മു​ക​ളി​ലെ റൂ​മി​ൽ പോ​യാ​ൽ പ​പ്പ ത​ല്ലും..! അ​തി​ഥി​ത്തൊ​ഴി​ലാ​ളി​യു​ടെ കൊ​ല​പാ​ത​കം; സ​ങ്ക​ട​മി​ല്ലാ​തെ ഭാ​ര്യ, ക​ണ്ണീ​ര​ണി​ഞ്ഞ് കാ​മു​ക​ൻ; ഞെട്ടിക്കുന്ന സംഭവം ഇങ്ങനെ…

ചേ​ർ​പ്പ്: സ്ഥി​ര​മാ​യു​ള്ള കു​ടും​ബ​വ​ഴ​ക്കും, പ്ര​ണ​യ​വു​മാ​ണ് അ​തി​ഥി​ത്തൊ​ഴി​ലാ​ളി​യു​ടെ കൊ​ല​പാ​ത​ക​ത്തി​നു കാ​ര​ണ​മാ​യ​ത്.

വ​ർ​ഷ​ങ്ങ​ളാ​യി ചേ​ർ​പ്പി​ൽ താ​മ​സി​ക്കു​ന്ന മ​ൺ​സൂ​റി​നു സ്വ​ർ​ണ​പ്പ​ണി​യാ​യി​രു​ന്നു. നാ​ട്ടി​ലെ സ്ഥ​ല​സം​ബ​ന്ധ​മാ​യു​ള്ള ത​ർ​ക്ക​ത്തി​ന്‍റെ പേ​രു പ​റ​ഞ്ഞും നി​സാ​ര​കാ​ര്യ​ങ്ങ​ൾ​ക്കും ഭാ​ര്യ​യു​മാ​യി നി​ര​ന്ത​രം വ​ഴ​ക്കു​ണ്ടാ​ക്കു​ന്ന ശീ​ല​ക്കാ​ര​നാ​യി​രു​ന്നു ഇ​യാ​ൾ.

ഇ​ക്കാ​ര്യ​ങ്ങ​ൾ സ്വ​ർ​ണ​പ്പ​ണി​ക്ക് ഇ​വ​രു​ടെ സ​ഹാ​യി​യാ​യി നി​ന്നി​രു​ന്ന ബീ​രു​വു​മാ​യി രേ​ഷ്മ പ​ങ്കു​വ​യ്ക്കു​ക പ​തി​വാ​യി​രു​ന്നു. ഇ​ത് ഇ​രു​വ​രും ത​മ്മി​ലു​ള്ള അ​ടു​പ്പ​ത്തി​നു കാ​ര​ണ​മാ​യി.

ര​ണ്ടു വ​ർ​ഷ​മാ​യി പ്ര​ണ​യ​ത്തി​ലാ​ണെ​ ന്നാ​ണു പ്ര​തി​ക​ൾ പോ​ലീ​സി​നോ​ടു പ​റ​ഞ്ഞ​ത്. ഒ​രു വ​ർ​ഷം മു​ന്പു​മു​ത​ൽ മ​ൺ​സൂ​റി​നെ ഒ​ഴി​വാ​ക്കി കു​ട്ടി​ക​ളോ​ടൊ​പ്പം എ​വി​ടെ​യെ​ങ്കി​ലും പോ​യി താ​മ​സി​ക്കു​വാ​ൻ തീ​രു​മാ​ന​മെ​ടു​ത്തി​രു​ന്നു.

എ​ന്നാ​ൽ, മ​ക്ക​ൾ ചേ​ർ​പ്പി​ൽ​ത​ന്നെ പ​ഠി​ച്ചി​രു​ന്ന​താ​ണ് തീ​രു​മാ​നം കു​റ​ച്ചു​കാ​ല​ത്തേ​ക്കു നീ​ട്ടി​ക്കൊ​ണ്ടു​പോ​വാ​ൻ കാ​ര​ണ​മാ​യ​ത​ത്രെ.

താ​മ​സ​സ്ഥ​ല​ത്തോ​ടു ചേ​ർ​ന്നു​ത​ന്നെ മൃ​ത​ശ​രീ​ര​ത്തി​ന്‍റെ സാ​ന്നി​ധ്യം പ്ര​തി​ക​ളു​ടെ മ​ന​സി​നെ ഉ​ല​ച്ചു​ക​ള​ഞ്ഞ​താ​യി ചോ​ദ്യം​ചെ​യ്യ​ലി​ൽ ഇ​രു​വ​രും അ​ന്വേ​ഷ​ണ ഉ​ദ്യോ​ഗ​സ്ഥ​രോ​ടു പ​റ​ഞ്ഞു.

മൊ​ഴി​ക​ൾ മാ​റ്റി​പ്പ​റ​ഞ്ഞ് പ്രതികൾ

ചോ​ദ്യം ചെ​യ്യ​ലി​ൽ പ​ര​സ്പ​രം ര​ക്ഷി​ക്കാ​ൻ മൊ​ഴി​ക​ൾ പ​ല​ത​വ​ണ മാ​റ്റി​പ്പ​റ​ഞ്ഞ് പ്ര​തി​ക​ൾ ശ്ര​മി​ച്ചെ​ന്നു പോ​ലീ​സ്.

എ​ല്ലാം ക്ഷ​മ​യോ​ടെ കേ​ട്ടി​രു​ന്ന ഇ​രി​ങ്ങാ​ല​ക്കു​ട ഡി​വൈ​എ​സ്പി ബാ​ബു കെ.​തോ​മ​സും ഇ​ൻ​സ് പെ​ക്ട​ർ ടി.​വി. ഷി​ബു​വും സം​ഘ​വും ഇ​രു​വ​രെ​യും മാ​റ്റി​യി​രു​ത്തി ചോ​ദി​ച്ച​തോ​ടെ പൊ​ട്ടി​ക്ക​ര​ഞ്ഞു​കൊ​ണ്ട് യ​ഥാ​ർ​ത്ഥ സം​ഭ​വ​ങ്ങ​ൾ വെ​ളി​പ്പെ​ടു​ത്തു​ക​യാ​യി​രു​ന്നു.

12 നു ​രാ​ത്രി ക​ള്ളു വാ​ങ്ങി​യെ​ത്തി​യ ബീ​രു മു​ൻ​പേ ക​ണ​ക്കു​കൂ​ട്ടി​യി​രു​ന്ന​പോ​ലെ കൂ​ടു​ത​ൽ ക​ള്ള് മ​ൺ​സൂ​ർ മാ​ലി​ക്കി​നു കു​ടി​ക്കാ​ൻ കൊ​ടു​ത്തു. മു​ക​ളി​ലെ മു​റി​യി​ലി​രു​ന്നാ​യി​രു​ന്നു മ​ദ്യ​പാ​നം.

ഈ ​സ​മ​യം മ​ൺ​സൂ​റി​ന്‍റെ ഭാ​ര്യ കു​ട്ടി​ക​ൾ​ക്കു ഭ​ക്ഷ​ണം കൊ​ടു​ത്ത് നേ​ര​ത്തേ ഉ​റ​ക്കു​വാ​നു​ള്ള തി​ര​ക്കി​ലാ​യി​രു​ന്നു. മ​ദ്യല​ഹ​രി​യി​ൽ മ​ൺ​സൂ​ർ ബെ​ഡി​ൽ കി​ട​ന്ന​തോ​ടെ ബീ​രു താ​ഴേ​ക്ക് ഇ​റ​ങ്ങി​വ​ന്നു.

പി​ന്നീ​ട് മു​ക​ളി​ലെ​ത്തി​യ രേ​ഷ്മ ഭ​ർ​ത്താ​വ് ഗാ​ഢ​നി​ദ്ര​യി​ലാ​യ​തോ​ടെ താ​ഴെ​യെ​ത്തി ബീ​രു​വി​നോ​ടു വി​വ​രം പ​റ​ഞ്ഞു.

തു​ട​ർ​ന്നാ​ണ് നേ​ര​ത്തേ ക​രു​തി​വ​ച്ചി​രു​ന്ന ക​ന്പി​പ്പാ​ര​യു​മാ​യെ​ത്തി ബീ​രു ഉ​റ​ങ്ങി​ക്കി​ട​ക്കു​ക​യാ​യി​രു​ന്ന മ​ൺ​സൂ​റി​ന്‍റെ ത​ല​യ്ക്ക് അ​ടി​ച്ചു കൊ​ല​പ്പെ​ടു​ത്തി​യ​ത്.

മ​ര​ണം ഉ​റ​പ്പാ​ക്കി​യ ഇ​രു​വ​രും മൃ​ത​ദേ​ഹം ക​ന്പി​ളി​യി​ൽ പൊ​തി​ഞ്ഞ് തൊ​ട്ട​ടു​ത്ത റൂ​മി​ലെ കു​ളി​മു​റി​യി​ലേ​ക്കു മാ​റ്റി മു​റി​യ​ട​ച്ചു. നേ​രം പു​ല​രു​മോ എ​ന്ന ഭ​യ​ത്താ​ൽ മൃ​ത​ദേ​ഹം മ​റ​വു ചെ​യ്യു​ന്ന​തു തി​ങ്ക​ളാ​ഴ്ച രാ​ത്രി​യി​ലേ​ക്കു മാ​റ്റി​വ​ച്ചു.

തി​ങ്ക​ളാ​ഴ്ച കു​ട്ടി​ക​ൾ​ക്കും അ​യ​ൽ​പ​ക്ക​ക്കാ​ർ​ക്കും സം​ശ​യം ഇ​ല്ലാ​ത്ത രീ​തി​യി​ൽ പെ​രു​മാ​റി. തി​ങ്ക​ളാ​ഴ്ച രാ​ത്രി​യോ​ടെ വീ​ടി​ന്‍റെ പി​റ​കു​വ​ശ​ത്തു ച​പ്പു​ച​വ​റു​ക​ൾ കൂ​ട്ടി​യി​ടു​ന്ന​യി​ട​ത്തു കു​ഴി​യെ​ടു​ത്തു മൃ​ത​ദേ​ഹം കു​ഴി​ച്ചി​ട്ടു.

ദി​വ​സ​ങ്ങ​ൾ ക​ഴി​ഞ്ഞ​തോ​ടെ വീ​ടി​ന​ടു​ത്തു​ത​ന്നെ മൃ​ത​ദേ​ഹ​ത്തി​ന്‍റെ സാ​ന്നി​ധ്യം കൊ​ല​യാ​ളി​ക​ളി​ൽ അ​സ്വ​സ്ഥ​ത ഉ​ണ്ടാ​ക്കി.

തു​ട​ർ​ന്ന് ഞാ​യ​റാ​ഴ്ച ഭ​ർ​ത്താ​വി​നെ കാ​ണാ​നി​ല്ല എ​ന്നു പ​റ​ഞ്ഞ് രേ​ഷ്മ​യും കാ​മു​ക​നും കൂ​ടി ചേ​ർ​പ്പ് സ്റ്റേ​ഷ​നി​ലെ​ത്തി പ​രാ​തി ന​ൽ​കി.

സ്റ്റേ​ഷ​നി​ൽ​നി​ന്നു തി​രി​ച്ചെ​ത്തി​യ​പ്പോ​ൾ ഇ​വ​രു​ടെ സു​ഹൃ​ത്ത് മ​ൺ​സൂ​റി​നെ അ​ന്വേ​ഷി​ച്ചെ​ത്തി. എ​ന്നാ​ൽ ഇ​യാ​ളോ​ട് മ​ൺ​സൂ​ർ നാ​ട്ടി​ൽ പോ​യെ​ന്നാ​ണു രേ​ഷ്മ പ​റ​ഞ്ഞ​ത്.

പി​ന്നീ​ട് പോ​ലീ​സ് ചോ​ദി​ച്ച​പ്പോ​ൾ കു​റ​ച്ചു​നേ​രം പി​ടി​ച്ചുനി​ന്നെ​ങ്കി​ലും ഭ​ർ​ത്താ​വു​മാ​യി വ​ഴ​ക്കി​ടു​ന്ന​തി​നി​ടെ ത​ന്നെ അ​ടി​ക്കാ​ൻ എ​ടു​ത്ത ക​ന്പി​പ്പാ​ര പി​ടി​ച്ചു​വാ​ങ്ങി അ​ടി​ച്ച​പ്പോ​ൾ ഭ​ർ​ത്താ​വ് മ​രി​ച്ചു എ​ന്നാ​യി​രു​ന്നു രേ​ഷ്മ​യു​ടെ മൊ​ഴി.

“മു​ക​ളി​ലെ റൂ​മി​ൽ പോ​യാ​ൽ പ​പ്പ ത​ല്ലും’

മു​ക​ൾ​നി​ല​യി​ൽ കൊ​ല​പാ​ത​കം ന​ട​ക്കു​ന്പോ​ൾ താ​ഴെ റൂ​മി​ൽ കു​ട്ടി​ക​ൾ ന​ല്ല ഉ​റ​ക്ക​ത്തി​ലാ​യി​രു​ന്നു.

രാ​വി​ലെ പ​പ്പ​യെ അ​ന്വേ​ഷി​ച്ച​പ്പോ​ൾ പു​ല​ർ​ച്ചെ കൂ​ട്ടു​കാ​ര​ന്‍റെ ബൈ​ക്കി​ൽ ക​യ​റി പ​പ്പ നാ​ട്ടി​ൽ പോ​യെ​ന്നു കു​ട്ടി​ക​ളോ​ട് പ​റ​ഞ്ഞ രേ​ഷ്മ, പ​പ്പ​യു​ടെ മു​ക​ളി​ലെ റൂ​മി​ൽ പോ​യാ​ൽ പ​പ്പ ത​ല്ലു​മെ​ന്നു പ​റ​ഞ്ഞ് ഭ​യ​പ്പെ​ടു​ത്തി.

സം​ഭ​വ​ങ്ങ​ൾ ഒ​ന്നും അ​റി​യാ​തെ നി​ഷ്ക​ള​ങ്ക​മാ​യി സം​സാ​രി​ച്ച കു​ട്ടി​ക​ളു​ടെ മു​ഖം പോ​ലീ​സ് ഉ​ദ്യോ​ഗ​സ്ഥ​രു​ടെ പോ​ലും ക​ണ്ണു​ക​ൾ ന​ന​യി​ച്ചു.

എ​സ്ഐ പി.​ജി.അ​നൂ​പ്, പി.​ജെ. ഫ്രാ​ൻ​സി​സ്, ടി.​ജി. ദി​ലീ​പ്കു​മാ​ർ. കെ.​കെ. ഉ​ണ്ണി​കൃ​ഷ്ണ​ൻ,എ​എ​സ്ഐ​മാ​രാ​യ വി​നോ​ദ്, കെ.​എ. മു​ഹ​മ്മ​ദ് അ​ഷ്റ​ഫ്, എ. ​സു​മ​ൽ, കെ.​പി. രാ​ജു, സീ​നി​യ​ർ സി​പി​ഒ​മാ​രാ​യ സ​ഫീ​ർ ബാ​ബു, ഇ.​എ​സ്. ജീ​വ​ൻ, സി​പി​ഒ​മാ​രാ​യ കെ.​എ​സ്. ഉ​മേ​ഷ്, പി.​വി. വി​കാ​സ് എ​ന്നി​വ​ര​ട​ങ്ങി​യ സം​ഘ​മാ​ണ് കേ​സ​ന്വേ​ഷ​ണം ന​ട​ത്തി​യ​ത്.