വെള്ളറട : പ്രായപൂര്‍ത്തിയാകാത്ത പെണ്‍കുട്ടിയെ വിവാഹ വാഗ്ദാനം നല്‍കി ലൈംഗിക പീഡനം നടത്തിയ ശേഷം വിദേശത്തു പോയി വര്‍ഷങ്ങള്‍ക്കു ശേഷം മടങ്ങിയെത്തിയ പ്രതി പിടിയിൽ.
കുലശേഖരം ചക്ര പാണി മണിയന്‍കുഴി ആമ്പാടി ചാനല്‍ക്കര വീട്ടില്‍ പ്രകാശ് ( 27)ആണ് പിടിയിലായത്.വെള്ളറട പോലീസ് കേസ് എടുത്തെന്ന വിവരം അറിഞ്ഞു തിരുപ്പൂര്‍, തേനി തുടങ്ങിയ സ്ഥലങ്ങളില്‍ ഒളിച്ചു പാര്‍ക്കുന്നതിനിടെയാണ് പ്രതിയെ അറസ്റ്റ് ചെയ്തത്.
വിദേശത്തു നിന്നു മടങ്ങിയെത്തിയ ഇയാൾ രഹസ്യമായി പകര്‍ത്തിയ പഴയ ഫോട്ടോകളും വീഡിയോകളും പെണ്‍കുട്ടിക്ക് അയച്ചു കൊടുത്ത് ഭീഷണിപ്പെടുത്തിയെന്നു പോലീസ് പറഞ്ഞു.
വെള്ളറട സര്‍ക്കിള്‍ ഇന്‍സ്പെക്ടര്‍ മൃദുല്‍ കുമാറിന്‍റെ നേതൃത്വത്തില്‍ സീനിയര്‍ സിവില്‍ പോലിസ് ഓഫീസര്‍ ദീപു എസ്. കുമാര്‍, സിവില്‍ പോലിസ് ഓഫീസര്‍മാരായ പ്രഫുല്ല ചന്ദ്രന്‍, അനീഷ്, പ്രദീപ് എന്നിവരടങ്ങുന്ന സംഘമാണ് പ്രതിയെ പിടികൂടിയത്.
അറസ്റ്റിലായ പ്രതിയെ ഇന്നലെ കോടതിയില്‍ ഹാജരാക്കി റിമാന്‍ഡ് ചെയ്തു.
