വാസ്കോ ഡ ഗാമ: ഐഎസ്എൽ ഫുട്ബോളിൽ തുടർച്ചയായ രണ്ടാം ജയവുമായി കേരള ബ്ലാസ്റ്റേഴ്സ്. ബ്ലാസ്റ്റേഴ്സ് എതിരില്ലാത്ത മൂന്നു ഗോളിന് ചെന്നൈയിൻ എഫ്സിയെ തോൽപ്പിച്ചു. ജയത്തോടെ ബ്ലാസ്റ്റേഴ്സ് 12 പോയിന്‍റുമായി മൂന്നാം സ്ഥാനത്തെത്തി.
തോൽവി അറിയാതെ ബ്ലാസ്റ്റേഴ്സിന്‍റെ ആറാം മത്സരമായിരുന്നു. തുടർച്ചയായ രണ്ടാം മത്സരത്തിലും ബ്ലാസ്റ്റേഴ്സ് ഗോൾ വഴങ്ങിയില്ല.
ആദ്യ പകുതിയിൽ തന്നെ രണ്ടു ഗോൾ നേടിയ ബ്ലാസ്റ്റേഴ്സ് മത്സരം അനുകൂലമാക്കിയിരുന്നു. ഹെർഹെ പെരേര ഡയസും സഹൽ സമദുമാണ് ഗോൾ നേടിയത്. 79-ാം മിനിറ്റിൽ അഡ്രിയാൻ ലൂണ ബ്ലാസ്റ്റേഴ്സിന്‍റെ മൂന്നാം ഗോൾ നേടി.
