തിരുവനന്തപുരം: ശബ്ദമുണ്ടാക്കി മൊബൈൽ ഫോണിൽ വീഡിയോ കാണുന്നതിനു കെഎസ്ആർടിസി ബസുകളിൽ നിരോധനം.
കെഎസ്ആർടിസി ബസുകളിൽ മൊബൈൽ ഫോണ്, മറ്റ് ഇലക്ട്രോണിക് ഉപകരങ്ങൾ എന്നിവയുടെ ശബ്ദം വച്ചുകൊണ്ടുള്ള ഉപയോഗം നിരോധിച്ചുകൊണ്ടാണ് ഉത്തരവിറക്കിയത്.
ഇതു സംബന്ധിച്ച് നിരവധി പരാതികൾ ഉയർന്ന സാഹചര്യത്തിലാണ് നടപടി.
യാത്രാക്കാർ അമിതശബ്ദത്തിൽ മൊബൈൽ ഫോണിൽ സംസാരിക്കുന്നതും സഭ്യമല്ലാതെ സംസാരിക്കുന്നതും അമിതശബ്ദത്തിൽ വീഡിയോ, ഗാനങ്ങൾ ശ്രവിക്കുന്നതും സഹയാത്രക്കാർക്ക് ബുദ്ധിമുട്ടാകുന്നുവെന്ന നിരവധി പരാതികളാണ് ഉയർന്നത്.
ഈ സാഹചര്യത്തിലാണ് കെഎസ്ആർടിസി ഇത്തരത്തിലുള്ള ഉപയോഗങ്ങൾക്ക് നിരോധനം ഏർപ്പെടുത്തിയത്.
