കൊച്ചി: നടിയെ ആക്രമിച്ച കേസില്‍ നടന്‍ ദിലീപിന്‍റെ സഹോദരന്‍ അനൂപിനെയും സഹോദരി ഭര്‍ത്താവ് സുരാജിനെയും അന്വേഷണസംഘം ഉടന്‍ ചോദ്യം ചെയ്യും. ചോദ്യം ചെയ്യലിന് ഹാജരാകാന്‍ ഇവര്‍ക്ക് ഇന്ന് തന്നെ നോട്ടീസ് നല്‍കുമെന്നാണ് സൂചന.
ക്രൈംബ്രാഞ്ച് എസ്പി സോജന്‍, ഡിവൈഎസ്പി ബൈജു പൗലോസ്, എഡിജിപി എസ്. ശ്രീജിത്ത് എന്നിവരുടെ നേതൃത്വത്തിലാകും ചോദ്യം ചെയ്യല്‍.
ചോദ്യം ചെയ്യാന്‍ ഹാജരാകണമെന്ന് ഇവരോട് നേരത്തെ ആവശ്യപ്പെട്ടിരുന്നുവെങ്കിലും ഇവര്‍ അസൗകര്യം അറിയിച്ചു. ഇതേതുടര്‍ന്നാണ് ചോദ്യം ചെയ്യല്‍ നീണ്ടുപോയത്.
