ആറന്മുള: ഇലന്തൂര്‍ സ്വദേശിയായ പെണ്‍കുട്ടിയെ വിവാഹ വാഗ്ദാനം നല്‍കി പീഡിപ്പിച്ച കേസില്‍ നിരവധി ക്രിമിനല്‍ കേസുകളില്‍ പ്രതിയായ യുവാവിനെ ആറന്മുള പോലീസ് അറസ്റ്റ് ചെയ്തു ഏനാദിമംഗലം വില്ലേജിലെ കുന്നിട, ചെളിക്കുഴി ഉഷാ ഭവനില്‍ ഉമേഷ് കൃഷ്ണനാണ് (32) അറസ്റ്റിലായത്.
വിവാഹിതനും ഒരു കുട്ടിയുടെ പിതാവുമായ ഉമേഷ് ഇക്കാര്യം മറച്ചുവച്ച് യുവതിയുമായി സൗഹൃദം സ്ഥാപിക്കുകയായിരുന്നു.
വിവാഹിതനാണെന്ന കാര്യം ശ്രദ്ധയില്‍പെട്ട പെണ്‍കുട്ടി വീട്ടുകാരെ വിവരമറിയിക്കുകയും തുടര്‍ന്ന് പോലീസില്‍ പരാതി നല്‍കുകയായിരുന്നു.
കേസ് രജിസ്റ്റര്‍ ചെയ്തതറിഞ്ഞ് ഒളിവില്‍ പോയ ഉമേഷ് ഡല്‍ഹി, ഹരിദ്വാര്‍ തുടങ്ങിയ സ്ഥലങ്ങളില്‍ ഒളിവില്‍ കഴിഞ്ഞശേഷം രണ്ടുദിവസം മുമ്പ് തിരികെ നാട്ടിലെത്തി ആള്‍പ്പാര്‍പ്പില്ലാത്ത ഒരു കുന്നിന്‍ മുകളില്‍ രഹസ്യമായി താമസിക്കുന്നതായി വിവരം ലഭിച്ചതിന്‍റെ അടിസ്ഥാനത്തില്‍ ഇന്നലെ പുലര്‍ച്ചെ പോലീസ് സംഘം നടത്തിയ തെരച്ചിലാണ് പ്രിടികൂടിയത്.
അടൂര്‍ , ഏനാത്ത് പോലീസ് സ്റ്റേഷനുകളില്‍ നിരവധി കേസുകളില്‍ പ്രതിയായ ഇയാള്‍ കാപ്പ നിയമപ്രകാരം ജയില്‍ വാസമനുഭവിച്ചിട്ടുണ്ടെന്നും പോലീസ്.പത്തനംതിട്ട കോടതിയില്‍ ഹാജരാക്കിയ ഉമേഷിനെ റിമാന്‍ഡ് ചെയ്തു.
