ആരാധകരെ ആവേശത്തില്‍ ആറാടിച്ച് ഗ്രൂപ്പ് ജിയിലെ തങ്ങളുടെ ആദ്യ മത്സരം വിജയിച്ചിരിക്കുകയാണ് ബ്രസീല്‍ ടീം. സെര്‍ബിയയെ 2-0നാണ് ബ്രസീല്‍ ടീം തകര്‍ത്തു വിട്ടത്.
ഒട്ടുമിക്ക ആളുകളും ബ്രസീലിന്റെ വിജയം പ്രവചിച്ചുവെങ്കിലും കൃത്യം സ്‌കോര്‍നില പ്രവചിച്ചവര്‍ കുറവാണ്. അങ്ങനെ കൃത്യമായി സ്‌കോര്‍ പ്രവചിച്ചവരില്‍ ഒരാളാണ് നടിയും മോഡലുമായ നിമിഷ ബിജോ.
ബ്രസീല്‍ യൂണിഫോമിട്ട് നിമിഷ സോഷ്യല്‍ മീഡിയയില്‍ നടത്തിയ പ്രവചനം കൃത്യമായി. കടുത്ത ബ്രസീല്‍ ആരാധകയായ നിമിഷ തന്റെ ടീം വിജയിച്ചതിന്റെയും തന്റെ പ്രവചനം കൃത്യമായതിന്റെയും സന്തോഷത്തിലാണ്.
