ചു​മ​രി​ൽ മ​ണ്ണു​കൊ​ണ്ട് കൂ​ടൊ​രു​ക്കി ദേ​ശാ​ട​ന​പ​ക്ഷി​ക​ൾ; കേ​വ്സ് സ്വാ​ലോ എ​ന്ന ചെ​റി​യ പ​ക്ഷി​യാ​ണ് കളിമൺ വീടുണ്ടാക്കി വിസ്മയിപ്പിക്കുന്നത്

വ​ട​ക്ക​ഞ്ചേ​രി: ചു​മ​രി​ൽ മ​ണ്ണു​കൊ​ണ്ട് വി​സ്മ​യ കൂ​ടൊ​രു​ക്കി ദേ​ശാ​ട​ന​പ​ക്ഷി​ക​ൾ. വ​ട​ക്ക​ഞ്ചേ​രി ലൂ​ർ​ദ് മാ​താ ഫൊ​റോ​ന പ​ള്ളി​യു​ടെ ആ​മ​കു​ള​ത്തു​ള്ള സെ​മി​ത്തേ​രി കെ​ട്ടി​ട​ത്തി​ലാ​ണ് മ​ണ്ണു​കൊ​ണ്ടു​ള്ള കി​ളി​ക്കൂ​ട് കൗ​തു​ക കാ​ഴ്ച​യാ​കു​ന്ന​ത്.

വ​ള​രെ അ​പൂ​ർ​വ​മാ​യ കാ​ഴ്ച​യാ​യ​തി​നാ​ൽ സെ​മി​ത്തേ​രി​യി​ലെ​ത്തു​ന്ന​വ​ർ ഏ​റെ നേ​രം ചെ​ല​വ​ഴി​ച്ചാ​ണ് കൂ​ടുനി​ർ​മാ​ണ രീ​തി​ക​ൾ ക​ണ്ട് തി​രി​ച്ചുപോ​കു​ന്ന​ത്. കേ​വ്സ് സ്വാ​ലോ എ​ന്ന ചെ​റി​യ പ​ക്ഷി​യാ​ണ് ക​ളി​മ​ണ്ണു​കൊ​ണ്ട് ഗു​ഹ​യൊ​രു​ക്കി മ​നു​ഷ്യ​രെ വി​സ്മ​യ​പ്പെ​ടു​ത്തു​ന്ന​ത്.

ത​ലയ്​ക്ക് മു​ക​ളി​ൽ ബ്രൗ​ണ്‍ ക​ള​റും ക​റു​ത്ത വ​ട്ടംകൂ​ടി​യ ചി​റ​കു​ക​ളു​മാ​ണ് ഇ​വ​യു​ടേ​ത്. മ​ണ്ണി​നൊ​പ്പം തൂ​വ​ൽ, മു​ടി, പു​ല്ല്, ഇ​ല​ക​ൾ തു​ട​ങ്ങി​യ​വ​യും നി​ർ​മാ​ണ​ത്തി​ന് ഉ​പ​യോ​ഗി​ക്കു​ന്നു​ണ്ട്.

പാ​ല​ങ്ങ​ളും റോ​ഡു​ക​ളും നി​ർ​മി​ച്ച് ദി​വ​സ​ങ്ങ​ൾ​ക്കു​ള്ളി​ൽ ത​ക​രു​ന്ന ന​മ്മു​ടെ എ​ഞ്ചി​നീ​യ​ർ·ാ​രെ വെ​ല്ലു​ന്ന വൈ​ദ​ഗ്ധ്യ​ത്തോ​ടെ​യാ​ണ് ഈ ​കു​ഞ്ഞ​ൻ പ​ക്ഷി​ക​ൾ കൂ​ട് ഒ​രു​ക്കു​ന്ന​തെ​ന്ന് പ​ക്ഷി​ക​ളു​ടെ കൂ​ട് നി​ർ​മാ​ണം നി​രീ​ക്ഷി​ച്ചി​രു​ന്ന പ​ള്ളി​യി​ലെ ക​പ്യാ​ർ ജോ​ണ്‍ മ​ണ​ക്ക​ളം പ​റ​ഞ്ഞു.

സ​മീ​പ​ത്തെ മം​ഗ​ലം പു​ഴ​യോ​ര​ത്തു നി​ന്നും ച​തു​പ്പു നി​ല​ത്തു​നി​ന്നു​മാ​ണ് കൊ​ക്കി​ൽ മ​ണ്ണു​മാ​യി കി​ളി​ക​ളെ​ത്തി കൂ​ട് നി​ർ​മ്മി​ച്ചി​രു​ന്ന​ത്. മ​ണ​ൽ ചാ​ക്ക് അ​ടു​ക്കു​ന്ന മ​ട്ടി​ൽ കു​ഞ്ഞു​കു​ഞ്ഞു മ​ണ്ണു​രു​ള​ക​ൾ അ​ടു​ക്കി​യ​ടു​ക്കി കൂ​ടി​ന്‍റെ ചു​മ​ർ ഉ​യ​ർ​ത്തും.​

കൊ​ക്കി​ൽ ര​ണ്ടോ മൂ​ന്നോ തു​ള്ളി വെ​ള്ളം കൊ​ണ്ട് വ​ന്ന് ഉ​ണ​ങ്ങി​യ മ​ണ്ണ് ന​ന​ച്ച് ബ​ല​പ്പെ​ടു​ത്തും. മ​ണ്ണി​ന്‍റെ ആ​യി​രം ചെ​റു ഉ​രു​ള​യെ​ങ്കി​ലും കൂ​ടി​ന്‍റെ അ​ടു​ക്കു​ക​ളി​ലു​ണ്ട്.

ആ​ണ്‍പ​ക്ഷി​യും പെ​ണ്‍പ​ക്ഷി​യും ഒ​ന്നി​ച്ചാ​ണ് കൂടുനി​ർ​മാ​ണ​ത്തി​നു​ള്ള സാ​ധ​ന​ങ്ങ​ൾ പ​ല​യി​ട​ത്തു​നി​ന്നാ​യി കൊ​ണ്ടു​വ​ന്നി​രു​ന്ന​ത്.അ​തി​രാ​വി​ലെ തു​ട​ങ്ങു​ന്ന പ​ണി​ക​ൾ വൈ​കും വ​രെ നീ​ളും. അ​പ്പോ​ഴേ​ക്കും പ​ക്ഷി​ക​ൾ ത​ള​ർ​ന്ന് അ​വ​ശ​രാ​കും.

ദേ​ഹ​ത്ത് ചെ​ളി ക​ട്ട​പി​ടി​ച്ച് പ​റ​ക്കാ​ൻ ത​ന്നെ ബു​ദ്ധി​മു​ട്ടു​ന്ന കാ​ഴ്ച പ​ല​പ്പോ​ഴും കാ​ണാ​റു​ണ്ടെ​ന്ന് മ​രി​ച്ച​വ​രു​ടെ മാ​സ​മാ​യ ന​വം​ബ​ർ മാ​സ​ത്തി​ൽ ഇ​ട​ക്കി​ടെ സെ​മി​ത്തേ​രി​യി​ൽ എ​ത്തി​യി​രു​ന്ന കൈ​ക്കാ​ര​ൻ​മാ​രാ​യ റെ​ജി പൊ​ടി​മ​റ്റ​ത്തി​ൽ, ഷാ​ജി ആ​ന്‍റ​ണി ചി​റ​യ​ത്ത് എ​ന്നി​വ​ർ പ​റ​ഞ്ഞു.

പ​ഴ​യ​കാ​ല​ത്ത് ക​ട​ൽത്തീ​ര​ത്തെ ക​ല്ലു​ക​ൾ​ക്കി​ട​യി​ലാ​ണ് ഈ ​ഇ​നം ദേ​ശാ​ട​ന പ​ക്ഷി​ക​ൾ കൂ​ടുനി​ർ​മ്മി​ച്ചി​രു​ന്ന​തെ​ന്നാ​ണ് പ​ക്ഷി നി​രീ​ക്ഷ​ക​രു​ടെ സാക്ഷ്യം.

എ​ന്നാ​ൽ അ​വി​ടെ​യെ​ല്ലാം ക​ല്ലു​മ്മ​ക്കാ​യ പെ​റു​ക്കാ​നും മ​റ്റു​മാ​യി മ​നു​ഷ്യ സാ​ന്നി​ധ്യം കൂ​ടി​യ​തോ​ടെ​യാ​ണ് ഇ​ത്ത​ര​ത്തി​ൽ ഒ​ഴി​ഞ്ഞ സ്ഥ​ല​ങ്ങ​ൾ കൂ​ടൊ​രു​ക്കാ​ൻ തെ​ര​ഞ്ഞെ​ടു​ക്കു​ന്ന​ത്. പാ​ല​ങ്ങ​ൾ​ക്ക​ടി​യി​ലും ഉ​പ​യോ​ഗി​ക്കാ​ത്ത കെ​ട്ടി​ട​ങ്ങ​ളി​ലും ഗു​ഹാ കൂ​ടു​ക​ൾ കാ​ണ​പ്പെ​ടു​ന്നു​ണ്ട്.

പെ​ട്ടെ​ന്ന് ദേ​ഷ്യം വ​രാ​ത്ത പ​ക്ഷി​യാ​ണെ​ങ്കി​ലും മ​നു​ഷ്യ​രു​മാ​യി വ​ലി​യ ച​ങ്ങാ​ത്ത​ത്തി​നൊ​ന്നും ഇ​വ മെ​ന​ക്കെ​ടാ​റി​ല്ല.
മ​നു​ഷ്യ​ർ അ​ടു​ത്തെ​ത്തി​യാ​ൽ ഉ​ട​ൻ പ​റ​ന്ന​ക​ലും.

ഓ​ണ കൊ​യ്ത്തി​ന് നെ​ല്ല് പാ​ക​മാ​കു​ന്പോ​ൾ വ​യ​ലോ​ര​ങ്ങ​ളി​ലെ തെ​ങ്ങു​ക​ളി​ലും ക​രി​ന്പ​ന​ക​ളി​ലും കൂ​ട് കൂ​ട്ടു​ന്ന കു​ഞ്ഞാ​റ്റ കി​ളി​ക​ളെ​പോ​ലെ ഇ​വ​യും കൂ​ട്ട​മാ​യാ​ണ് ക​ഴി​യു​ക.

ഗു​ഹാ കൂ​ട് നി​ർമാ​ണം ക​ഴി​ഞ്ഞാ​ൽ പി​ന്നെ ഇ​വ വാ​നി​ൽ പ​റ​ന്നു​ല്ല​സി​ക്കും. ചെ​റി​യ സം​ഗീ​തം പു​റ​പ്പെ​ടു​വി​ക്കാ​നു​ള്ള ക​ഴി​വും ഇ​വ​യ്ക്ക് ഉ​ണ്ടെ​ന്നാ​ണ് ക​ണ്ടെ​ത്തി​യി​ട്ടു​ള്ള​ത്.