തിരുവനന്തപുരം: ശബരിമല തീർത്ഥാടകർക്ക് ഇരുമുടികെട്ടിൽ തേങ്ങയുമായി വിമാനത്തിൽ യാത്ര ചെയ്യുന്നതിനുള്ള വിലക്ക് നീക്കി ബ്യൂറോ ഓഫ് സിവിൽ ഏവിയേഷൻ ഡയറക്ടറേറ്റ് ഉത്തരവിറക്കി.
മകരവിളക്ക് വരെയാണ് ശബരിമല തീർത്ഥാടകർക്ക് ഈ ഇളവ് അനുവദിച്ചിരിക്കുന്നത്. നേരത്തെ സുരക്ഷാ കാരണങ്ങളാൽ ഇരുമുടി കെട്ടിൽ തേങ്ങയുമായി യാത്ര ചെയ്യുന്നതിന് വിലക്കുണ്ടായിരുന്നു.
അതേസമയം വിശദമായ പരിശോധനകൾ നടത്തിയതിന് ശേഷമായിരിക്കും ഇരുമുടികെട്ടിൽ തേങ്ങയുമായി വിമാനത്തിൽ യാത്ര ചെയ്യാൻ അനുമതി ലഭിക്കുക എന്നും സിവിൽ ഏവിയേഷൻ ഡയറക്ടർ അറിയിച്ചു.
