കൊച്ചി: മരടിൽ വൈദ്യുതി പോസ്റ്റ് ഒടിഞ്ഞ് സ്കൂൾ ബസിന് മുകളിൽ വീണു. എട്ട് വിദ്യാർഥികൾ ബസിൽ ഉണ്ടായിരിക്കെയാണ് അപകടം. വൈദ്യുതി ഇല്ലാത്തതിനാൽ വൻ ദുരന്തം ഒഴിവായി.
വൈദ്യുത പോസ്റ്റിലെ കേബിളിൽ ബസ് തട്ടിയാണ് പോസ്റ്റ് ഒടിഞ്ഞ് വീണത്. എരൂർ സൗത്ത് എസ്ഡികെവൈ ഗുരുകുല വിദ്യാലയത്തിന്‍റെ ബസാണ് അപകടത്തിൽപെട്ടത്.
ബസിനുള്ളിൽ ഇരുന്ന് അലറിക്കരഞ്ഞ വിദ്യാർഥികളെ നാട്ടുകാർ രക്ഷപ്പെടുത്തി സമീപത്തെ വീട്ടിലേക്ക് മാറ്റി. പിന്നീട് കുട്ടികളെ ആശ്വസിപ്പിച്ച് മറ്റൊരു വാഹനത്തിൽ സ്കൂളിലേക്ക് അയച്ചു.
