എകെജി സെന്‍ററിനു നേരേ സ്ഫോടകവസ്തു എറിഞ്ഞ സംഭവം! അ​ന്വേ​ഷ​ണ സം​ഘ​ത്തി​ന്‍റെ കാ​ര്യ​ത്തി​ൽ ഇനിയും തീ​രു​മാ​ന​മാ​യി​ല്ല

തി​രു​വ​ന​ന്ത​പു​രം: എ​കെ​ജി സെ​ന്‍റ​റി​നു നേ​രെ സ്ഫോ​ട​ക​വ​സ്തു എ​റി​ഞ്ഞ സം​ഭ​വ​ത്തി​ൽ ക്രൈം​ബ്രാ​ഞ്ച് അ​ന്വേ​ഷ​ണ​ത്തി​ന് ഉ​ത്ത​ര​വി​ട്ട് ദി​വ​സ​ങ്ങ​ൾ ക​ഴി​ഞ്ഞി​ട്ടും അ​ന്വേ​ഷ​ണ സം​ഘ​ത്തി​ന്‍റെ കാ​ര്യ​ത്തി​ൽ തീ​രു​മാ​ന​മാ​യി​ല്ല.

എ​കെ​ജി സെ​ന്‍റ​റി​ന് നേ​രെ ആ​ക്ര​മ​ണം ന​ട​ന്നി​ട്ട് 26 ദി​വ​സ​ങ്ങ​ൾ പി​ന്നി​ട്ടു. നാ​ല് ദി​വ​സം മു​ൻ​പാ​ണ് അ​ന്വേ​ഷ​ണം പോ​ലീ​സി​ൽ നി​ന്നും മാ​റ്റി ക്രൈം​ബ്രാ​ഞ്ചി​ന് ന​ൽ​കി സ​ർ​ക്കാ​ർ ഉ​ത്ത​ര​വി​റ​ക്കി​യ​ത്.

എ​ന്നാ​ൽ അ​ന്വേ​ഷ​ണ സം​ഘ​ത്ത​ല​വ​ന്‍റെ കാ​ര്യ​ത്തി​ലും ടീം ​അം​ഗ​ങ്ങ​ളു​ടെ കാ​ര്യ​ത്തി​ലും ഇ​തു​വ​രെ​ക്കും അ​ന്തി​മ തീ​രു​മാ​ന​മാ​യി​ട്ടി​ല്ല.

സി​പി​എം പാ​ർ​ട്ടി ആ​സ്ഥാ​ന​മാ​യ എ​കെ​ജി സെ​ന്‍റ​റി​ന് നേ​രെ സ്കൂ​ട്ട​റി​ലെ​ത്തി​യ അ​ക്ര​മി പ​ട​ക്ക​മേ​റ് ന​ട​ത്തി​യ ശേ​ഷം ര​ക്ഷ​പ്പെ​ടു​ന്ന​തി​ന്‍റെ സി​സി​ടി​വി ദൃ​ശ്യ​ങ്ങ​ൾ കേ​ന്ദ്രീ​ക​രി​ച്ച് പോ​ലീ​സ് അ​ന്വേ​ഷ​ണം ന​ട​ത്തി​യി​ട്ടും അ​ക്ര​മി​യെ​യൊ വാ​ഹ​ന​മൊ ക​ണ്ടെ ത്താ​ൻ പോ​ലീ​സി​ന് ക​ഴി​ഞ്ഞി​രു​ന്നി​ല്ല.

അ​തേ സ​മ​യം അ​ക്ര​മി​ക്ക് സ​ഹാ​യം ചെ​യ്ത് കൊ​ടു​ത്തെ​ന്ന് ആ​രോ​പ​ണം ഉ​യ​ർ​ന്ന​യാ​ളെ​ക്കു​റി​ച്ച് കൂ​ടു​ത​ൽ അ​ന്വേ​ഷ​ണം ന​ട​ത്താ​ൻ പോ​ലീ​സ് ത​യാ​റാ​കാ​ത്ത​ത് സി​പി​എ​മ്മി​ന്‍റെ ക​ള്ള​ക്ക​ളി വെ​ളി​ച്ച​ത്ത് വ​രു​മെ​ന്നു​ള്ള​തി​നാ​ലാ​ണെ​ന്ന് പ്ര​തി​പ​ക്ഷം ആ​രോ​പി​ച്ചി​രു​ന്നു.

പോ​ലീ​സും സി​പി​എ​മ്മും ചേ​ർ​ന്ന് അ​ന്വേ​ഷ​ണം അ​ട്ടി​മ​റി​ക്കു​ക​യും കേ​സ് അ​ന്വേ​ഷ​ണം അ​വ​സാ​നി​പ്പി​ക്കാ​ൻ തീ​രു​മാ​നി​ച്ച​തു​മാ​ണെ​ന്ന് പ്ര​തി​പ​ക്ഷം ആ​രോ​പി​ച്ചു.

ജ​ന​ങ്ങ​ളു​ടെ മു​ന്നി​ൽ മു​ഖം ര​ക്ഷി​ക്കാ​നാ​ണ് നി​ല​വി​ൽ ക്രൈം​ബ്രാ​ഞ്ച് അ​ന്വേ​ഷ​ണ​ത്തി​ന് സ​ർ​ക്കാ​ർ ഉ​ത്ത​ര​വി​റ​ക്കി​യ​തെ​ന്നും എ​ന്നാ​ൽ യ​ഥാ​ർ​ത്ഥ പ്ര​തി​ക​ളെ പി​ടി​കൂ​ടാ​ൻ സി​പി​എ​മ്മി​ന് താ​ൽ​പ​ര്യ​മി​ല്ലെ​ന്നും കോ​ണ്‍​ഗ്ര​സ് ആ​രോ​പി​ക്കു​ന്നു.

യ​ഥാ​ർ​ത്ഥ പ്ര​തി​ക​ളെ പി​ടി​ച്ചാ​ൽ പാ​ർ​ട്ടി നേ​തൃ​ത്വ​ത്തി​ന്‍റെ ആ​ക്ര​മ​ണ നാ​ട​കം വ്യ​ക്ത​മാ​കു​മെ​ന്നും അ​തി​നാ​ലാ​ണ് അ​വ​ർ ഉ​രു​ണ്ട ് ക​ളി​ക്കു​ന്ന​തെ​ന്നും പ്ര​തി​പ​ക്ഷം പ​റ​യു​ന്നു.

സി​റ്റി പോ​ലീ​സ് ക​മ്മീ​ഷ​ണ​റു​ടെ മേ​ൽ​നോ​ട്ട​ത്തി​ൽ പ്ര​ത്യേ​ക അ​ന്വേ​ഷ​ണ സം​ഘം രൂ​പീ​ക​രി​ച്ച് അ​ന്വേ​ഷ​ണം ന​ട​ത്തി​യി​ട്ടും അ​ക്ര​മി​യെ പി​ടി​കൂ​ടാ​നും വാ​ഹ​നം ക​ണ്ടെ ത്താ​നും സാ​ധി​ക്കാ​തി​രു​ന്ന​ത് പോ​ലീ​സി​ന് നാ​ണ​ക്കേ​ടാ​യി മാ​റി​യി​രു​ന്നു. ഈ ​സാ​ഹ​ച​ര്യ​ത്തി​ലാ​ണ് ആ​ഭ്യ​ന്ത​ര​വ​കു​പ്പ് ക്രൈം​ബ്രാ​ഞ്ച് അ​ന്വേ​ഷ​ണ​ത്തി​ന് ഉ​ത്ത​ര​വി​ട്ട​ത്.