ഉലകനായകന്‍ കമല്‍ഹാസന്‍റെ മകളാണ് ശ്രുതി ഹാസൻ. താരപുത്രിയായതു കൊണ്ട് തന്നെ ചെറിയ പ്രായത്തില്‍തന്നെ ശ്രുതിക്ക് ജനശ്രദ്ധ ലഭിച്ചിരുന്നു.
പിന്നീടു താരപുത്രി സിനിമയിലുമെത്തി. മിക്കവാറും താരപുത്രി വാര്‍ത്തകളില്‍ നിറയാറുമുണ്ട്.
വര്‍ഷങ്ങളോളം നീണ്ട പ്രണയം ശ്രുതി പിന്നീട് അവസാനിപ്പിച്ചിരുന്നു. കഴിഞ്ഞൊരു വര്‍ഷമായി ശ്രുതി മറ്റൊരു പ്രണയത്തിലാണെന്നാണ് റിപ്പോര്‍ട്ടുകള്‍.
അടുത്തയിടെ ഇന്‍സ്റ്റാഗ്രാം പേജില്‍ (Ask Me Anything) എന്ന സെക്ഷനില്‍ ശ്രുതി ഹാസനും പങ്കെടുത്തിരുന്നു.
ഇതിലെ താരത്തോടു ചോദിച്ച ഒരു ചോദ്യവും അതിനു ശ്രുതി നൽകിയ മറുപടിയുമാണ് വൈറലായിരിക്കുന്നത്. താരപുത്രിയോട് പലതരത്തിലുള്ള ചോദ്യങ്ങളുമായിട്ടാണ് ആരാധകര്‍ എത്തിയത്.
ഓരോരുത്തരുടെയും ചോദ്യങ്ങള്‍ക്ക് വളരെ സംയമനത്തോടെയാണ് ശ്രുതി മറുപടി നല്‍കിയതും. ഇതിനിടയിലാണ് ഒരാള്‍ കാമുകന്മാരെകുറിച്ചുള്ള ചോദ്യവുമായി എത്തിയത്.
നിങ്ങള്‍ക്ക് എത്ര കാമുകന്‍ ഉണ്ട്… എന്നായിരുന്നു ഒരാള്‍ ശ്രുതിയോട് ചോദിച്ചത്. വളരെ പെട്ടെന്ന് നടി അതിനു മറുപടി നല്‍കുകയും ചെയ്തു.
നിങ്ങള്‍ക്ക് എത്ര കാമുകിയാണ് ഉള്ളത്… എന്ന മറുചോദ്യമാണ് ശ്രുതി മുന്നോട്ടുവെച്ചത്. എനിക്ക് തോന്നുന്നു പൂജ്യം ആയിരിക്കും. അല്ലെങ്കില്‍ പകുതിയേ ഉണ്ടാവുകയുള്ളു എന്നുമാണ് ശ്രുതി നല്‍കിയ മറുപടി.
വിമര്‍ശിക്കാനെന്ന രീതിയില്‍ ചോദ്യം ചോദിച്ചയാള്‍ക്ക് മറ്റൊന്നും തിരിച്ചുപറയാന്‍ സാധിക്കാത്ത തരത്തിലുള്ള ചുട്ട മറുപടിയാണ് താരപുത്രി നല്‍കിയത്.
കുറഞ്ഞ സമയത്തിനുള്ളില്‍ ആരാധകരിലൂടെ സോഷ്യല്‍ മീഡിയ ഈ വാക്കുകള്‍ ഏറ്റെടുത്തു.
