പൂരം പൊടിപൂരം… പൂ​ര​പ്പ​റ​മ്പ് ജ​ന​സമുദ്രമായി… പൂ​ര​ത്തി​ര​ക്കി​ൽ​പ്പെ​ട്ട് പ​ല​ർ​ക്കും പ​രി​ക്ക്; ആ​രോ​ഗ്യ വ​കു​പ്പി​ന്‍റെ ​കൗ​ണ്ട​റി​ൽ ചി​കി​ത്സ​തേ​ടിയത് നൂറിലേറെപ്പേർ

തൃ​ശൂ​ർ: ര​ണ്ടു​വ​ർ​ഷ​ത്തെ ഇ​ട​വേ​ള​യ്ക്കുശേ​ഷ​മെ​ത്തി​യ തൃ​ശൂ​ർ പൂ​രത്തെ ആവേശത്തോടെ വരവേറ്റപ്പോള്‌ പൂ​ര​പ്പ​റ​ന്പ് ജ​ന​സമുദ്രമായി.

മു​ൻ​പൊന്നും ക​ണ്ടി​ട്ടി​ട്ടി​ല്ലാ​ത്ത​ത്ര അ​ധി​കം ജ​ന​ങ്ങളാണ് പൂര​പ്പ​റ​ന്പി​ലേ​ക്ക് ഒ​ഴു​കി​യെ​ത്തി​യ​ത്. പ​തി​വി​നു വി​പ​രീ​ത​മാ​യി സ്ത്രീ​ക​ളു​ടെ​യും കു​ട്ടി​ക​ളു​ടെ​യും സാ​ന്നി​ധ്യം ഇ​ത്ത​വ​ണ കൂ​ടു​ത​ലാ​യി​രു​ന്നു.

ചെ​റി​യ കു​ഞ്ഞു​ങ്ങ​ളെ​യും തോ​ള​ത്തെ​ടു​ത്തു പൂ​രം കാ​ണാ​ൻ അ​മ്മ​മാ​രു​ടെ തി​ര​ക്ക് എ​വി​ടെ​യും കാ​ണാ​ൻ ക​ഴി​ഞ്ഞു.
‌
പൂ​ര​ത്തി​നു തി​ക്കി​ലും തി​ര​ക്കി​ലും​പെ​ട്ട് ഏതാനും പേർക്കു പ​രി​ക്കേ​റ്റു. ഒ​ട്ടേ​റെ​പ്പേ​ർ​ ദേ​ഹാ​സ്വാ​സ്ഥ്യ​മ​നു​ഭ​വ​പ്പെ​ട്ട് ആ​ശു​പ​ത്രി​ക​ളി​ൽ ചികി ത്സയിലാണ്.

ഒ​ട്ടേ​റെ​പ്പേ​ർ തേ​ക്കി​ൻ​കാ​ട് മൈ​താ​നി​യി​ൽ സ​ജ്ജ​മാ​ക്കി​യ ആ​രോ​ഗ്യ​വ​കു​പ്പി​ന്‍റെ വി​വി​ധ കൗ​ണ്ട​റു​ക​ളി​ൽ ചി​കി​ത്സ തേ​ടി​യെ​ത്തി. തി​ര​ക്കി​ൽ​പ്പെ​ട്ട് കൈ​കാ​ലു​ക​ൾ ഒ​ടി​ഞ്ഞ​വ​രും കൂ​ട്ട​ത്തി​ലു​ണ്ട്.

തേ​ക്കി​ൻ​കാ​ട് മൈ​താ​നി​യി​ലെ ക​ണ്‍​ട്രോ​ൾ റൂ​മി​നോ​ടു ചേ​ർ​ന്ന ആ​രോ​ഗ്യ വ​കു​പ്പി​ന്‍റെ മു​ഖ്യ​കൗ​ണ്ട​റി​ൽ രാ​ത്രി എ​ട്ടോ​ടെ ത​ന്നെ ചി​കി​ത്സ​തേ​ടി നൂ​റോ​ളം പേ​രെ​ത്തി.

ആ​ളു​ക​ളു​ടെ തി​ര​ക്കി​ൽ പോ​ലീ​സ് ബാ​രി​ക്കേ​ഡു​ക​ൾ ത​ക​ർ​ന്നും മ​റ്റും വീ​ണ​വ​രു​ടെ കാ​ലു​ക​ളാ​ണു പൊ​ട്ടി​യ​ത്.

ഇ​തോ​ടൊ​പ്പം നെ​ഞ്ചു​വേ​ദ​ന​യെതു​ട​ർ​ന്ന് ചി​കി​ത്സ തേ​ടി​യ എ​ആ​ർ ക്യാ​ന്പി​ലെ എ​സ്ഐ​യെ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

തി​ര​ക്കു നി​യ​ന്ത്രി​ക്കാ​ൻ ശ്ര​മി​ക്കു​ന്ന​തി​നി​ടെ പോ​ലീ​സു​കാ​ർ​ക്കും നേ​രി​യ തോ​തി​ൽ പ​രി​ക്കേ​റ്റി​ട്ടു​ണ്ട്.