തോക്കു ചൂണ്ടി ഭീഷണിപ്പെടുത്തി വിവാഹം കഴിപ്പിച്ചെന്ന പരാതിയുമായി യുവാവ്. ബിഹാറിലെ നളന്ദയിലാണ് സംഭവം.
തന്നെ ഭീഷണിപ്പെടുത്തി വിവാഹം കഴിപ്പിച്ചെന്ന പരാതിയുമായി പോലീസിനെ സമീപിച്ചിരിക്കുകയാണ് ധനൂകി സ്വദേശിയായ നിതീഷ് കുമാര്‍.
ഇയാളെ ഭീഷണിപ്പെടുത്തി വിവാഹം കഴിപ്പിക്കുന്ന ദൃശ്യങ്ങള്‍ അടങ്ങിയ വീഡിയോ സമൂഹമാധ്യമങ്ങളിലൂടെ പുറത്തു വന്നിട്ടുണ്ട്.
നവംബര്‍ 11നു സഹോദരഭാര്യയുടെ വീട്ടില്‍ ഛാഠ് പൂജക്കായി പോയതിനു ശേഷം തിരിക്കെ സ്വന്തം സ്വന്തം വീട്ടിലേക്കു തിരിച്ചു വരുന്നതിനിടെ ആയുധമായി ഒരു സംഘം ആളുകള്‍ എത്തി തന്നെ തട്ടിക്കൊണ്ടു പോയി ബന്ദിയാക്കിയെന്നും നിര്‍ബന്ധിച്ചു വിവാഹം കഴിപ്പിച്ചെന്നാണ് യുവാവിന്റെ പരാതി.
രക്ഷപ്പെടാന്‍ ശ്രമിച്ചപ്പോള്‍ തോക്കു ചൂണ്ടി ഭീഷണിപ്പെടുത്തി രാത്രി മുഴുവന്‍ ബന്ദിയാക്കിയെന്നു യുവാവ് പരാതിപ്പെടുന്നു. കഴിഞ്ഞ ദിവസമാണ് ഇയാള്‍ പോലീസ് സ്റ്റേഷനില്‍ പരാതിപ്പെടുന്നത്.
അതിനിടെ സംഭവത്തിന്റെ ദൃശ്യങ്ങള്‍ സമൂഹമാധ്യമങ്ങള്‍ വഴി വ്യപകമായി പ്രചരിക്കുന്നുണ്ട്.
യുവാവിനെ മര്‍ദ്ദിക്കുന്നതിന്റെയും നിര്‍ബന്ധിച്ചു വിവാഹം നടത്തുന്നതിന്റെയും ദൃശ്യങ്ങളില്‍ വധുവിനെയും മറ്റു ബന്ധുക്കളെയും കാണാം. യുവാവിന്റെ പരാതിയെ തുടര്‍ന്നു സ്റ്റേഷന്‍ ഹൗസ് ഓഫീസര്‍ ജിതേന്ദ്രകുമാര്‍ അന്വേഷണം ആരംഭിച്ചതായി അറിയിച്ചു.
