കൊച്ചി: വഴി തടഞ്ഞുള്ള സമരത്തിനെതിരേ പരസ്യ പ്രതിഷേധവുമായി രംഗത്തെത്തിയ നടന്‍ ജോജു ജോര്‍ജിന്‍റെ വാഹനത്തിനു നേരെ ആക്രമണം. കാറിന്‍റെ ചില്ല് കോണ്‍ഗ്രസ് പ്രവര്‍ത്തകര്‍ അടിച്ചു തകര്‍ത്തു. ഇടപ്പള്ളി-വൈറ്റില ബൈപ്പാസിലാണ് സംഭവം.
വഴി തടഞ്ഞുള്ള കോണ്‍ഗ്രസ് സമരത്തിനെതിരേ രൂക്ഷ പ്രതികരണവുമായി ജോജു നേരത്തേ എത്തിയിരുന്നു.
ഇതിനു പിന്നാലെ ഇവിടെനിന്നും പോകാന്‍ ശ്രമിക്കവെയാണ് ജോജുവിനെ സമരക്കാര്‍ തടയുകയും വാഹനത്തിന്‍റെ ചില്ല് അടിച്ചു തകര്‍ക്കുകയും ചെയ്തത്.
അതേസമയം, മദ്യപിച്ചെത്തിയ ജോജു വനിതാ പ്രവര്‍ത്തകരെ അസഭ്യം പറയുകയും തള്ളിമാറ്റാന്‍ ശ്രമിച്ചതായും സമരക്കാർ ആരോപിച്ചു.
ജോജുവിനെതിരേ പോലീസ് നടപടി വേണമെന്നും കോണ്‍ഗ്രസ് നേതാക്കള്‍ ആവശ്യപ്പെട്ടു.
