വെള്ളറട: മദ്യപിക്കാന്‍ പണം നൽകാത്തതിന് ഭാര്യയെ കല്ലു കൊണ്ട് എറിഞ്ഞു വീഴ്ത്തിയ ഭര്‍ത്താവിനെ പോലീസ് അറസ്റ്റ് ചെയ്തു. വെള്ളറട കാരമൂട് കരിമരം മിച്ചഭൂമി കോളനിയില്‍ അനില്‍കുമാര്‍ ( 32 ) നെയാണ് പിടികൂടിയത്.
സ്ഥിരം മദ്യപാനിയായ അനില്‍കുമാര്‍ ഭാര്യ രാഗിണിയോട് പണം ആവശ്യപ്പെട്ടെങ്കിലും പണം കൊടുക്കാത്തതിനാല്‍ പ്രകോപിതനായ ഭര്‍ത്താവ് തറയില്‍ കിടന്ന കല്ല് തലയ്ക്ക് എറിയുകയായിരുന്നുവെന്ന് പോലീസ് പറഞ്ഞു.
പോലീസ് സംഘം എത്തുന്നതുകണ്ട പ്രതി ഓടിരക്ഷപ്പെടാൻ ശ്രമിച്ചെങ്കിലും പോലീസ് അറസ്റ്റ് ചെയ്യുകയായിരുന്നു. കോടതിയില്‍ ഹാജരാക്കിയ പ്രതിയെ റിമാൻഡു ചെയ്തു.
