അ​ന്ത​ർ​സം​സ്ഥാ​ന മ​യ​ക്കു​മ​രു​ന്ന് സം​ഘ​ത്തി​ലെ പ്രധാനകണ്ണിയായ യു​വ ക്രി​ക്ക​റ്റ് താ​രം അ​റ​സ്റ്റി​ൽ; ഞെട്ടലിൽ  കായികലോകം

സ്വ​ന്തം ലേ​ഖ​ക​ൻ
ത​ല​ശേ​രി:‌ അ​ന്ത​ർ സം​സ്ഥാ​ന മ​യ​ക്കു​മ​രു​ന്ന് സം​ഘ​ത്തി​ലെ പ്ര​ധാ​ന ക​ണ്ണി​യാ​യ യു​വ ക്രി​ക്ക​റ്റ് താ​രം അ​റ​സ്റ്റി​ൽ.
ത​ല​ശേ​രി ചേ​റ്റം​കു​ന്ന് ത​യ്യി​ബാ​സി​ൽ മു​ഹ​മ്മ​ദ് ജാ​സി​മി​നെ(27)യാ​ണ് മ​ഹാ​രാ​ഷ​്ട്ര​യി​ൽ നി​ന്നെ​ത്തി​യ പോ​ലീ​സ് സം​ഘം ചേ​റ്റം​കു​ന്നി​ലെ വീ​ട് വ​ള​ഞ്ഞ് അ​റ​സ്റ്റ് ചെ​യ്ത​ത്.

മ​ഹാ​രാ​ഷ്‌​ട്ര, ഡ​ൽ​ഹി, ക​ർ​ണാ​ട​കം, കേ​ര​ളം, ഗോ​വ എ​ന്നീ സം​സ്ഥാ​ന​ങ്ങ​ളി​ൽ വേ​രു​ക​ളു​ള്ള വ​ൻ മ​യ​ക്കു മ​രു​ന്ന് റാ​ക്ക​റ്റി​ലെ പ്ര​ധാ​ന ക​ണ്ണി​യാ​ണ് ജാ​സി​മെ​ന്ന് പോ​ലീ​സ് പ​റ​ഞ്ഞു.

അഞ്ചു യുവതികൾ
മ​ല​യാ​ളി​ക​ളാ​യ ര​ണ്ട് യു​വ​തി​ക​ൾ ഉ​ൾ​പ്പെ​ടെ അ​ഞ്ച് യു​വ​തി​ക​ളും ഈ ​റാ​ക്ക​റ്റി​ലെ ക​ണ്ണി​ക​ളാ​ണെ​ന്നും ഇ​വ​രെ തി​രി​ച്ച​റി​ഞ്ഞ​താ​യും മ​ഹാ​രാ​ഷ്‌​ട്ര പോ​ലീ​സ് സൂ​ച​ന ന​ൽ​കി. ഇ​വ​രി​ൽ ര​ണ്ട് പേ​ർ ഡാ​ൻ​സ് ബാ​ർ ന​ർ​ത്ത​കി​ക​ളാ​ണെ​ന്നും വി​വ​ര​മു​ണ്ട്.

ഡ​ൽ​ഹി​യി​ലും ര​ത്ന​ഗി​രി​യി​ലും ന​ട​ന്ന റെ​യ്ഡി​ൽ ര​ണ്ടു​പേ​രെ അ​റ​സ്റ്റ് ചെ​യ്ത​തി​നു പി​ന്നാ​ലെ​യാ​ണ് ര​ത്ന​ഗി​രി പോ​ലീ​സ് ത​ല​ശേ​രി​യി​ലെ​ത്തി​യ​ത്.

ജി​ല്ലാ ക്രി​ക്ക​റ്റ് ടീ​മി​ലും സം​സ്ഥാ​ന​ത​ല മ​ത്സ​ര​ങ്ങ​ളി​ലും ഉ​ൾ​പ്പെ​ടെ പ​ങ്കെ​ടു​ത്തി​ട്ടു​ള്ള യു​വ ക്രി​ക്ക​റ്റ് താ​ര​ത്തെ അ​റ​സ്റ്റ് ചെ​യ്ത വി​വ​ര​മ​റി​ഞ്ഞ് ത​ല​ശേ​രി​യി​ലെ കാ​യി​ക ലോ​കം ഞെ​ട്ട​ലി​ലാ​ണു​ള്ള​ത്.

ജാ​സി​മി​നെ അ​റ​സ്റ്റ് ചെ​യ്ത് ത​ല​ശേ​രി ടൗ​ൺ സ്റ്റേ​ഷ​നി​ൽ എ​ത്തി​ച്ച​യു​ട​ൻ സ്റ്റേ​ഷ​നി​ലെ​ത്തി​യ ഡ​ൽ​ഹി സ്വ​ദേ​ശി​നി​യാ​യ യു​വ​തി പോ​ലീ​സ് സ്റ്റേ​ഷ​നി​ൽ നാ​ട​കീ​യ രം​ഗ​ങ്ങ​ൾ സൃ​ഷ്ടി​ച്ചു.

മ​ഹാ​രാ​ഷ്‌​ട്ര ര​ത്ന​ഗി​രി പോ​ലീ​സ് സ്റ്റേ​ഷ​നി​ലെ എ​സ്ഐ ആ​കാ​ശി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘ​മാ​ണ് ജാ​സി​മി​നെ അ​റ​സ്റ്റ് ചെ​യ്ത​ത്.

വാ​റ​ണ്ടി​ല്ലാ​തെ​യാ​ണ് ജാ​സി​മി​നെ ര​ത്ന​ഗി​രി പോ​ലീ​സ് പി​ടി​കൂ​ടി​യ​തെ​ന്നാ​യി​രു​ന്നു സ്റ്റേ​ഷ​നി​ലെ​ത്തി​യ ഡ​ൽ​ഹി സ്വ​ദേ​ശി​നി​യു​ടെ ആ​രോ​പ​ണം.

ഇ​തേ ആ​രോ​പ​ണ​മു​ന്ന​യി​ച്ച് ചി​ല കാ​യി​ക പ്രേ​മി​ക​ളും സ്റ്റേ​ഷ​നി​ലെ​ത്തി​യി​രു​ന്നു.​എ​ന്നാ​ൽ, മു​ഹ​മ്മ​ദ് ജാ​സിം പ്ര​തി​യാ​ണെ​ന്ന രേ​ഖ​ക​ൾ മ​ഹാ​രാ​ഷ്ട്ര പോ​ലീ​സ് കാ​ണി​ച്ച​തോ​ടെ എ​ല്ലാ​വ​രും പി​ന്മാ​റു​ക​യാ​യി​രു​ന്നു.

യാത്രകൾക്കു പിന്നിൽ
എം​ഡി​എം​എ പി​ടി​കൂ​ടി​യ കേ​സി​ലാ​ണ് ജാ​സിം അ​റ​സ്റ്റി​ലാ​യ​തെ​ന്ന് മ​ഹാ​രാ​ഷ്‌​ട്ര പോ​ലീ​സ് വ്യ​ക്ത​മാ​ക്കി. ജാ​സി​മി​നെ ത​ല​ശേ​രി ജു​ഡീ​ഷ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ് മു​മ്പാ​കെ ഹാ​ജ​രാ​ക്കി​യ ശേ​ഷം ട്രാ​ൻ​സി​സ്റ്റ് വാ​റ​ണ്ട് പ്ര​കാ​രം ടെ​യി​ൻ​മാ​ർ​ഗം ര​ത്ന​ഗി​രി​യി​ലേ​ക്ക് കൊ​ണ്ടു പോ​കു​ക​യാ​യി​രു​ന്നു.

ഏ​താ​നും നാ​ളു​ക​ളാ​യി ക്രി​ക്ക​റ്റ് മ​ത്സ​ര​ങ്ങ​ളി​ൽ ജാ​സിം പ​ങ്കെ​ടു​ത്തി​രു​ന്നി​ല്ലെ​ന്നും കൂ​ടു​ത​ൽ സ​മ​യ​വും അ​ന്ത​ർ സം​സ്ഥാ​ന യാ​ത്ര​ക​ളി​ലാ​യി​രു​ന്നുവെ​ന്നും മു​ൻ കാ​ല​ത്ത് ജാ​സി​മി​ന്‍റെ കൂ​ടെ ക്രി​ക്ക​റ്റ് ക​ളി​ച്ചി​രു​ന്ന യു​വാ​വ് രാ​ഷ്‌​ട്ര​ദീ​പി​ക​യോ​ട് പ​റ​ഞ്ഞു. ഒ​രു മാ​സം മു​മ്പാ​ണ് ജാ​സിം വി​വാ​ഹി​ത​നാ​യ​തെ​ന്ന് പ്രദേ​ശ​വാ​സി​ക​ൾ പ​റ​ഞ്ഞു.