മാഡ്രിഡ്: അബുദാബിയിൽ നടന്ന വേൾഡ് ടെന്നീസ് ചാന്പ്യൻഷിപ്പ് പ്രദർശന മത്സരത്തിനുശേഷം സ്വദേശത്തു മടങ്ങിയെത്തിയ സ്പാനിഷ് സൂപ്പർ താരം റാഫേൽ നദാലിനു കോവിഡ് സ്ഥിരീകരിച്ചു.
നദാൽതന്നെയാണ് ഇക്കാര്യം സമൂഹമാധ്യമങ്ങളിലൂടെ അറിയിച്ചത്. പരിക്കേറ്റു വിശ്രമത്തിലായിരുന്ന നദാലിന്‍റെ തിരിച്ചുവരവ് മത്സരമായിരുന്നു അബുദാബിയിൽ നടന്നത്. ബ്രിട്ടീഷ് താരമായ ആൻഡി മുറെയുമായുള്ള പോരാട്ടത്തിൽ നദാൽ 6-3, 7-5നു പരാജയപ്പെട്ടിരുന്നു.
