അമ്പലപ്പുഴ: ഉത്സവപ്പറമ്പിൽ സംഘർഷം.യുവാക്കളുടെ കല്ലേറിൽ സിഐയുടെ തലയ്ക്ക് പരിക്കേറ്റു. പുന്നപ്ര സിഐ മുഹമ്മദ് ലൈസാദിനാണ് പരിക്കേറ്റത്.
പുന്നപ്ര അറവുകാട് ശ്രീദേവി ക്ഷേത്രത്തിൽ ഞായറാഴ്ച രാത്രി 11 ഓടെയായിരുന്നു സംഭവം.
ഉത്സവപ്പറമ്പിൽ നടന്ന സംഘർഷം നിയന്ത്രിക്കാനെത്തിയ സിഐക്ക് നേരെ യുവാക്കൾ കല്ലെറിയുകയായിരുന്നു.
തലയ്ക്ക് സാരമായി പരിക്കേറ്റ സിഐയെ പിന്നീട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
സംഭവവുമായി ബന്ധപ്പെട്ട് മൂന്നു യുവാക്കളെ അറസ്റ്റ് ചെയ്തു.
