യാ​ത്ര​ക്കാ​രു​ടെ ശ്രദ്ധയ്ക്ക്.. ശ​ബ്ദം ഷി​ജി​ന​യു​ടേ​താ​ണ്..! പാ​ല​ക്കാ​ടി​ന്‍റെ മ​രു​മ​ക​ളാ​യി എത്തിയ സം​ഗീതാധ്യാ​പി​ക സി.​ ഷി​ജി​നയുടെ വിശേഷങ്ങള്‍…

യാ​ത്ര​ക്കാ​രു​ടെ ശ്രദ്ധയ്ക്ക്…. കോ​യ​ന്പ​ത്തൂ​ർ ജം​ഗ്ഷ​നി​ൽനി​ന്നും തി​രു​വ​ന​ന്ത​പു​രംവ​രെ പോ​കു​ന്ന അ​മൃ​ത എ​ക്സ്പ്ര​സ് അ​ൽ​പ്പ​സ​മ​യ​ത്തി​ന​കം ര​ണ്ടാം നന്പർ പ്ലാ​റ്റ്ഫോ​മി​ൽ വ​ന്നു ചേ​രു​ന്ന​താ​ണ് ….

ഇം​ഗ്ലി​ഷി​ലും, ഹി​ന്ദി​യി​ലും ഇ​തേ അ​റി​യി​പ്പു​ക​ൾ ആ​വ​ർ​ത്തി​ക്കു​ന്പോ​ൾ യാ​ത്ര​ക്കാ​ർ കാ​ത്തി​രി​പ്പി​ന് വി​രാ​മ​മി​ട്ട് യാ​ത്രാ​സാ​മ​ഗ്രി​ക​ളെ​ടു​ത്ത് യാത്ര പുറപ്പെടാൻ ത​യ്യാ​റാ​യി നി​ൽ​ക്കും.

ഓ​രോ യാ​ത്ര​ക്കാ​ര​നും സ്റ്റേ​ഷ​നി​ലെ​ത്തു​ന്പോ​ൾ മ​ണി​യ​ടി​യു​ടെ അ​ക​ന്പ​ടി​യോ​ടെ കേൾക്കുന്ന ഹൃ​ദ്യ​മാ​യ ഈ ​ശ​ബ്ദം കേ​ൾ​ക്കാ​ൻ കാ​ത്തി​രി​ക്കും.

ദ​ക്ഷി​ണ റ​യി​ൽ​വേയ്​ക്കു​കീ​ഴി​ൽ വ​ർ​ഷ​ങ്ങ​ളാ​യി യാ​ത്ര​ക്കാ​ർ​ക്ക് പ്രത്യാശ പകരുന്ന ഈ ശബ്ദം പാല​ക്കാ​ട്ടു​കാ​രി​യാ​യ സി. ​ഷി​ജി​ന ടീ​ച്ച​റുടേതാണ്.

ഏ​തു സ്റ്റേ​ഷ​നി​ലെ​ത്തി​യാ​ലും ഷി​ജി​ന​യു​ടെ ശ​ബ്ദ​ത്തി​ലുള്ള അ​റി​യി​പ്പുകളാണ് യാ​ത്ര​ക്കാർക്ക് കേൾക്കാനാവുക.

വടകരയിൽ ജ​നി​ച്ച് പാ​ല​ക്കാ​ടി​ന്‍റെ മ​രു​മ​ക​ളാ​യി എത്തിയ സം​ഗീ​ത​ാധ്യാ​പി​ക​യാ​ണ് സി.​ഷി​ജി​ന. ഒ​രി​ക്ക​ലെ​ങ്കി​ലും ട്രെ​യി​ൻ യാ​ത്ര ന​ട​ത്തി​യി​ട്ടു​ള്ള​വ​ർ ഷി​ജി​ന​യു​ടെ ശ​ബ്ദം കേ​ൾ​ക്കാ​തി​രി​ക്കി​ല്ല.ആ ശബ്ദത്തിന്‍റെ ഇന്പം മറക്കാനുമാവില്ല.

ശ​ബ്ദ​മാ​ധു​രി ആ​വോ​ള​മു​ള്ള ഈ ​പാ​ല​ക്കാ​ട്ടു​കാ​രി​യെ അ​ധി​ക​മാ​രും നേ​രി​ൽ ക​ണ്ടി​ട്ടു​ണ്ടാ​വി​ല്ല. കോ​ഴി​ക്കോ​ട് വ​ട​ക​ര​യ്ക്ക​ടു​ത്ത് മ​യ്യ​ന്നൂ​രാ​ണ് ഷി​ജി​ന​യു​ടെ സ്വ​ദേ​ശം.

സം​ഗീ​ത​ത്തി​ൽ ബി​രു​ദാ​ന​ന്ത​ര ബി​രു​ദ​ധാ​രി​യാ​യ ഷി​ജി​ന ഇ​പ്പോ​ൾ ഒ​റ്റ​പ്പാ​ലം എ​ൽ.​എ​സ്.​എ​ൻ. ഹൈ​സ്കൂ​ളി​ൽ സം​ഗീ​താ​ധ്യാ​പി​ക​യാ​ണ്.

ചി​റ്റി​ല​ഞ്ചേ​രി എം.​എ​ൻ.​കെ.​എം ഹൈ​സ​കൂ​ൾ അ​ധ്യാ​പ​ക​ൻ അ​രു​ണി​നെ വി​വാ​ഹം ചെ​യ്ത​തോ​ടെ​യാ​ണ് ഇ​വ​ർ പാ​ല​ക്കാ​ട്ട് സ്ഥിരതാമസമാക്കിയത്.

റെ​യി​ൽ​വേ സ്റ്റേ​ഷ​നു​ക​ളി​ൽ ഷി​ജി​ന​യു​ടെ ശ​ബ്ദം വി​വി​ധ ത​ര​ത്തി​ലു​ള്ള അ​റി​യി​പ്പു​ക​ളാ​യി മു​ഴ​ങ്ങാ​ൻ തു​ട​ങ്ങി​യി​ട്ട് നാ​ലു വ​ർ​ഷ​ങ്ങ​ൾ പി​ന്നി​ട്ടു ക​ഴി​ഞ്ഞു.

മ​ല​യാ​ള​ത്തി​ൽ മാ​ത്ര​മ​ല്ല ദ​ക്ഷി​ണ റെ​യി​ൽ​വേ​ക്ക് കീ​ഴി​ൽ കേ​ര​ളം, ത​മി​ഴ്നാ​ട,് ക​ർ​ണാ​ട​ക സം​സ്ഥാ​ന​ങ്ങ​ളി​ലെ ഇം​ഗ്ലീ​ഷ,് ഹി​ന്ദി, തെ​ലു​ങ്ക്, ക​ന്ന​ഡ ഭാ​ഷ​ക​ളി​ൽ യാ​ത്രാ അ​റി​യി​പ്പു​ക​ളും ഷി​ജി​ന​യു​ടെ സ്വ​ര​മാ​ധു​രി​യി​ൽ ത​ന്നെ​യാ​ണ് ലക്ഷക്കണക്കിനു യാ​ത്ര​ക്കാ​ർ അ​റി​യു​ന്ന​ത്.

എ​ല്ലാം ഒ​രു ഭാ​ഗ്യ​നി​യോ​ഗം പോ​ലെ തോ​ന്നു​ന്നു. റെ​യി​ൽ​വേ സ്റ്റേ​ഷ​നു​ക​ളി​ൽ രാ​പ​ക​ൽ മു​ഴ​ങ്ങു​ന്ന ശ​ബ്ദ​ത്തി​നു​ട​മ​യാ​യ ഷി​ജി​ന​യ്ക്കു പ​റ​യാ​നു​ള്ള​ത് ഇ​ത്ര​മാ​ത്രം.

വ​ർ​ഷ​ങ്ങ​ളാ​യി ഡ​ബ്ബി​ങ് മേ​ഖ​ല​യി​ൽ പ്ര​വ​ർ​ത്തി​ച്ചു​വ​രു​ന്ന ഇ​വ​ർ നി​ര​വ​ധി ഡോ​ക്യു​മെ​ന്‍റ​റി​ക​ൾ​ക്കും ശ​ബ്ദം ന​ൽ​കി​യി​ട്ടു​ണ്ട്. പ​ര​സ്യ​ചി​ത്ര​ങ്ങ​ളി​ലും, ഗാ​ന​രം​ഗ​ങ്ങ​ളി​ലും ഈ ​സ്വ​ര​മാ​ധു​രി ഉ​യ​രു​ന്നു​ണ്ട്.

പാ​ല​ക്കാ​ട്ട് വ​ന്ന​തി​നു​ശേ​ഷ​മാ​ണ് റെ​യി​ൽ അ​റി​യി​പ്പ് സ്വ​ന്തം ശ​ബ്ദത്തിൽ ന​ൽ​കാ​നു​ള്ള ഭാ​ഗ്യ​ത്തി​ന് പ​ച്ച​വെ​ളി​ച്ചം തെ​ളി​ഞ്ഞ​ത്.

റി​ക്കാ​ർഡിം​ഗ് രം​ഗ​ത്ത് വ​ർ​ഷ​ങ്ങ​ളു​ടെ പാ​ര​ന്പ​ര്യ​മു​ള്ള പാ​ല​ക്കാ​ട് പ്ര​സ്റ്റീ​ജ് സ്റ്റു​ഡി​യോ​യി​ൽ അ​ന്നൊ​രി​ക്ക​ൽ റെ​യി​ൽ​വേ അ​ധി​കൃ​ത​ർ മി​ക​ച്ച ശ​ബ്ദ​മാ​ധു​ര്യ​മു​ള്ള​വ​രെ തേ​ടി എ​ത്തു​ക​യു​ണ്ടാ​യി.

ഇ​വ​രി​ൽ​നി​ന്ന് ഹൈ​ദ​രാ​ബാ​ദി​ലേ​ക്ക​യ​ച്ച ശ​ബ്ദ സാ​ന്പി​ൾ പ​രി​ശോ​ധന​യി​ൽ തെ​ര​ഞ്ഞെ​ടു​ക്ക​പ്പെ​ട്ട​ത് ഷി​ജി​ന​യു​ടെ സ്വ​ര​മാ​യി​രു​ന്നു. ഇ​താ​ണ് ഷി​ജി​ന​യു​ടെ ജീ​വി​ത​ത്തി​ൽ ന​ല്ല നേ​ര​മാ​യി മാ​റി​യ​തും.

ഒ​രു​മാ​സം നീ​ണ്ട ക്ലേ​ശ​ക​ര​മാ​യ ശ്ര​മ​ത്തി​ലാ​ണ് റെ​യി​ൽ​വേ​ക്കു വേ​ണ്ടി വി​വി​ധ രീ​തി​യി​ലു​ള്ള അ​റി​യി​പ്പു​ക​ളു​ടെ റി​ക്കാ​ർ​ഡിം​ഗ് പൂ​ർ​ത്തി​യാ​ക്കി​യ​ത്.

തെ​ലു​ങ്കു ഭാ​ഷ​യാ​യി​രു​ന്നു സംസാരിക്കാൻ ഏ​റ്റ​വു​ം കഠിനം. ചി​റ്റൂ​ർ കോളജിൽ സ​ഹ​പാ​ഠി​യാ​യി​രു​ന്ന സ​ഞ്ജി​ത ആ​ന്ധ്ര​പ്ര​ദേ​ശി​ലാ​യി​രു​ന്നു താ​മ​സം.​

അ​വ​രോ​ട് തുടരെ ആ​ശ​യ​വി​നി​മ​യം ന​ട​ത്തി​യാ​ണ് ഓ​രോ തെലുങ്കു വാ​ക്കി​ലെ​യും ഉ​ച്ചാ​ര​ണ​രീ​തി കൃ​ത്യ​മാ​യി മ​ന​സി​ലാ​ക്കി​യെ​ടു​ത്ത​ത്.

ഓ​രോ കംപ്യൂട്ടർ ഫ​യ​ലു​ക​ളാ​യാ​ണ് റെ​യി​ൽ​വേ അ​റി​യി​പ്പി​ന്‍റെ വാ​ച​ക​ങ്ങ​ൾ സൂ​ക്ഷി​ക്കു​ന്ന​ത്. ഇ​തി​നാ​ൽ​ത​ന്നെ ആ​വ​ശ്യാ​നു​സ​ര​ണം കൂ​ട്ടി​ച്ചേ​ർ​ക്ക​ലു​ക​ൾ ന​ട​ത്താ​നും ക​ഴി​യും.

തീ​വ​ണ്ടി യാ​ത്ര​യ്ക്കാ​യി റെ​യി​ൽ​വേ സ്റ്റേ​ഷ​നു​ക​ളി​ൽ എ​ത്തു​ന്പോ​ൾ കാ​ത്തി​രി​പ്പി​ന് വി​രാ​മ​മി​ട്ട് അ​റി​യി​പ്പാ​യി ത​ന്‍റെ ശ​ബ്ദം ത​ന്നെ മു​ഴ​ങ്ങി കേ​ൾ​ക്കു​ന്പോ​ൾ പ​റ​ഞ്ഞ​റി​യി​ക്കാ​നാ​കാ​ത്ത ഒ​രു നി​ർ​വൃ​തിയാണ് അ​നു​ഭ​വ​പ്പെ​ടുക.

​കെ​എസ്ആ​ർ​ടി​സി​യി​ൽ നി​ന്നു വി​ര​മി​ച്ച ക​ണ്‍​ട്രോ​ളിം​ഗ് ഇ​ൻ​സ്പെ​ക്ട​ർ ച​ന്ദ്ര​ന്‍റെ​യും അ​ധ്യാ​പി​ക​യാ​യി​രു​ന്ന നാ​രാ​യ​ണിയുടെയും ഇ​ള​യ മ​ക​ളാ​യ ഷി​ജി​ന ചെ​റു​പ്രാ​യ​ത്തി​ൽ ത​ന്നെ സം​ഗീ​ത​ത്തോ​ട് വ​ലി​യ താൽപര്യം പു​ല​ർ​ത്തി വ​ന്നി​രു​ന്നു. സം​സ്ഥാ​ന​ത​ല​ത്തി​ൽ നി​ര​വ​ധി പു​ര​സ്കാ​ര​ങ്ങ​ൾ ഇ​വ​ർ പ​ഠ​ന​കാ​ല​ത്ത് നേ​ടി​യെ​ടു​ത്തു.

മ​ക​ളു​ടെ താ​ത്പ​ര്യം മ​ന​സ്‌​സി​ലാ​ക്കി യാ​ണ് മാ​താ​പി​താ​ക്ക​ൾ ആ ​വ​ഴി​യി​ൽ ത​ന്നെ സ​ഞ്ച​രി​ക്കാ​ൻ അ​നു​വാ​ദം ന​ൽ​കി​യ​ത്. മാ​ള​വി​ക, ഇ​ന്ദ്ര​ജി​ത് എന്നിവരാണ് മക്കൾ.

ഇ​വ​രും ക​ല​യു​ടെ​യും സാ​ഹി​ത്യ​ത്തി​ന്‍റെ​യും സം​ഗീ​ത​ത്തി​ന്‍റെ​യും വ​ഴി​ക​ളി​ൽ സജീവമായി മുന്നേറുന്നു.

ഒ​രി​ക്ക​ലും കൂ​ടി​ച്ചേ​രാ​ൻ ഇ​ട​യി​ല്ലാ​ത്ത സ​മാ​ന്ത​ര പാ​ത​ക​ളി​ൽ തീ​വ​ണ്ടി​ക​ൾ യാ​ത്ര തു​ട​രു​ക​യാ​ണ്…… ഇ​തി​നൊ​പ്പം ഒ​രു നി​യോ​ഗമെന്നോണം ട്രെ​യി​നു​ക​ളു​ടെ വ​ര​വു​പോ​ക്കു വി​വ​ര​ങ്ങ​ളു​ടെ അ​റി​യി​പ്പു​കൾ ഷി​ജി​ന​യു​ടെ ശ​ബ്ദ​ത്തി​ൽ ദക്ഷിണേന്ത്യയിലുടനീളം മുഴങ്ങുന്നു.