അടുത്ത സുഹൃത്താണെങ്കിലും സരയു എഴുതുമായിരുന്നുവെന്ന് എനിക്ക് അറിയില്ലായിരുന്നു. സരയു അഭിനയിക്കും, നൃത്തം ചെയ്യും എന്നൊക്കെ അറിയാമെങ്കിലും ഇങ്ങനെയൊരു രീതിയിലിലേക്കു കൂടി താത്പര്യമുണ്ടെന്ന് എനിക്ക് അറിയില്ലായിരുന്നു.
ഈ അടുത്ത കാലത്താണ് പച്ച എന്നൊരു ഷോര്‍ട്ട് ഫിലിം കണ്ടത്. ഇത്രയും കാലം കണ്ടോണ്ടിരിക്കുന്ന സരയു എന്നയാളില്‍നിന്ന് ഇതൊന്നും പ്രതീക്ഷിച്ചിരുന്നില്ല.
പൊതുവേ ആളുകള്‍ക്കു തെറ്റായൊരു ധാരണയുണ്ട്. സിനിമാനടികള്‍ക്ക് അഭിനയിക്കാന്‍ മാത്രമേ അറിയുള്ളൂ എന്ന്. സിനിമാനടികള്‍ക്ക് ബുദ്ധി അല്‍പ്പം കുറവാണെന്നാണ് പലരുടേയും ധാരണ.
ഞാനൊക്കെ വന്നതുകൊണ്ടാണോ അങ്ങനെയൊരു ധാരണ എന്നറിയില്ല. അങ്ങനെയൊരു ചിന്ത പലരിലുമുണ്ട് എന്നു തോന്നിയിട്ടുണ്ട്. ഞാന്‍ ആദ്യമായിട്ടൊരു പാട്ടെഴുതിയപ്പോഴും എല്ലാവര്‍ക്കും അദ്ഭുതമായിരുന്നു.
സത്യം പറ, ഇത് നീ തന്നെ എഴുതിയതാണോയെന്നായിരുന്നു ചോദ്യങ്ങള്‍. -കാവ്യാ മാധവൻ
