വെ​ള്ളി​ക്ക​ട​ക​ളു​ടെ പൂ​ട്ടു​ പൊ​ളി​ക്കു​ന്ന​ത് ത​ങ്ക​ച്ച​ന് ഒരു ത്രി​ല്ലാ..! ച​ങ്ങ​നാ​ശേ​രി​യി​ൽനി​ന്ന് മോ​ഷ്‌‌ടിച്ച ര​ണ്ടു​കി​ലോ വെ​ള്ളി ആ​ഭ​ര​ണ​ങ്ങ​ൾ ക​ണ്ടെ​ടു​ത്തത്‌ ക​ണ്ണൂ​രി​ൽനി​ന്ന്

ച​ങ്ങ​നാ​ശേ​രി: ച​ങ്ങ​നാ​ശേ​രി​യി​ൽ നി​ന്നും മോ​ഷ​ണം​പോ​യ വെ​ള്ളി ആ​ഭ​ര​ണ​ങ്ങ​ൾ ക​ണ്ണൂ​രി​ലു​ള്ള വെ​ള്ളി​ക്ക​ട​യി​ൽ നി​ന്നും ക​ണ്ടെ​ടു​ത്തു.

ര​ണ്ടു​കി​ലോ വെ​ള്ളി ആ​ഭ​ര​ണ​ങ്ങ​ളാ​ണ് ച​ങ്ങ​നാ​ശേ​രി പോ​ലീ​സ് ക​സ്റ്റ​ഡി​യി​ൽ എ​ടു​ത്ത​ത്.

മാ​ർ​ക്ക​റ്റ് റോ​ഡി​ലു​ള്ള ആ​ലു​ക്ക​ൽ, ഐ​ശ്വ​ര്യ ജൂ​വ​ല​റി​ക​ളി​ൽ നി​ന്നും ര​ണ്ടു​ല​ക്ഷ​ത്തോ​ളം രൂ​പ​യു​ടെ വെ​ള്ളി ആ​ഭ​ര​ണ​ങ്ങ​ളാ​ണ് ക​ഴി​ഞ്ഞ ഓ​ഗ​സ്റ്റ് മൂ​ന്നി​നു മോ​ഷ​ണം പോ​യ​ത്.

മോ​ഷ​ണ കേ​സി​ൽ റി​മാ​ൻ​ഡി​ലാ​യ ക​ണ്ണൂ​ർ ആ​ല​ക്കോ​ട് നെ​ല്ലി​ക്കു​ന്ന് തെ​ക്കേ​മു​റി​യി​ൽ ത​ങ്ക​ച്ച​ൻ(54), ഇ​യാ​ൾ സ്വ​ർ​ണം കൈ​മാ​റി​യ ക​ണ്ണൂ​ർ സ്വ​ദേ​ശി സുരേഷ്(42)​എ​ന്നി​വ​രെ ക​സ്റ്റ​ഡി​യി​ൽ വാ​ങ്ങി ക​ണ്ണൂ​രി​ൽ എ​ത്തി​ച്ചാ​ണ് മോ​ഷ​ണ​മു​ത​ൽ പോ​ലീ​സ് ക​ണ്ടെ​ടു​ത്ത​ത്.

തി​രി​കെ എ​ത്തി​ച്ച പ്ര​തി​ക​ളെ വീ​ണ്ടും ജ​യി​ലി​ലേ​ക്കു മാ​റ്റി. വെ​ള്ളി​ക്ക​ട​ക​ളു​ടെ പൂ​ട്ടു​ പൊ​ളി​ക്കു​ന്ന​ത് പ്ര​തി ത​ങ്ക​ച്ച​ന് ത്രി​ല്ലാ​ണെ​ന്നാ​ണ് പോ​ലീ​സ് പ​റ​യു​ന്ന​ത്.

ക​ണ്ണൂ​രി​ൽ നി​ന്നും ട്രെ​യി​ൻ മാ​ർ​ഗ​മോ ബ​സി​ലോ കോ​ട്ട​യ​ത്തോ ച​ങ്ങ​നാ​ശേ​രി​യി​ലോ ഇ​റ​ങ്ങു​ന്ന ത​ങ്ക​ച്ച​ൻ മോ​ഷ്ടി​ക്കാ​ൻ പ​റ്റു​ന്ന വ്യാ​പാ​ര സ്ഥാ​പ​ന​ങ്ങ​ൾ പ​ക​ൽ ക​ണ്ടു​വ​യ്ക്കും.

രാ​ത്രി ഒ​ന്നി​നും പു​ല​ർ​ച്ചെ മൂ​ന്നി​നും ഇ​ട​യി​ൽ മോ​ഷ്ടി​ച്ച് ട്രെ​യി​നി​ലോ കെഎ​സ്ആ​ർ​ടി​സി ബ​സി​ലോ ക​യ​റി കോ​ഴി​ക്കോ​ട്ടേ​ക്കോ ക​ണ്ണൂ​രി​ലേ​ക്കോ ര​ക്ഷ​പ്പെ​ടു​ക​യാ​ണ് പ​തി​​വ്.

ച​ങ്ങ​നാ​ശേ​രി​യി​ലെ ജൂ​വ​ല​റി​ക​ളി​ൽ നി​ന്നും മോ​ഷ്ടി​ച്ച വെ​ള്ളി ആ​ഭ​ര​ണ​ങ്ങ​ൾ ത​ങ്ക​ച്ച​ൻ ക​ണ്ണൂ​രു​ള്ള ജൂ​വ​ല​റി​യി​ലാ​ണ് വി​റ്റ​ത്. ഈ ​ആ​ഭ​ര​ണ​ങ്ങ​ളാ​ണ് പോ​ലീ​സ് ക​ണ്ടെ​ടു​ത്ത​ത്.

ഇ​ക്ക​ഴി​ഞ്ഞ ജ​നു​വ​രി ഒ​ന്നി​ന് തി​രു​വ​ല്ല പോ​ലീ​സ് സ്റ്റേ​ഷ​ൻ റോ​ഡി​ലു​ള്ള ഒ​രു ജൂ​വ​ല​റി​യി​ൽ നി​ന്നും അ​ര​ക്കി​ലോ​യോ​ളം വെ​ള്ളി ആ​ഭ​ര​ണ​ങ്ങ​ളും ഇ​യാ​ൾ മോ​ഷ്ടി​ച്ചി​രു​ന്നു.

പെ​രു​ന്ന ബ​സ് സ്റ്റാ​ൻ​ഡി​നു സ​മീ​പ​ത്തു​ള്ള നി​യോ മെ​ഡി​ക്ക​ൽ സ്റ്റോ​റി​ന്‍റെ പൂ​ട്ടു​പൊ​ളി​ച്ച് 15,500 രൂ​പ ക​വ​ർ​ച്ച ചെ​യ്ത​ത​ട​ക്കം മു​പ്പ​തോ​ളം കേ​സു​ക​ൾ പ്ര​തി​യു​ടെ പേ​രി​ലു​ള്ള​താ​യാ​ണ് പോ​ലീ​സ് പ​റ​യു​ന്ന​ത്.