നെടുമ്പാശേരി: വിദേശ രാജ്യങ്ങളിൽനിന്ന് എത്തുന്നവർ പൂരിപ്പിച്ച് നൽകേണ്ട ഡിസ് എംബാർക്കേഷൻ കാർഡ് പൂരിപ്പിച്ചു നൽകാൻ വിസമ്മതിച്ച് ബഹളമുണ്ടാക്കിയ അമേരിക്കൻ മലയാളിയെ കൊച്ചി അന്താരാഷ്ട്ര വിമാനതാവളത്തിലെ ഇമിഗ്രേഷൻ വിഭാഗം തിരിച്ചയച്ചു.
ഖത്തർ എയർവേയ്സ് വിമാനത്തിൽ എത്തിയ ബെന്നി ജോസഫിനെയാണ് അധികൃതർ മടക്കി അയച്ചത്.
അമിതമായി മദ്യപിച്ചിരുന്ന ഇയാൾ സഹയാത്രികരെയും ഇമിഗ്രേഷൻ ഉദ്യോഗസ്ഥരെയും മറ്റും ചീത്ത വിളിച്ചതായി അധികൃതർ പറഞ്ഞു.
ഇയാളെ മടക്കി കൊണ്ടുപോകണമെന്ന് ഖത്തർ എയർവേയ്സ് വിമാനത്തിന്‍റെ പൈലറ്റിനോട് ഇമിഗ്രേഷൻ വിഭാഗം ആവശ്യപ്പെട്ടു.
എന്നാൽ അമിതമായി മദ്യപിച്ചിരുന്നതിനാൽ പൈലറ്റ് ബുധനാഴ്ച തന്നെ തിരിച്ചുകോണ്ടുപോകുന്നതിന് വിസമ്മതിച്ചു.
തുടർന്ന് ഇയാളെ ഇന്നലത്തെ വിമാനത്തിൽ കൊണ്ടുപോകുകയാണ് ചെയ്തത്.
