ഔറംഗബാദ്: ബിഹാറില്‍ ദളിത് യുവാക്കളെ മര്‍ദിച്ച സംഭവത്തില്‍ ഒരാള്‍ അറസ്റ്റില്‍. ഔറംഗബാദ് ജില്ലയിലാണ് സംഭവം. അടുത്തിടെ നടന്ന തദ്ദേശഭരണ തെരഞ്ഞെടുപ്പ് മത്സരത്തില്‍ പരാജയപ്പെട്ടതിനാണ് ഇയാള്‍ ക്രൂരത ചെയ്തത്.
തന്‍റെ തോല്‍വിക്ക് കാരണം ദളിതരാണെന്ന് ആക്രോശിച്ചായിരുന്നു ബല്‍വന്ത് സിംഗ് എന്നയാള്‍ യുവാക്കളെ മര്‍ദിച്ചത്. തനിക്ക് വേണ്ടി ദളിതര്‍ ആരും വോട്ട് ചെയ്തില്ലെന്നായിരുന്നു ഇയാളുടെ വാദം.
വോട്ട് ചെയ്യാന്‍ താന്‍ ഇവര്‍ക്ക് പണം നല്‍കിയിരുന്നുവെന്നും ഇയാള്‍ വീഡിയോയില്‍ പറയുന്നത് കേള്‍ക്കാം. ബൽവന്ത് സിംഗ് യുവാക്കളെ അസഭ്യം പറയുകയും ചെയ്തു.
നിലത്ത് തുപ്പിയിട്ട് അത് നക്കാന്‍ ഇയാള്‍ യുവാക്കളെ നിര്‍ബന്ധിക്കുകയും ചെയ്തു. സംഭവത്തിന്‍റെ ദൃശ്യങ്ങള്‍ പ്രചരിച്ചതിനെ തുടര്‍ന്ന് പോലീസ് ഇയാളെ അറസ്റ്റ് ചെയ്തു. സംഭവത്തിൽ കൂടുതൽ അന്വേഷണം നടക്കുകയാണെന്ന് അധികൃതർ വ്യക്തമാക്കി.
