കാലത്തു പത്തു മുതൽ നാലുവരെ ശ്രമിച്ചിട്ടും സൂചനകളൊന്നും കണ്ടെത്താനായില്ല. സാമുവൽ സ്റ്റീഫൻ, മുരുകേശൻ എന്നീ സുഹൃത്തുക്കളാണ് ഓഗസ്റ്റ് 30 മുതൽ കാണാതായത്.
ഉന്നത പോലീസ് ഉദ്യോഗസ്ഥരും യുവാക്കൾക്കു വേണ്ടി അന്വേഷണത്തിനു കൂടുതൽ സമ്മർദം ചെലുത്തി വരികയാണ്.
കാണാതായവരെ കുറിച്ച് വിവരങ്ങൾ അറിയിക്കുന്നവർക്ക് കൊല്ലങ്കോട് പോലീസ് പാരിതോഷികം പ്രഖ്യാപിച്ചിരുന്നു.
രണ്ടാഴ്ച കഴിഞ്ഞും പൊതുജനങ്ങളിൽ നിന്നും ഒരു പ്രതികരണവുമില്ലാത്തതിനാലാണ് പോലീസ് വീണ്ടും സമഗ്ര അന്വേഷണത്തിനൊരുങ്ങിയിരിക്കുന്നത്.
