കെ.ജി.എഫ് താരം ബി.എസ്. അവിനാശ് സഞ്ചരിച്ചിരുന്ന കാര്‍ അപകടത്തില്‍പ്പെട്ടു.
അവിനാശ് സഞ്ചരിച്ച കാര്‍ കണ്ടെയ്‌നറുമായി കൂട്ടിയിടിക്കുകയായിരുന്നു. പരിക്കേല്‍ക്കാതെ അത്ഭുതകരമായി താന്‍ രക്ഷപ്പെട്ടുവെന്ന് താരം അറിയിച്ചു.
കെജിഎഫിലെ ആന്‍ഡ്രൂസ് എന്ന കഥാപാത്രത്തിലൂടെ ശ്രദ്ധേയനായ നടനാണ് അവിനാശ്.
ബുധനാഴ്ച രാവിലെ ആറുമണിയോടെയായിരുന്നു സംഭവം. ജിമ്മിലേക്ക് പോകുമ്പോള്‍ അനില്‍ കുംബ്ലെ സര്‍ക്കിളില്‍ വെച്ചാണ് അപകടം സംഭവിച്ചത്.
റെഡ് സിഗ്‌നല്‍ മറികടന്നു വന്ന കണ്ടെയ്‌നര്‍ വേഗത്തില്‍ വന്ന് തന്‍റെ കാറുമായി കൂട്ടിയിടിക്കുകയായിരുന്നു എന്ന് അദ്ദേഹം സമൂഹമാധ്യമത്തില്‍ കുറിച്ചു.
കാറിന് സാരമായ കേടുപാടുണ്ടായെങ്കിലും തനിക്ക് പരിക്കേറ്റില്ലെന്നും ദൈവത്തിന് നന്ദി പറയുന്നതായും അദ്ദേഹം കൂട്ടിചച്ചേര്‍ത്തു.
