വിതുര: മദ്യലഹരിയിൽ പോലീസ് സ്റ്റേഷനിൽ അതിക്രമം കാണിച്ച് പോലീസ് ഉദ്യോഗസ്ഥനെ ആക്രമിച്ച പ്രതികൾ അറസ്റ്റിൽ.
ഡ്യൂട്ടിയിലുണ്ടായിരുന്ന പോലീസ് ഉദ്യോഗസ്ഥനെ ആക്രമിക്കുകയും സ്റ്റേഷനിലെ കംപ്യൂട്ടറുകളും ഫോണുകളും നശിപ്പിക്കുകയും ചെയ്ത വിതുര മുളയ്ക്കോട്ടുകര ജസീം (26), മുളയ്ക്കോട്ടുകര പ്ലാമൂട് കട്ടക്കാൽ ശരത് കുമാർ (25), മുളയ്ക്കോട്ടുകര അംബിക ഭവൻ തടത്തരികത്തു അശ്വിൻ മോഹൻ (28), മുളയ്ക്കോട്ടുകര അശ്വതി ഭവനിൽ അരുൺകുമാർ (27), തൊളിക്കോട് മരുതുംമൂട് കട്ടക്കാൽ ഷമീന മൻസിലിൽ മുഹമ്മദ് (32)എന്നിവരെയാണ് വിതുര പോലീസ് അറസ്റ്റ് ചെയ്തത്.
കോടിയത്തറ സ്വദേശിയായ യുവാവിനെ ആക്രമിച്ച കേസിൽ പ്രതികളെ സ്റ്റേഷനിലേക്ക് വിളിപ്പിച്ചിരുന്നു.
സ്റ്റേഷനിൽ മദ്യലഹരിയിൽ എത്തിയ പ്രതികൾ യുവാവിനെ കൈയേറ്റം ചെയ്യാൻ ശ്രമിക്കുന്നതിനിടെ പോലീസ് ഉദ്യോഗസ്ഥനെ ആക്രമിക്കുകയായിരുന്നു.
