മലയാളികള്‍ക്ക് സുപരിചിതയാണ് താരമാണ് ഗായത്രി സുരേഷ്. സിനിമകളേക്കാളുപരി ഗായത്രിയുടെ പ്രസ്താവനകളാണ് താരത്തെ മലയാളികളുടെ പ്രിയങ്കരിയാക്കിയത്.
ഗായത്രിയുടെ പുതിയ ചിത്രമായ എസ്‌കേപ്പ് കഴിഞ്ഞദിവസമാണ് തിയേറ്ററുകളില്‍ പ്രദര്‍ശനത്തിനെത്തിയത്.
രാജമൗലിയുടെ പാന്‍ ഇന്ത്യന്‍ ബ്രഹ്മാണ്ഡ ചിത്രമായ ആര്‍ആര്‍ആര്‍നൊപ്പമാണ് ചിത്രം തിയേറ്ററുകളിലെത്തിയത്.
ആദ്യദിവസം തന്നെ പ്രേക്ഷകര്‍ക്കൊപ്പം ഇരുന്ന് ചിത്രം കാണാന്‍ ഗായത്രി സുരേഷ് തീയേറ്ററില്‍ എത്തിയിരുന്നു.
കൊച്ചിയിലെ തിയേറ്ററിലെത്തിയ ഗായത്രി കൗണ്ടറില്‍ പ്രത്യക്ഷപ്പെട്ടതും, വാദ്യമേളങ്ങള്‍ക്കൊപ്പം താളം പിടിച്ചു നില്‍ക്കുന്ന കാഴ്ചകളും പ്രേക്ഷകരില്‍ കൗതുകം ഉണര്‍ത്തുന്നതായിരുന്നു.
നവാഗതനായ സര്‍ഷിക്ക് റോഷന്‍ സംവിധാനം ചെയ്യുന്ന സൈക്കോ ത്രില്ലര്‍ ചിത്രം ‘എസ്‌കേപ്പ്’ കണ്ടശേഷം സൂപ്പര്‍ എന്നാണ് ഗായത്രി അഭിപ്രായം രേഖപ്പെടുത്തിയത്.
സ്ത്രീ പ്രാധാന്യമുള്ള ചിത്രത്തില്‍ ഗായത്രി സുരേഷും ശ്രീവിദ്യ മുല്ലചേരിയും ആണ് പ്രധാന കഥാപാത്രങ്ങളായി എത്തുന്നത്.
എസ്ആര്‍ബിഗ്‌സ്‌ക്രീന്‍ എന്റര്‍ടൈന്‍മെന്റ് നിര്‍മിച്ചിരിക്കുന്ന ചിത്രത്തില്‍ തിരക്കഥയും നിര്‍വഹിച്ചിരിക്കുന്നത് സര്‍ഷിക്ക് റോഷനാണ്.
