എ​ട്ട് മ​ണി​ക്കൂ​ർ ജോ​ലി, എ​ട്ട് മ​ണി​ക്കൂ​ർ വി​ശ്ര​മം, എ​ട്ട് മ​ണി​ക്കൂ​ർ വി​നോ​ദമെന്ന നിയമം കാറ്റിൽ പറത്തി കെ​എ​സ്ആ​ർ​ടി​സി​യി​ൽ തൊ​ഴി​ലാ​ളി ചൂ​ഷ​ണ​ പ​രാ​തി

പ്ര​ദീ​പ് ചാ​ത്ത​ന്നൂ​ർ
ചാ​ത്ത​ന്നൂ​ർ: കെ​എ​സ്ആ​ർ​ടി​സി​ തൊ​ഴി​ലാ​ളികളെ ചൂ​ഷ​ണ​ം ചെയ്യുന്നുവെന്ന് ഇ​ന്‍റ​ർ നാ​ഷ​ണ​ൽ ലേ​ബ​ർ ഓ​ർ​ഗ​നൈ​സേ​ഷ​നി​ൽ (ഐ​എ​ൽ​ഒ.) പ​രാ​തി.

എ​ട്ട് മ​ണി​ക്കൂ​ർ ജോ​ലി, എ​ട്ട് മ​ണി​ക്കൂ​ർ വി​ശ്ര​മം, എ​ട്ട് മ​ണി​ക്കൂ​ർ വി​നോ​ദം എ​ന്ന അ​ന്താ​രാ​ഷ്ട്ര തൊ​ഴി​ൽ സം​ഘ​ട​ന​യു​ടെ നി​ബ​ന്ധ​ന​ക​ൾ കാ​റ്റി​ൽ പ​റ​ത്തി​യാ​ണ് തൊ​ഴി​ലാ​ളി ചൂ​ഷ​ണ​മെ​ന്നും ഐ​എ​ൽ​ഒ ഡ​യ​റ​ക്ട​ർ ജ​ന​റ​ലി​ന​യ​ച്ച പ​രാ​തി​യി​ൽ ചൂ​ണ്ടി​ക്കാ​ട്ടു​ന്നു.

25000 ത്തോ​ളം ജീ​വ​ന​ക്കാ​രു​ള്ള സം​സ്ഥാ​ന സ​ർ​ക്കാ​ർ സ്ഥാ​പ​ന​മാ​യ കെ​എ​സ്ആ​ർ​ടി​സി​യി​ൽ നി​ര​വ​ധി വ​ർ​ഷ​ങ്ങ​ളാ​യി തൊ​ഴി​ലാ​ളി ചൂ​ഷ​ണം ന​ട​ന്നു വ​രി​ക​യാ​ണ്. തൊ​ഴി​ൽ സ​മ​യം കൂ​ട്ടി​യും വി​ശ്ര​മ​സ​മ​യം കു​റ​ച്ചും ജീ​വ​ന​ക്കാ​രെ ദ്രോ​ഹി​ക്കു​ന്നു.

ഒ​രു ദി​വ​സം 12 മ​ണി​ക്കൂ​ർ വ​രെ ജോ​ലി ചെ​യ്യി​ക്കു​ന്നു. അ​ധി​ക സ​മ​യം ജോ​ലി ചെ​യ്യു​ന്ന​തി​ന് പ്ര​തി​ഫ​ലം ന​ല്കു​ന്നി​ല്ല. തു​ട​ർ​ച്ച​യാ​യി വി​ശ്ര​മം ന​ൽ​കാ​തെ ഡ​ബി​ൾ ഡ്യൂ​ട്ടി ചെ​യ്യി​ക്കു​ന്നു.

നി​യ​മ​വി​രു​ദ്ധ​മാ​യ ന​ട​പ​ടി​ക​ളാ​ണ് കെ ​എ​സ് ആ​ർ ടി ​സി ന​ട​പ്പാ​ക്കി കൊ​ണ്ടി​രി​ക്കു​ന്ന​ത്- പ​രാ​തി​യി​ൽ പ​റ​യു​ന്നു.രാ​ജ്യ​ത്തെ തൊ​ഴി​ൽ നി​യ​മ​ങ്ങ​ളെ ലം​ഘി​ച്ചു​കൊ​ണ്ടാ​ണ് കെ ​എ​സ് ആ​ർ ടി ​സി മാ​നേ​ജ്മെ​ൻ​റ് പ്ര​വ​ർ​ത്തി​ക്കു​ന്ന​തെ​ന്നും ഇ​തി​നെ​തി​രെ അ​ടി​യ​ന്തി​ര ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും തൊ​ഴി​ലാ​ളി​ക​ൾ​ക്ക് നീ​തി ല​ഭ്യ​മാ​ക്ക​ണ​മെ​ന്നു​മാ​ണ് പ​രാ​തി.

കോ​ർ​പ്പ​റേ​ഷ​നി​ലെ തൊ​ഴി​ലാ​ളി​ക​ളു​ടെ സ്വ​ത​ന്ത്ര കൂ​ട്ടാ​യ്മ​യാ​യ ഫോ​റം ഫോ​ർ ജ​സ്റ്റി​സി​നു (എ​ഫ്എ​ഫ്ജെ )വേ​ണ്ടി ജ​ന​റ​ൽ സെ​ക്ര​ട്ട​റി​യും ക​ണ്ട​ക്ട​റു​മാ​യ പി.​ഷാ​ജ​നാ​ണ് ഐ​എ​ൽ​ഒ ഡ​യ​റ​ക്ട​ർ ജ​ന​റ​ലി​ന് ഇ-​മെ​യി​ലാ​യി പ​രാ​തി ന​ല്കി​യ​ത്.