കോട്ടയം: പ്രായപൂർത്തിയാകാത്ത പെണ്‍കുട്ടിയെ പീഡിപ്പിക്കാൻ ശ്രമിച്ച കേസിൽ അറസ്റ്റിലായ പ്രതിയെ റിമാൻഡ് ചെയ്തു.
അന്തിനാട് കൊല്ലപ്പള്ളി കടുതോടിൽ ബിജോയ് ചെറിയാൻ (46) നെയാണു പാന്പാടി പോലീസ് അറസ്റ്റ് ചെയ്തത്.
ഗ്യാസ് വണ്ടി ഡ്രൈവറായ ഇയാൾ കഴിഞ്ഞ ദിവസം ളാക്കാട്ടൂർ ഭാഗത്തുവച്ച് ഓടിച്ചിരുന്ന വണ്ടി കേടാകുകയും തുടർന്നു തൊട്ടടുത്ത വീട്ടിൽ എത്തി കുടിക്കാനായി വെള്ളം ചോദിക്കുകയും,
വീട്ടുകാർ വെള്ളമെടുക്കുന്നതിനായി അകത്തേക്ക് പോയ സമയത്ത് വീടിന്‍റെ സിറ്റൗട്ടിൽ കളിച്ചുകൊണ്ടിരുന്ന പ്രായപൂർത്തിയാകാത്ത പെണ്‍കുട്ടിയെ പീഡിപ്പിക്കാൻ ശ്രമിക്കുകയുമായിരുന്നു.
കുട്ടിയുടെ കരച്ചിൽ കേട്ട് വീട്ടുകാർ വരികയും പോലീസിൽ വിവരം അറിയിക്കുകയും പോലീസ് സ്ഥലത്തെത്തി പ്രതിയെ അറസ്റ്റു ചെയ്യുകയമായിരുന്നു.
പാന്പാടി എസ്എച്ച്ഒ കെ.ആർ. പ്രശാന്ത് കുമാർ, എസ്ഐമാരായ കെ.എസ്. ലെബിമോൻ, എ.ആർ. ശ്രീരംഗൻ, എഎസ്ഐ രമേഷ് കുമാർ എന്നിവർ ചേർന്നാണ് പ്രതിയെ പിടികൂടിയത്.
