ആ​ശു​പ​ത്രി​യി​ൽ മാ​ലപൊ​ട്ടി​ച്ചു ക​ട​ന്നയാളെ ഓ​ടി​ച്ചി​ട്ടു പി​ടി​കൂ​ടി വ​യോ​ധി​ക; മാല പൊട്ടിച്ച് കള്ളൻ ഓടിയത് മുകളിലത്തെ നിലയിലേക്ക് പിന്നാലെ വയോധികയും; തൃശൂർ മെഡിക്കൽ കോളജിൽ സംഭവിച്ചതിങ്ങനെ…

മു​ള​ങ്കു​ന്ന​ത്തു​കാ​വ്: ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ഭ​ർ​ത്താ​വി​നൊ​പ്പം ഡോ​ക്ട​റെ കാ​ണ​നെ​ത്തി​യ വ​യോ​ധി​ക​യു​ടെ മാ​ല പൊ​ട്ടി​ച്ച യു​വാ​വി​നെ വ​യോ​ധി​ക​യും ആ​ശു​പ​ത്രി​യി​ലു​ണ്ടാ​യി​രു​ന്ന​വ​രും ചേ​ർ​ന്ന് ഓ​ടി​ച്ചി​ട്ടു പി​ടി​കൂ​ടി പോ​ലീ​സി​ലേ​ൽ​പ്പി​ച്ചു.

ചേ​റ്റു​പു​ഴ പാ​ണ​ങ്ങാ​ട​ൻ വീ​ട്ടി​ൽ വി​വേ​ക് വി​മ​ൽ (42) ആ​ണ് മെ​ഡി​ക്ക​ൽ കോ​ള​ജ് പോ​ലീ​സി​ന്‍റെ പി​ടി​യി​ലാ​യ​ത്.മ​ല​പ്പു​റം കോ​ക്കൂ​ർ സ്വ​ദേ​ശി രാ​ധ (58)യു​ടെ മാ​ല​യാ​ണു വി​മ​ൽ പൊ​ട്ടി​ച്ച​ത്.

ഭ​ർ​ത്താ​വി​നെ പൾ​മണോളജി ഒപി​യി​ൽ കാ​ണി​ച്ച​ശേ​ഷം ലാ​ബി​ലേ​ക്കു കോ​ണി ക​യ​റി പോ​വു​ക​യാ​യി​രു​ന്ന രാ​ധ​യെ പി​ൻ​തു​ട​ർ​ന്നെ​ത്തി​യ പ്ര​തി ക​ഴു​ത്തി​ലെ മാ​ല വ​ലി​ച്ചു പൊ​ട്ടി​ക്കു​ക​യാ​യി​രു​ന്നു.

മാ​ല​യു​ടെ ഒ​രു ഭാ​ഗം സാ​രി​യി​ൽ സൂ​ചി കൊ​ണ്ട് കു​ത്തി വ​ച്ചി​രു​ന്ന​തി​നാ​ൽ എ​ളു​പ്പ​ത്തി​ൽ മാ​ല കൈ​ക്ക​ലാ​ക്കാ​ൻ പ​റ്റി​യി​ല്ല.

ഇ​തി​ന്‍റെ പ​രി​ഭ്ര​മത്തി​ൽ കോ​ണി ഇ​റ​ങ്ങി താ​ഴേ​യ്ക്ക് ഓ​ടു​ന്ന​തി​നു പ​ക​രം ഇ​യാ​ൾ മു​ക​ളി​ലേ​ക്കു ക​യ​റി ര​ക്ഷ​പ്പെ​ടാ​ൻ ശ്ര​മി​ക്കു​ക​യാ​യി​രു​ന്നു.

രാ​ധ പ്ര​തി​യു​ടെ പി​ന്നാ​ലെ ക​ള്ള​ൻ എ​ന്നു​വി​ളി​ച്ച് ഓ​ടി​യ​തോ​ടെ മു​ക​ൾ നി​ല​യി​ലെ ഒ​പി​യി​ൽ ഉ​ണ്ടാ​യി​രു​ന്ന​വ​ർ പ്ര​തി​യെ പി​ന്തു​ട​ർ​ന്നു പി​ടി​കൂ​ടു​ക​യാ​യി​രു​ന്നു.

ത​മി​ഴ​നാ​ട് സ്വ​ദേ​ശി​യാ​യ പ്ര​തി ചേ​റ്റു​പു​ഴ​യി​ൽ നി​ന്നു വി​വാ​ഹം ക​ഴി​ച്ച് 14 വ​ർ​ഷ​മാ​യി താ​മ​സി​ച്ചു വ​രി​ക​യാ​ണ്. ഇ​യാ​ൾ​ക്കെ​തി​രേ മ​റ്റുകേ​സു​ക​ൾ ഒ​ന്നും ക​ണ്ടെ​ത്തി​യി​ട്ടി​ല്ലെ​ന്നു പോ​ലീ​സ് പ​റ​ഞ്ഞു.