രാ​ജ്യം ഇ​തുവ​രെ ക​ണ്ടി​ട്ടു​ള്ള​തി​ൽ​വ​ച്ച് ഏ​റ്റ​വും വ​ലി​യ ബാ​ങ്ക് വാ​യ്പാ തട്ടിപ്പ്! 22,842 കോടി ത​ട്ടി​ച്ച​ത്‌ എ​ബി​ജി ഷി​പ്‌യാ​ർ​ഡ് ഡ​യ​റ​ക്ട​ർ​മാ​ർ

ന്യൂ​ഡ​ൽ​ഹി: രാ​ജ്യം ഇ​തുവ​രെ ക​ണ്ടി​ട്ടു​ള്ള​തി​ൽ​വ​ച്ച് ഏ​റ്റ​വും വ​ലി​യ ബാ​ങ്ക് വാ​യ്പാ ത​ട്ടി​പ്പുകേ​സി​ലെ പ്ര​തി​ക​ൾ​ക്കെ​തി​രേ കേ​സെ​ടു​ത്ത് സി​ബി​ഐ.

എ​ബി​ജി ഷി​പ്‌യാ​ർ​ഡി​ന്‍റെ സി​എം​ഡി ആ​യി​രു​ന്ന ഋ​ഷി അ​ഗ​ർ​വാ​ൾ, എ​ക്സി​ക്യൂട്ടീ​വ് ഡ​യ​റ​ക്ട​ർ സ​ന്താ​നം മു​ത്തു​സ്വാ​മി, ഡ​യ​റ​ക്ട​ർ​മാ​രാ​യ അ​ശ്വി​നി കു​മാ​ർ, സു​ശീ​ൽ കു​മാ​ർ അ​ഗ​ർ​വാ​ൾ, ര​വി വി​മ​ൽ നെ​വേ​തി​യ എ​ന്നി​വ​ർ​ക്കെ​തി​രേ​യാ​ണ് 28 ബാ​ങ്കു​ക​ളി​ൽനി​ന്നാ​യി 22,842 കോ​ടി രൂ​പ ത​ട്ടി​ച്ച​തി​ന് സി​ബി​ഐ കേ​സെ​ടു​ത്ത​ത്.

എ​ബി​ജി ഇ​ന്‍റ​ർ​നാ​ഷ​ണ​ൽ പ്രൈ​വ​റ്റ് ലി​മി​റ്റ​ഡ് എ​ന്ന മ​റ്റൊ​രു ക​ന്പ​നി​യു​ടെ പേ​രും എ​ഫ്ഐ​ആ​റി​ൽ ഉ​ണ്ട്.

ഫോ​റ​ൻ​സി​ക് ഓ​ഡി​റ്റ് റി​പ്പോ​ർ​ട്ട് അ​നു​സ​രി​ച്ച് 2012 ഏ​പ്രി​ലി​നും 2017 ജൂ​ലൈ​ക്കും ഇ​ട​യി​ലാ​ണ് എ​ബി​ജി ഗ്രൂ​പ്പ് ത​ട്ടി​പ്പു ന​ട​ത്തി​യി​രി​ക്കു​ന്ന​ത്.

ഗു​ജ​റാ​ത്തി​ലെ സൂ​റ​റ്റി​ലും ദ​ഹേ​ജി​ലും ക​പ്പ​ൽ നി​ർ​മാ​ണ​വും അ​റ്റ​കു​റ്റ​പ്പ​ണി​ക​ളും ന​ട​ത്തു​ന്ന എ​ബി​ജി ഷി​പ്‌യാ​ർ​ഡ് എ​ബി​ജി ഗ്രൂ​പ്പി​ന്‍റെ ഉ​ട​മ​സ്ഥ​ത​യി​ലു​ള്ള​താ​ണ്.

സ്റ്റേ​റ്റ് ബാ​ങ്ക് ഓ​ഫ് ഇ​ന്ത്യ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് സി​ബി​ഐ ന​ട​പ​ടി.

എ​സ്ബി​ഐ​യി​ൽ​നി​ന്ന് 2,925 കോ​ടി, ഐ​സി​ഐ​സി​ഐ ബാ​ങ്കി​ൽനി​ന്ന് 7,089 കോ​ടി, ഐ​ഡി​ബി​ഐ ബാ​ങ്കി​ൽനി​ന്ന് 3,634 കോ​ടി, ബാ​ങ്ക് ഓ​ഫ് ബ​റോ​ഡ​യി​ൽനി​ന്ന് 1,614 കോ​ടി, പ​ഞ്ചാ​ബ് നാ​ഷ​ണ​ൽ ബാ​ങ്കി​ൽനി​ന്ന് 1,244 കോ​ടി, ഇ​ന്ത്യ​ൻ ഓ​വ​ർ​സീ​സ് ബാ​ങ്കി​ൽനി​ന്ന് 1,228 കോ​ടി രൂ​പ എ​ന്നി​ങ്ങ​നെ ഇ​വ​ർ ത​ട്ടി​ച്ചെ​ടു​ത്തി​ട്ടു​ണ്ട്.

വാ​യ്പ എ​ടു​ത്ത തു​ക മു​ഴു​വ​ൻ വ​ക​മാ​റ്റി ചെ​ല​വ​ഴി​ക്കു​ക​യാ​യി​രു​ന്നു എ​ന്നാ​ണ് സി​ബി​ഐ പ​റ​യു​ന്ന​ത്.

ത​ട്ടി​പ്പു സം​ബ​ന്ധി​ച്ച് എ​സ്ബി​ഐ 2019 ന​വം​ബ​ർ എ​ട്ടി​നു പ​രാ​തി ന​ൽ​കി​യി​രു​ന്നു. കേ​സി​ൽ 2020 മാ​ർ​ച്ച് 12ന് ​സി​ബി​ഐ കൂ​ടു​ത​ൽ വി​ശ​ദാം​ശ​ങ്ങ​ൾ തേ​ടു​ക​യും ചെ​യ്തു.

28 ബാ​ങ്കു​ക​ളി​ൽ നി​ന്ന് വാ​യ്പ അ​നു​വ​ദി​ച്ച​തി​നു പു​റ​മേ എ​സ്ബി​ഐ​യു​ടെ ധ​ന​കാ​ര്യ സ്ഥാ​പ​ന​ങ്ങ​ളി​ൽനി​ന്ന് 2,468.51 കോ​ടി രൂ​പ​യും ന​ൽ​കി​യി​രു​ന്നു.

വാ​യ്പ അ​നു​വ​ദി​ച്ച ആ​വ​ശ്യ​ത്തി​ൽ​നി​ന്ന് തു​ക വ​ക​മാ​റ്റി ചെ​ല​വ​ഴി​ച്ചതായി ക​ണ്ടെ​ത്തി​യി​രു​ന്നു.

ബാ​ങ്കു​ക​ളു​മാ​യുള്ള വി​ശ്വാ​സ്യ​ത ലം​ഘി​ക്കു​ക​യും നി​യ​മ​വി​രു​ദ്ധ​മാ​യി പ്ര​വ​ർ​ത്തി​ക്കു​ക​യും ചെ​യ്തു എന്നാണ് സി​ബി​ഐ ചൂണ്ടിക്കാട്ടുന്നത്.

എ​ബി​ജി ഷി​പ്‌യാ​ർ​ഡ്

ഇ​ന്ത്യ​യി​ലെ ഏ​റ്റ​വും വ​ലി​യ സ്വ​കാ​ര്യ ക​പ്പ​ൽ നി​ർ​മാ​താ​ക്ക​ളാ​ണ് എ​ബി​ജി ഷിപ്‌യാ​ർ​ഡ്.

എ​ബി​ജി ഷിപ്‌യാ​ർ​ഡ് ലി​മി​റ്റ​ഡ് 16 വ​ർ​ഷ​ത്തിനിടെ 165 ക​പ്പ​ലു​ക​ൾ നി​ർ​മി​ച്ചി​ട്ടു​ണ്ട്. ഇ​തി​ൽ 46 എ​ണ്ണം വി​ദേ​ശരാ​ജ്യ​ങ്ങ​ൾ​ക്കാ​യാ​ണ്.

രാ​ജ്യ​ത്തി​ന​ക​ത്തും പു​റ​ത്തു​മു​ള്ള ക​ന്പ​നി​ക​ൾ​ക്കാ​യി ഇ​വ​ർ ന്യൂ​സ്പ്രി​ന്‍റ് കാ​രി​യേ​ഴ്സ്, സെ​ൽ​ഫ് ഡി​സ്ചാ​ർ​ജിം​ഗ് ആ​ൻ​ഡ് ലോ​ഡിം​ഗ് സി​മ​ന്‍റ് കാ​രി​യ​റു​ക​ൾ,

ഫ്ളോ​ട്ടിം​ഗ് ക്രെ​യി​നു​ക​ൾ, ഇ​ന്‍റ​ർ​സെ​പ്റ്റ​ർ ബോ​ട്ടു​ക​ൾ, ഡൈ​നാ​മി​ക് പൊ​സി​ഷ​നിം​ഗ് ഡൈ​വിം​ഗ് സ​പ്പോ​ർ​ട്ട് വെ​സ​ലു​ക​ൾ, പു​ഷ​ർ ട​ഗ്സ് എ​ന്നി​വ നി​ർ​മി​ച്ചു ന​ൽ​കി​യി​രു​ന്നു.

2011ൽ ​നാവികസേനയ്ക്കുവേ​ണ്ടി ക​പ്പ​ലു​ക​ൾ നി​ർ​മി​ക്കു​ന്ന​തി​നു​ള്ള ക​രാ​ർ നേ​ടി​യി​രു​ന്നുവെ​ങ്കി​ലും സാ​ന്പ​ത്തി​ക പ്ര​തി​സ​ന്ധി മൂ​ലം പി​ന്നീ​ട് റ​ദ്ദാ​ക്കി.

സൂ​റ​റ്റി​ലെ ഷി​പ്പ്‌​യാ​ർ​ഡി​ൽ 18,000 കേ​വുഭാ​ര​മു​ള്ള യാ​ന​ങ്ങ​ളും ദ​ഹേ​ജി​ലെ യാ​ർ​ഡി​ൽ 1,20,000 കേ​വു​ഭാ​ര​മു​ള്ള യാ​ന​ങ്ങ​ളും നി​ർ​മി​ക്കാ​നു​ള്ള ശേ​ഷി​യു​ണ്ടാ​യി​രു​ന്നു.

‌സെ​ബി മാ​ത്യു