ബാ​ഗി​ന​ക​ത്ത് എന്താണ്‌ ? ജീ​വ​ന​ക്കാ​രി​യു​ടെ ചോ​ദ്യം മാ​മ​നെ പ്ര​കോ​പി​പ്പി​ച്ചു; ഉത്തരം കേട്ട് കൊ​ച്ചി അ​ന്താ​രാ​ഷ്ട്ര വി​മാ​ന​ത്താ​വളം കിടുങ്ങി; ​മ​ധ്യ​വ​യസ്ക​ൻ പി​ടി​യി​ൽ

നെ​ടു​ന്പാ​ശേ​രി: കൊ​ച്ചി അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ സു​ര​ക്ഷാ​പ​രി​ശോ​ധ​ന​യ്ക്കി​ടെ ജീ​വ​ന​ക്കാ​രി​യു​ടെ ചോ​ദ്യം ഇ​ഷ്ട​പ്പെ​ടാ​തെ വ്യാ​ജ ബോം​ബ് ഭീ​ഷ​ണി മു​ഴ​ക്കി​യ മ​ധ്യ​വ​യ്സ്കൻ പോ​ലീ​സ് പി​ടി​യി​ൽ.

ഇ​ന്ന് പു​ല​ർ​ച്ചെ എ​മി​റേ​റ്റ്സ് വി​മാ​ന​ത്തി​ൽ ദു​ബൈ​യ് വ​ഴി ഓ​സ്ട്രേ​ലി​യ​യ്ക്ക് പോ​കാ​നെ​ത്തി​യ മാ​മ്മ​ൻ ജോ​സ​ഫ് (63) എ​ന്ന​യാ​ളാ​ണ് പി​ടി​യി​ലാ​യ​ത്. ഭാ​ര്യ​യും ഇ​ദ്ദേ​ഹ​ത്തോ​ടൊ​പ്പം ഉ​ണ്ടാ​യി​രു​ന്നു.

വി​മാ​ന​ത്താ​വ​ള​ത്തി​ലെ പ​രി​ശോ​ധ​ന​യ്ക്കി​ടെ ജീ​വ​ന​ക്കാ​രി​യു​ടെ ചോ​ദ്യ​മാ​ണ് മാ​മ​നെ പ്ര​കോ​പി​പ്പി​ച്ച​ത്.

സു​ര​ക്ഷാ​പ​രി​ശോ​ധ​ന​യ്ക്കി​ടെ ബാ​ഗി​ന​ക​ത്ത് എ​ന്തൊ​ക്കെ​യു​ണ്ടെ​ന്ന് ജീ​വ​ന​ക്കാ​രി ആ​വ​ർ​ത്തി​ച്ച് ചോ​ദി​ച്ച​ത് മാ​മ്മ​ൻ ജോ​സ​ഫി​ന് ഇ​ഷ്ട​മാ​യി​ല്ല.

തു​ട​ർ​ന്നാ​ണ് ബോം​ബ് ആ​ണെ​ന്ന് പ്ര​തി​ക​രി​ച്ച​ത്. ഇ​തോ​ടെ വി​മാ​ന ജീ​വ​ന​ക്കാ​രി സു​ര​ക്ഷാ​വി​ഭാ​ഗ​ത്തി​ന് സ​ന്ദേ​ശം ന​ൽ​കു​ക​യാ​യി​രു​ന്നു.

സി​ഐ​എ​സ്എ​ഫി​ന്‍റെ നേ​തൃ​ത്വ​ത്തി​ൽ ദ​ന്പ​തി​ക​ളു​ടെ ബാ​ഗേ​ജും ദേ​ഹ​പ​രി​ശോ​ധ​ന​യും ന​ട​ത്തി​യെ​ങ്കി​ലും ബോം​ബ് ക​ണ്ടെ​ത്താ​ൻ ക​ഴി​ഞ്ഞി​ല്ല.

ബാ​ഗി​ൽ ബോം​ബാ​ണെ​ന്ന് പ​റ​ഞ്ഞ് ഭീ​ഷ​ണി​യു​യ​ർ​ത്തി​യ​തി​തെ​ത്തു​ട​ർ​ന്ന് മാ​മ്മ​ൻ ജോ​സ​ഫി​നെ യാ​ത്ര ചെ​യ്യു​ന്ന​തി​ൽ നി​ന്നും വി​ല​ക്കി സി​ഐ​എ​സ്എ​ഫ് പോ​ലീ​സി​നു കൈ​മാ​റു​ക​യാ​യി​രു​ന്നു.

ഒ​ന്നേ​കാ​ൽ ല​ക്ഷം രൂ​പ മു​ട​ക്കി​യാ​ണ് ദ​ന്പ​തി​ക​ളാ​യ ഇ​രു​വ​രും ദു​ബാ​യി വ​ഴി ഓ​സ്ടേ​ലി​യി​ലേ​യ്ക്ക് പോ​കു​വാ​ൻ എ​ത്തി​യ​ത്.

താ​ൻ ത​മാ​ശ​യ്ക്കു പ​റ​ഞ്ഞ​ത് കാ​ര്യ​മാ​യ​തി​ന്‍റെ വി​ഷ​മ​ത്തി​ലാ​ണ് മാ​മ​ൻ. വി​ശ​ദ​മാ​യ അ​ന്വേ​ഷ​ണം ന​ട​ത്തു​ന്ന​തി​നാ​യി നെ​ടു​ന്പാ​ശേ​രി പോ​ലീ​സ് കേ​സെ​ടു​ത്ത് ന​ട​പ​ടി​ക​ൾ എ​ടു​ത്തു​വ​രു​ന്നു.