വാ​ട്ട​ര്‍ മീ​റ്റ​ര്‍! വീ​ടു​ക​ളി​ൽ ന​ഗ്ന​നാ​യെ​ത്തി മോ​ഷ​ണം നടത്തി ര​ണ്ടാ​ഴ്ച​യി​ലേ​റെ​യാ​യി നാ​ട്ടു​കാ​രു​ടെ ഉ​റ​ക്കം കെ​ടു​ത്തി​യ ന​ഗ്ന​മോ​ഷ്ടാ​വ് ഒ​ടു​വി​ൽ വ​ല​യി​ലാ​യി

സ്വ​ന്തം ലേ​ഖ​ക​ൻ

ക​ണ്ണൂ​ര്‍: ക​ണ്ണൂ​ർ ജി​ല്ല​യു​ടെ ന​ഗ​ര​പ​രി​സ​ര​ങ്ങ​ളി​ല്‍ ര​ണ്ടാ​ഴ്ച​യി​ലേ​റെ​യാ​യി നാ​ട്ടു​കാ​രു​ടെ ഉ​റ​ക്കം കെ​ടു​ത്തി​യ ന​ഗ്ന​മോ​ഷ്ടാ​വ് ഒ​ടു​വി​ൽ പോ​ലീ​സി​ന്‍റെ വ​ല​യി​ലാ​യി.

വാ​ട്ട​ര്‍ മീ​റ്റ​ര്‍ എ​ന്ന് വി​ളി​പ്പേ​രു​ള്ള ത​മി​ഴ്നാ​ട് ഗൂ​ഡ​ല്ലൂ​ർ നീ​ല​ഗി​രി സ്വ​ദേ​ശി അ​ബ്ദു​ള്‍ ക​ബീ​റി (56) നെ​യാ​ണ് എ​സി​പി ടി.​കെ. ര​ക്ന​കു​മാ​റി​ന്‍റെ നി​ർ​ദേ​ശ​പ്ര​കാ​രം ക​ണ്ണൂ​ർ ടൗ​ൺ പോ​ലീ​സ് അ​റ​സ്റ്റ് ചെ​യ്ത​ത്. പോ​ലീ​സി​ന്‍റെ ആ​സൂ​ത്രി​ത നീ​ക്ക​ത്തി​ലാ​ണ് പ്ര​തി പി​ടി​യി​ലാ​യ​ത്.

ക​ഴി​ഞ്ഞ​ദി​വ​സം ഇ​യാ​ള്‍ ന​ഗ്ന​നാ​യി മോ​ഷ​ണ​ത്തി​നി​റ​ങ്ങി​യ സി​സി​ടി​വി ദൃ​ശ്യ​ങ്ങ​ള്‍ പു​റ​ത്തു​വ​ന്നി​രു​ന്നു.

ഇ​തി​നു​പി​ന്നാ​ലെ​യാ​ണ് പ്ര​തി​യെ​ക്കു​റി​ച്ചു​ള്ള വി​വ​ര​ങ്ങ​ള്‍ പോ​ലീ​സി​ന് ല​ഭി​ച്ച​ത്. ക​ണ്ണൂ​ർ ന​ഗ​ര​ത്തി​ൽ വീ​ണ്ടും മോ​ഷ​ണം ന​ട​ത്താ​ൻ കോ​ഴി​ക്കോ​ടു​നി​ന്ന് ബ​സ് മാ​ർ​ഗം വ​രു​ന്നു​ണ്ടെ​ന്ന വി​വ​രം ല​ഭി​ച്ച​തോ​ടെ ഇ​ന്ന​ലെ രാ​വി​ലെ ക​ണ്ണൂ​ർ കെ​എ​സ്ആ​ർ​ടി​സി ബ​സ്‌​സ്റ്റാ​ൻ​ഡി​ൽ​നി​ന്നാ​ണ് പ്ര​തി പി​ടി​യി​ലാ​യ​ത്.

പ്രാ​ഥ​മി​ക ചോ​ദ്യം​ചെ​യ്യ​ലി​ല്‍ ഇ​യാ​ള്‍ കു​റ്റം സ​മ്മ​തി​ച്ച​താ​യാ​ണ് വി​വ​രം. ന​ഗ്ന​നാ​യി മോ​ഷ​ണം ന​ട​ത്തു​ന്ന​താ​ണ് പ്ര​തി​യു​ടെ പ്ര​ത്യേ​ക​ത.

ക​ണ്ണൂ​ർ ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ലും മോ​ലെ ചൊ​വ്വ, താ​ഴെ​ചൊ​വ്വ ഭാ​ഗ​ങ്ങ​ളി​ലും പ്ര​തി മോ​ഷ​ണം ന​ട​ത്തി​യ​താ​യി പോ​ലീ​സി​നോ​ട് സ​മ്മ​തി​ച്ചു.

ഇ​യാ​ൾ​ക്കെ​തി​രേ നി​ല​വി​ൽ കോ​ഴി​ക്കോ​ട്, മ​ല​പ്പു​റം, വ​യ​നാ​ട് ജി​ല്ല​ക​ളി​ൽ 11 മോ​ഷ​ണ കേ​സു​ക​ളു​ണ്ട്. മേ​ലെ​ചൊ​വ്വ ഭാ​ഗ​ങ്ങ​ളി​ൽ പ്ര​തി മോ​ഷ​ണം ന​ട​ത്തി​യ വീ​ടു​ക​ളി​ലെ​ത്തി​ച്ച് പോ​ലീ​സ് തെ​ളി​വെ​ടു​പ്പ് ന​ട​ത്തി.

പ​ക​ല്‍​സ​മ​യ​ങ്ങ​ളി​ല്‍ ആ​ൾ​ത്താ​മ​സ​മി​ല്ലാ​ത്ത വീ​ടു​ക​ള്‍ കൃ​ത്യ​മാ​യി നി​രീ​ക്ഷി​ച്ച് രാ​ത്രി ആ ​വീ​ടു​ക​ളി​ല്‍ മോ​ഷ​ണ​ത്തി​നെ​ത്തു​ക​യാ​ണ് ഇ​യാ​ളു​ടെ രീ​തി.

അ​വ​ധി ദി​വ​സ​ങ്ങ​ളി​ല്‍ മാ​ത്രം വീ​ട്ടി​ല്‍ വ​രു​ന്ന സ​ര്‍​ക്കാ​ര്‍ ഉ​ദ്യോ​ഗ​സ്ഥ​രു​ടെ​യും മ​റ്റും വീ​ടു​ക​ളാ​ണ്‌ ഇ​യാ​ള്‍ സ്ഥി​ര​മാ​യി മോ​ഷ​ണ​ത്തി​ന് തെ​ര​ഞ്ഞെ​ടു​ക്കു​ന്ന​ത്.

ര​ണ്ട് വീ​ടു​ക​ളി​ല്‍ ഇ​യാ​ള്‍ മോ​ഷ​ണം ന​ട​ത്തു​ന്ന​തി​ന്‍റെ​യും ന​ഗ്ന​നാ​യി ന​ട​ക്കു​ന്ന​തി​ന്‍റെ​യും സി​സി​ടി​വി ദൃ​ശ്യ​ങ്ങ​ള്‍ ക​ഴി​ഞ്ഞ​ദി​വ​സം പു​റ​ത്തു​വ​ന്നി​രു​ന്നു.